حلم يارب يكون خير

[راقية بذوقها]

السلام عليكم هلا باختي عبير اليوم حلمت الصباح وخايفه حيل اختي عبير انتي تعرفين اني اتعالج بالرقية الحمدلله كل الاعراض راحت عند النوم قمت انام مرتاحه بس بقى رجفه العين اليسار ماراحت تروح وتجي امس تدهنت بزيت مقري مع مسك اسود حلمت كاني مثل مانا نايمه بسريري وجات لي جدتي وهي متوفيه من سنين الله يرحمها جات وقعدتني وتربعت وكانها تدري بمشكلتي ورجفه العين وقعدت تنفخ على عيني بشكل غريب تفتح فمها وكانه يطلع هواء بارد منها وطلعت من عيني شعر وبالتحديد ثلاث شعرات وطوال ثنتين سود ووحدة بيضه وانا مستغربه شلون يطلع من عيني شعر وانتهى الحلم اختي حيل خايفه بجد ليكون فيني سحر او شي طمنيني وابي الصج تقولينه لاتخافين علي وانا بنت مو متزوجه ولا موضفه ومتخرجه من الجامعه ومحافظه على الصلاه ومشكووورة خيتووو

 

[مفسرة الاحلام]

وعليكم السلام ورحمه الله وبركاته

ان صدقت الرؤيا غاليتي الله اعلم انتي مصابه ب3 عيون وحده منهم حيل قديمه ممكن من ايام الطفوله وثنتين جداد والله اعلم بالصدقه عنك وعن جدتك المتوفى سوف تشفين منها جميعا وان شاء الله ترجع عينك طبيعيه وبعد خذي ماء زمزم واقرائي فيه المعوذات واغسلي فيه عينك وان استطعتي ان تقرائين سورة البقره كامله فى جيك ماء زمزم وتخصصينه لغسل عينك يكون افضل الله يتمم عليك بالشفاء العاجل لا الحمد الله حبيبتي راقيه وين كنا وين صرنا يالله من فضلك الان افضل بكثير ماشاء الله تبارك الله الله يتمم عليك ومازلت اذكر اول حلم لك بكل تفاصيله الحمد الله فكري بكل الى مضى وفكري بالي باقي بتحصلين انك وصلتي خلاص باقي خطوه وترتاحين باذن الله تعالي