حلمك شعر كثيف و جذاب كله صحة و حيوية ان شاء الله راح تحصلين على طلبك معايا و بالصور

[MISS_LIZLIZ]

السلام عليكم و رحمة الله و بركاته ​

قبل تقرأين الموضوع رجاءً رددي هالعبارات حتى تكسبين اجر للاخرة و تستفيدين للدنيا في نفس الوقت ​

( سبحان الله و الحمد لله و الله اكبر و لا إله إلا الله و لاحول و لاقوة إلا بالله و اللهم صلى و سلم على محمد , عدد خلق الله و رضا نفسه و زنة عرشه و مداد كلماته و ملء ميزانه )​

الكل يتمنى شعر جذاب و صحي و مليء بالحياة و اللمعان مثل اللي نشوفها على اغلفة المجلات ​

بغض النظر عن نوعية شعورنا اذا هي مموجة او ناعمة ​

كلنا نتمنى شعر بدون تساقط
شعر بدون دهون
شعر بدون قشرة أو تقصف
شعر طويل و ملمسه يفتح النفس ​

بإذن الله راح تحصلين على الشعر الجميل اللي الكل يتمناه ​

لكن قبل كل شي احب انبه على نقطتين مهمة :​

اذا كنتي اختي الكريمة تعانين من فقر الدم او عدم توازن في الهرمونات علاجيهم و حياكي الله في هالبرنامج ​

اول شي احب اقولكم قصتي اللي خلتني استدل على هالبرنامج​

انا عمري 21 لكن شعري فيه شيب ( وراثة في العائلة ) وقت كنت صغيرة كانت ماما الله يحفظها دائماً تحني شعري وراضية لكن المشكلة وقت دخلت الجامعة صار الشيب ياخذ لون الحنا اللون الاقرب للبرتقالي و صار يضايقني كثير فاضطر اني اصبغ و مع الصبغ اتغيرت طبيعة الفروة و صارت دهنية و القشرة تكثر في شعري و كان هذا روتيني و متحملة الوضع
المهم قبل تقريباً 9 اشهر صارت عندنا مناسبة و اختي الله يجزاها خير قالت لي انا اصبغ لك
لكن للاسف ما طلع اللون مثل كل مرة و رجعت عدت الصبغه و للاسف اللون كل ماله يقوى ما يخف ​

حتى اضطريت اني اصبغ للمره الثالثة و الحمد لله ضبط اللون لكن عرفت اني حرقت شعري حرق رهيب و أليــم​

رحت المناسبة و كملت اليوم مع ان قلبي مقبوض من الداخل و كل شوي ضميري يأنبني .. واقول في خاطري على شان مين احرق في شعري كل هذا الحرق و حسيت حالي لاول مرة ندمانة ندم مو طبيعي على تعاملي البايخ و تصرفي البشع مع شعري و صحة فروته ​

و انتم عارفين ان صبغ ثلاث مرات في اسبوع واحد يلهب الفروة و يزيد من مشاكل الشعر اكثر
لدرجة و الله اذا دخلت المشط في شعري اسمع صوته يطقطق و نفس الشعر يتكسر من النص ​

ريحت اسبوعين من التفكير في شعري لاني اكتئبت من منظره و لونه و حتى ملمسه صار سيء و من تمشيطه حتى اذا كنت اخرج مشوار امشطه اي كلام
و ظليت على هذا الكلام شهر بس ابغى شعري يرتاح شوية قبل ما ابدء العلاج ​

و رحت لاخصائية جلدية و شرحت لها المشكلة كاملة و الحمدلله على زيارتي لها ​

بفضل الله سبحانه و تعالى اتعالجت المشكلة في غضون 5 شهور و حصلت على شعر رائع صحي و طويل و فروة سليمة و لله الحمد و الشكر ​

غير نصائح الوالدة جزاها الله خير اللي ساعدتني كثير ​

و اليوم بعد تجربة الاشياء على نفسي اقدر اقولكم عن الكنز اللي فعلاً اشوفه كنز و صيد ثمين للشعر راح يعطيكي نتائج اكثر من اللي تتوقعينها بإذن الله ​

و يا رب تستفيد كل وحدة تقراء موضوعي هذا​

رجاءً لا احد يرد حتى اكمل لكم الموضوع بالصور ​

:eh_s(7):​

 

[MISS_LIZLIZ]

العلاج الداخلي :

فيتامين هير دال Hair Dal

هذا فائدته : يوقف التساقط و يقوي بصيلة الشعرة

فيتامين هير فيت hair - vit

هنا انتهينا من العلاج الداخلي

نجي لمعالجة فروة الرأس و اللي هيا الاساس
كل ما كانت فروتك صحية راح يقوى شعرك و يتنفس صح و يكون سميك و قوي من الجذور للاطراف لكن خلي في بالك كل ما سكرت الدهون و القشور بصيلة الشعره راح تسبب جريب ابيض حول الشعرة يتسبب في قلع الشعره مع الحكة و يضعف البصيلة

هذا الشامبو يستخدم مرتين في الاسبوع و من شركة موثوقة يعالج و يوقف التساقط

وهنا انبولات من نفس الشركة تستخدم لتغذية الفروة و الشعر من جذوره تستخدم 3 مرات في الاسبوع

طبعاً الشركة هاذي معروفة انها اقوى شركة في مجال معالجة الشعر و عندهم كثيررر اشياء مفيدة للشعر لكن من واقع تجربة اقدر اقولكم هالشغلتين منها ممكن تحقق لك شعر مثل اللي في الصور

غير ان اسعار هالشركة مو رخيصة للصراحة و لو تبغين تتابعين اغلب منتجاتهم يبي لك مبلغ و قدره لشغلاتهم يعني انا بس الشامبو و الانبولات قطعوا علي 400 ريال تقريباً

نجي للماسك اللي يصحح الشعر من التقصف و يعطيه اللمعان و النعومة

اخذ جل الصبار طبيعي من نفس النبته و احطه في الخلاط و اضيف له عصير الجرجير و اصفيه من الرواسب و اخذ بس العصاره او المويه حقت الخليط و احطهم في بخاخ و ارش فيه على شعري مرتين في الاسبوع و بجد مفيد و رائع للشعر

كذلك مغلي البابونج و اكليل الجبل استخدمه في بخاخ للشعر حتى يساعد الفروة تكون خالية من القشرة و نظيفة من الدهون تماماً 3 مرات في الاسبوع

و لترطيب الشعر حتى ما ينشف استعمل ( زيت النارجين الطبيعي ) و احياناً زيت الفواكه فقط لا غير عن هذا الزيتين و استعملهم بين مرتين و احياناً 3 مرات في الاسبوع

و خلال 5 شهور من هالبرنامج بإذن الله راح تشوفين شعرك مثل شعر العارضات اللي يجوون على اغلفة المجلات

اي سؤال انا حاضرة من عيوني

و اتمنى منكم خواتي دعوة صادقة من القلب لاختكم اللي تحب تفيدكم

​

 

[برستيج فتاه]

تسسسسسسسسسسسسلمين ياااالغلا ع الافااده وجزااك الجنه تهنيين

زيت الفوااكه اول مره اسسمع عنه يااليت توصفين للي فواايده وشكله واكوون ششاكره

لك،..

 

[&موناليزا&]

مشكورة حبيبتي

 

[G!RLooNa]

اااه يا هالشعر

يعطيج العااافيه

 

[خذني بقايا جرووح ‏]

الله يوفقج حبيبتي مشكووووره

 

[برنسس أوراق]

مشكوووووره حبوب هير فيت سامعه عنهاااااا

 

[✿فيْۈنڪْہ✿]

تسلميــن حبيبتــي ...

واللــه يعطيــج العافيــه ...

 

[ريمه الكويت]

الله يحقق لج ماتتمنينه يارب وتشوفين شعرج للافضل

 

[• JoJo •]

جربت هيردال وللاسف ما فادتني

مشكورة قلبي

 

[كرسي دوار]

مشكوره والله يهنيج بشعرج

 

[sousouna]

بارك الله فيكي حبيبتي على مشاركتنا تجربتك الله يرزقك كل اللي بتتمنيه وشعرك يصير قمة الجمال والقوة

 

[aحلم عمريa]

يسلمووووووو

والله يعطيج العافيه ويوفقج

ودددددددددي لك

 

[الغلا كله لبوي]

بالله عليج الحبوب تسمن ولا لا لاني اسوي رجيم وابي اضعف
ومشكوره

 

[om norha]

مشكوووورة

 

[لعبة ايام]

يعطيكي العافية وتننهي فيه

وعليكي بالف عافية

ان شاءالله حصنيه بقرا ن لا اوصيك

عيني بسالك حبوب ما تتخن ؟؟ وياريت تكتبي اسم شامبو وانبولات

وعندي سؤال ممكن اقصهم واحطهم وافركهم بدل مااكلهم ؟؟

وهل شامبو ينفع لشعر لدهني ؟؟ وشكرا

 

[كيفي كيوت]

يسلموووو

 

[الاميره..]

ربي يسسسسسعدك ويووووفقك حبيبتي ..

 

[مارياq8]

جزاج الله الف خــــير

 

[sul6ana]

بالله عليج الحبوب تسمن ولا لا لاني اسوي رجيم وابي اضعف
ومشكوره

انا بعد استخدم حبوب هيردال ولا سمنتني وولااا شي...