حلوا مشكلتي

[ام توووني]

السلام عليكم جميعاانا مشتركه جديده سعوديه وامووووت فالكويتيات اتمنى يكون عندي صديقات من الكويت بصراحه احب منتداكم مره وتوحشوني مره مره وماني مصدقه اني سجلت وقاعده اكتب لكم وبتقرونلي وانشالله تردولي وتحبوني ياااي وناسه المهم بقولكم مشكلتي انا متزوجه واحب زوجي وهو يحبني ومو مقصر معي فشي يقصر على نفسه عشاني بس كمان انا مااطلبه فوق طاقته بقولكم جزء منكد علي وادا شفت تجاوب منكم الله يعينكم علي مشكلتي ان زوجي ادا زعلت منه مايراضيني ويكون هو غلطان قد ما اجلس زعلانه مايكلمني ادا شافني زعلانه خلاص يتجنبني وكانه هو اللي زعلان مايغلط علي بس يطنشني ويكون عارف نفسو غلطان بس مايبادر ادا عاتبته يعتذر انا نفسي هوه يبدا بالصلح اب احس بقيمتي عنده مليت كل مازعلت منه قلت بطنشه لين هوه يجي يعتذر بس امل من الانتظار وارجع اكلمه وانا ماازعل الابسبب يعني مو دلع تعبت من هالوضع ايش اسوي عشان يتغير ولا مستحيلنفسي احس هالاحساس الحلو انو يراضيني ويخاف على زعلي ولا انا احلم مشكورين مقدما حتى لو مارديتو علي برضو احبكم واتابعكم ماكو فكه مني سامحوني عالاطاله و شكرا:eh_s(17):

 

[غـرامـي أنـت]

يمكن طبع فيه أو انه يحس انها تنص من رجووولته ..

 

[Noor_AlQ8]

حبيبتي احنا بعد نحبكم ونموت فيكم مرررررره وايد

يمكن يحس انها شوي برجولته لكن عادي عيشي حياتج انكم مثل الحبايب والاخوان مابينكم اعتذار بينكم صفح بدون اعتذار يعني مثلا الاخوان يتهاوشون لكن بالاخير يكلمون بعض بدون اعتذار لانهم اخوان او خوات فهمتي

 

[๓ίşś зśŏłả..!]

مع البنات
كل واحد وطبعه وايد ناس حتى لو اهما الغلطانين مايقولون ولا يعتذروون

 

[ELFAD3Ah]

عادي وايد في ناس جذي يحسون ان الاعتذار يقلل من قيمتهم

 

[عاشقة_الجمال]

وايد رياييل جذي طبعهم يعتبروون الاعتذار من المره نقص لرجووولتهم

طووووفي يا قلبي دام ان الريال زيين وحبووب معاج

 

[Dodo80]

[size="[size="6"]6"]ههههههههه نفس طبع زوجي بضبط انا كنت ابجي بجي لاني مظلومه وهو عديم احساس ويطنش هواية التطنيش ولو يطول الزعل اسبوع عادي عنده عن نفسه اهو الصح وانا الغلط بس عرفت علاجه انه عقب الهوشه ابدل ويهي من الحزن والقهر الي السعاده والمرح والضحك ادري بتقولين اني مو صاحيه ههههههههههه شسوي هذا هو الحل لانه دقايق راح يغير اسلوبه ويحس نفسه ندمان بس طبعا من غير كلمة اسف

نصيحهههههههههه
اختي عيشي حياتج بلا هم وزعل والله مافي شي يسوي لا تخلين الايام اغلبها حزن وتخلين الزوج يطفش منج وكله بره البيت بالعكس خلي الحزن دقايق لانه الي تبينه ماراح تحصلينه من الزوج ولا بالاحلام ههههههههههه[/size][/size]

 

[last-moon]

والله ما ادر يالمتزوجات يفيدونج للاسف انا مو متزوجه


تقلبي مروري

 

[!! D m i r a a !!]

ان زوجي ادا زعلت منه مايراضيني ويكون هو غلطان

قد ما اجلس زعلانه مايكلمني ادا شافني زعلانه خلاص يتجنبني وكانه هو اللي زعلان

مايغلط علي بس يطنشني ويكون عارف نفسو غلطان بس مايبادر

ادا عاتبته يعتذر

انا نفسي هوه يبدا بالصلح اب احس بقيمتي عنده

كل مازعلت منه قلت بطنشه لين هوه يجي يعتذر بس امل من الانتظار

وارجع اكلمه وانا ماازعل الابس

انصحج تبحثين في النت عن بوصلة الشخصيه



من كلامج أتوقع زوجج جنوبي



طبعا اذا شفتي بوصلت الشخصيه راح تفهمين كلامي وقصدي




المهم

راجعي نفسج يالغلا:

* هل انتي من النوع اللي بسرعه يزعل ؟يعني حساسه ؟


لو كنتي من هالنوع ,, فـ حاولي تغيرينه لانه كثرة الزعل على الزوج يسبب ملل وعدم اهتمام

لأنه راح يعتبر زعلج نكد فبالتالي راح يقابله بتجاهل وماراح يهتم



1: تجنبي الزعل .. لاتزعلين الا ع الشي اللي يستاهل .. كثرة الزعل تحسس الزوج انه زعلج ماله قيمه

بعكس الزوجه اللي ماتزعل الا على الشي اللي يستاهل وبالمقابل ماترضى بكلمه او بوسه صحيح تتقبلهم منه لكن تطلب

مثلا خاتم ذهب او الماس/ ساعه ماركه/ موبايل / اشياء ماديه يدفع فيها ..


عشان تربط بعقله انه زعلها غالـــــــي ورضـاها أغـــلآ <== طبعا تطلبه بدلع مو بأمر

فـ بالتالي يداري عليها ويتجنب زعلها



2: بحالة زوجج أتوقع الحل الأنسب اذا هو غلطان خصوصا انه من النوع اللي مايبادر .. انج تتجاهلينه وتعيشين يومج عاااااااادي

تطلعين

أو تشوفين الـ تي في

أو تقرين مجله او قران

أو اتسولفين مع صاحباتج ..


المهم تحسسينه انه اهو الخسران مو انتي


3: مدام زوجج مايبادر أكبر غلط أنتي تبادرين وتراضينه .. لانه راح يتعلم على هالشي وراح يتكل ويعتمد عليج






​

 

[انا لحبيبي .]

كل انسان وطبعه

والاهم من كل هاد ولله الحمد ، انه بعتذر وبعرف انو غلطان ، الله لا يغير عليكم الا للاحسن ،

 

[pusy cat]

اغلبهم جذي اذا مو كلهم

الرجال عنده كبرياء مايحب يعترف بغلطه حتى لو كانت غلطته واضحه وضوح الشمس

واذا اعتذر معناته انه يثبت انه غلطان عشان جذي مايعتذر

فنصيحتي لا تنطرينه مشي الامور عادي وكلميه عادي و ادي واجباتج ولا تقصرين بشي

 

[Vaniela]

مب لازم يراضيج انتتي طلعي حرتج فيه واهو بيحس ان الموضوع كبير وبيراضيح

 

[شقرديه كيوت]

زوجج عنيد وواجد اللي نفسه--شتسوين دامه زين معاج تحملي وكثرة الزعل ماتفيد والجفا يولد جفا لاتخلين الزعل يطول بينكم اذا زعلج ع طول روحي واجهييه وقوليله اللي زعلك منه وتفاهموا - لا تزعلين وتسكتين وتاكلين بروحك وتجيبين الهم لنفسك وانتي عارفه بالاخير انه ماراح يجي يراضيك فأنتي اختصري الطريق وواجهيه وحلوا المشكله -------عسى الله يهديه لج

 

[ام توووني]

سعيده جدا بردكم واهتمامكم وكلامكم عين العقل ربي يوفقكم جميعا ثاااااانكيو عسى الله لايحرمني منكم

 

[fdeet_shosho]

حبيبتى واحنا نحبكم بعد
دام زوجج زين وياج ومدلعج انتى وسعى صدرك شوى ولاتزعلين واجد كثره الزعل تصير مصاخه ويتعب منها الزوج
يعنى مو على كل كلمه امد البوز وازعل جنج تبينها من الله لا طنشي وسولفى عادي لاتعتذرين ولا اهوا يعتذر
وكل رجل له طريقة بالاعتذار واغلب طرقهم تكون مو مباشرة يعنى مو باللفظ بتصرفاتهم تبين انه يبي يلطف الاجواء
شوفى انا قبل مثلج اى شي ازعل ويكون غلطان ونقعد بالايام مانكلم بعض وكل من يعاند والحمد لله انحلت مشكلتى صرت ما ازعل عادي يصرخ ويقط حجي طاف يطلع ويرد وانا عادي ما افتح الموضوع خلاص يتصكر و ماقمت احط ببالى الواحد لما يكون معصب وزعلان يقول كل شي ولما يلقانى طبيعية وعادي الوضع يرجع طبيعي ويسولف ويضحك وينكت يعنى يلطف الجو لانى اشترى راحتى
اذا زعلت اعصب واتوتر وما اكل وتتعب نفسيتى واهو يطلع يستانس ويغير جو ويرد البيت وانا محترقه ليش عاد اسوى بروحي جذي ؟؟
الدنيا ماتسوى اهم شي صحتى وما اخلى شي يضايقنى ولا يكدرنى جربي هالطريقة والله بترتاحين

 

[rose.life]

شوفي ياعمري فتحي معه موضوع الزعل وانك لما تكوني زعلانه هو مايراضينكي والغلط منه فنصيحه مني ناقشي معه الي يضايقك لاتتحملين وتسكتين ووخلاص وتعتبرين الموضوع انتهى هذي عشرة عمر مو يوم والا يومين واذا كان يحبك بيهتم بموضوع النقاش وبيتناقش معك ...

بصراحه هذي وجهة نظري .. ويارب بيهنيكم ويسعدكم..

 

[yummy girl]

[size="[SIZE=6]6"]ههههههههه نفس طبع زوجي بضبط انا كنت ابجي بجي لاني مظلومه وهو عديم احساس ويطنش هواية التطنيش ولو يطول الزعل اسبوع عادي عنده عن نفسه اهو الصح وانا الغلط بس عرفت علاجه انه عقب الهوشه ابدل ويهي من الحزن والقهر الي السعاده والمرح والضحك ادري بتقولين اني مو صاحيه ههههههههههه شسوي هذا هو الحل لانه دقايق راح يغير اسلوبه ويحس نفسه ندمان بس طبعا من غير كلمة اسف [/SIZE]
[size="
[size="نصيحهههههههههه
[size="اختي عيشي حياتج بلا هم وزعل والله مافي شي يسوي لا تخلين الايام اغلبها حزن وتخلين الزوج يطفش منج وكله بره البيت بالعكس خلي الحزن دقايق لانه الي تبينه ماراح تحصلينه من الزوج ولا بالاحلام ههههههههههه[/size]

انا ايد كلامها:eh_s(9):

 

[miss-toota]

هلا اختي حياج الله بالمنتدى

انا نفس كلام الاخت دميره

حلج ان شاءالله تلاقينه في بوصلة الشخصيه للدكتوره نامعة الهاشمي ماشاءالله عليهااا حلوولها روعه

وتخليلها دقيق وان شاءالله بتعرفين اتعاملين معاه ... مادري ليش حاسه انه برجه الميزان لانه كلهم يتفقون بهالطبع

 

[لياليـ]

انا مع رد 3 اتقبلي مروري

 

[لياليـ]

او هم اايد كلام يمي قيرل
اتقبلي مروري للمره الثانيه