حلمين بنفس الوقت واليوم الاربعا ارجو تفسير الحلم من دلع العتبان

[Mjnont '3lay]

السلام عليكم ..
عندي حلمين الاول لي والثاني لاختي تبي تفسيره
الاول حلمت بخدامتي .. ووقت الحلم اليوم الصبح ..
حلمت انها كانت واقفه تخزني حيييل بنظرات غريبه ويوم رحت قربت منها وسألتها خير شتبين تطالعين قامت تخز بنظرات تخوف وعينها اليمين قلبت حمرا مثل القطو والعياذ بالله فجأه انا لفيت ايدها حيل بس مو ذاكره يمكن طقيتها او لا بس بعدها رحت بسرعه حق اخوي وطلبت منه اني بكلمه على انفراد وقلت حق اخوي انه خدامتي فيها مس ولازم نسفرها واخوي قلب وجهه حزين وقالي انا كنت حاس من زمان وقالي كلام ثاني بس ما اذكره وعلطوول قمت من حلمي ..
ملاحظه : انا كنت مدللتها قبل اعطيها فلوس واخليها تطلع الجمعيه بروحها وجذي بس الحين يوم قامت تتمادى وتطول لسانها قمت ما اعطيها غير النفسيه الخايسه وشديده معاها بس بالكلام يعني ما اطق ولا شي بس لمن تطول لسانها اوقفها عند حدها اما باقي الايام ما اكلمها غير بالامر والهدووء
واهيا سيلانيه مسيحيه وصارلها عندي سبع سنين وبالواقع فعلا مرات تقعد تخز فيني وانا احقرها اسوي روحي مو ملاحظه ارجو تفسير حلمي باسرع وقت لاني ما ودي اقطع رزقها على حلم بس اخاف انه فيها بلا وهذي اشاره من ربي ..




الحلم الثاني حق اختي اهيا تحب واحد ومتفقين على الزواج بس مو هالفتره لانه عنده ظروف شوي وكلنا ندري انه يبيها حتى ابوي وامي واهله يدرون واهو جاد بعلاقته وياها اليوم الصبح دقت علي تبي تفسير حق حلم اللي يحبها حلم فيه مو اهيا تقول قايلها انه حلم بانه عنده ولد من اختي وهالولد عمره 3 او اربع سنين ومره من المرات راحت اختي بيت اهله ومعاها ولدهم وكان اللي تحبه موجود ببيت اهله بالبدايه دش ولدهم بس عليهم بالصاله و ام الولد انصدمت وسكتت مو عارفه شسالفه بنفس الوقت نزل الولد اللي تحبه اختي على انه زوجها وباس ولدهم وقام يسأله اسأله واجد والولد ذكي يرد بجرأه وقاله يالله سمع حق جده سورة يونس ووولدهم سمعها كامله حق جدته ام الولد والجده انصدمت وبعد فتره دشت عليهم اختي كاشخه ولابسه نقاب وريحة عطرها قويه وقعدت والولد قال حق امه هذي زوجتي وهذا ولدي .. وبس هذا اللي فهمته من اللي قالته يعني ما قالت بالتفصيل شنو صار بالحلم بس ارجو تفسيره لاني وعدتها اعطيها خبر باجر بتفسير الحلم وعساه بشره ساره لها انشاءالله ..
وقت الحلم اليوم .. يمكن بليل يمكن الصبح بس اهيا دقت علي الصبح تقول انه حلم اليوم وعلطول دق عليها مستانس قالها الحلمـ ..


دلع طلبتج حبيبتي لا تحذفين الحلم فسريه لي اهني انا حابه احط حلمي بموضوع بروح .. ويعطيج الف عافيه :eh_s(7):

 

[мαѕт αʟ-sнαяơ]

المس بالحلم يعني سارق و يفعل افعال غير لائقة بالدين

اما نظرتها لج اما تكون حاسده او ساحره

( وَمِن شَرِّ النَّفَّاثَاتِ فِي الْعُقَدِ ) الفلق 4

والله اعلم