السلام عليكم ورحمة الله وبركاته
اخواتي العزيزات انا قبل فتره حلمت حلم في بابا جابر الله يرحمه وهو:
حلمت اني داشه مكان كبير ووسيع وكان ابيض وصافي وفيه ناس وايد وكلهم ميتين وكانوا قاعدين صفه يم بعض المهم اني شفت الشيخ جابر ورحتله بسرعه وقتله اشلونك شخبارك وينك ليش رحت وخليتنا ابروحنا جان يبتسم ويقول شسوي مو بيدي وكان ويهه حيل حيل مرتاح جان اقوله انشالله مرتاح بمكانك اهني جان يقول حيل حيل مرتاح ماتصدقين اشكثر مرتاح انا عايش بجنه احسن من الدنيا او ودي كل الكويتيين ايون المكان اللي انا فيه من كثر ماهو زين ومريح .... جان يقولي شخبار الكويتيين انشالله مرتاحين جان اقوله من رحت عنه واحنا ضايعين وضايق خلقنا خايفين من الدنيا جان يبتسم ابتسامه تهبل ويقول ميخالف هذا بس اول شي بعدين راح ترتاحون الحين انتو خايفين صبروا اشوي ترى انا حطيتكم بايدي امينه .... جان اقوله انزين انا بمشي تامرني على شي جان يتغير ويهه ويضيق خلقه ويقولي ليش محد يدعيلي الكويتيين مو قاعدين يدعولي اهم نسوني محد قعد يدعيلي الا واحد اللي اهم عيالي قولي حق الكويتيين انا ماقصرت معاهم لا يبخلون علي بدعاؤهم ترى انا محتاج لهذا الدعاء وايد جان اقوله انشالله والكويتيين كلهم قعد يدعولك بس اهم انشغلوا بالدنيا جان يخلص الحلم.
ياجماعه بليز بليز لاتنسونه بالدعاء حرام ترى اهو ماقصر معانا دايما بسجودكم ادعوله وقولوا الله يرحمه ويغفرله ويوسع له قبره وينور له فيه ويجعل القرآن انيسه وونيسه فيه واجعل قبره روضه من رياض الجنه ولا تجعله حفره من حفر النار ياكريم ياقادر يا رحيم يا رؤووف . ترى ماراح تنقصون شي اهو محتاج لهالدعاء والله لو شفتوا ويهه بالحلم جان ضاق خلقكم ,, يعني من كثر مايحبنا قال اتمنى الكويتيين ايون المكان اللي انا فيه بعد عمري حتى بعد موته يفكر فينا وخايف علينا . [/
