حلمي بسيارة إختي

[LuLiTa]

سلام عليكم

انا كتبت حلمي امس بس انحذف الظاهر انا ما ركزت بقوانين القسم عدل ... عبالي نقدر نكتب الحلم بأي يوم وننطركم اتفسرونه بالايام المحددة ..

المهم
حالتي الاجتماعية عزباء
و حالياً بطالية و دينيا انا ملتزمة الحمدلله .. خواتي اللي بالحلم العودة عزوبية و تشتغل و الصغيرة توفت و اهي بعمر 10 سنين

المهم حلمت إني قاعدة أسوق سيارة إختي العودة و اهي قاعدة بالكرسي اللي وراي و اختي الصغيرة كانت قاعدة جدام يمي ... كنا رايحين بيت يدتي بس بالسكة اللي جبال باب بيتهم كان في تمساح يلف و يدور عالسيارة و لازق فيها...و لما اختي الصغيرة بطلت الباب و نزلت من السيارة التمساح وسع لها الطريج و ما أذاها و لا سوالها شي .. عقبها انتبه انه اختي الكبيرة موجودة و طنشها.. بس شاف انه دريشتي مبطلة جان يلف صوبي و يهجم علي و يبي يعضني .. فأنا سحبت راسه داخل السيارة عند حضني و نحرته بسجين كبيرة ...



شنو تفسيره ؟. و سوري خربطت بأيام التفسير

 

[مفسرة الاحلام]

ان صدقت الرؤيا توضح ان اختك الصغيره ذهبت فى طريق اخر وهو طريق الاخرة الله يرحمها

انتي واختك الكبيره فيكم مشكله روحيه معطله اموركم مشكله روحيه(اماعين او حسد او مس او سحر) وهالمس معطلكم بدليل انه يلف حول السيارة الى هي حياتكم وهجم عليك انتي اما جتك او بتجيك فتره تعب بدون ماتدرين وش السبب ودامك نحرتيه ان شاء الله نهايه لهالمشكله والله اعلم بقراءة سورة البقرة والمحافظه على الاذكار تنحل مشاكلكم والله اعلم

 

[LuLiTa]

صح انا و اختي في علينا عيون و حسد كبير على دراستنا .. و احنا ال ٢ متعطلة دراستنا من زمان و للحينها متعطلة ..