حلولي هالمشكله بيوم الزواره بليز

[توتهـ]

السلام عليكم ورحمة الله وبركاته
بناااات بليز بدخل بالموضوع علي طول

انا واختي بيوم الزواره وعيالنا والله سالفته سالفه
مانقدر نقعد نفس الاوادم من لجتهم وزعاجهم
وامي تضااااايق من ازعاج الجهال
ومع العلم انا واختي بس ثنتين يعني مو اربع بنات ولا خمس كلنا ثنتين وعيالنا مايخلون الواحد يرتاح
لانقدر نشرب الجاي ولا نجيب حلو وفطاير نفس الزوارة مانقدر من هالحوسه
وعلي فكره عندنا سرداب كبير للجهال بس حاطين ديارف و الالعاب وبيوت باربي للبنات
ماااااكو فايده قاعدين فوق روسنا

ونشوف هالزوارة خالاتي ورفيجاتي هالقعدات الحلوه و الجاي السنع والقهوه والكيك والفطاير والحلويات
واحنه اعوذوا بالله مانقدر حتي الجاي نشربه
انا عندي بنت ولد و اختي عندها خمسه الله يحفظهم وقالبين علينا الزواره
منو عندها فكره حلوه او حل للجهال عشان نرتاح ونقدر نقعد ونسولف عدل

ويعطيكم العافيه وسوري طولت عليكم :eh_s(2):​

 

[حبيبه فايز22]

عادي احنا جذي
واحنا بعد فوق ال9 جهال

البيت يصير روضه منهم
الله يحفضهم


عادي خليهم لاتخلون اهم سالفتكم حطي الجاي والحلا والقهوه
وسولفو ووخليهم يلعبون
سوا فوق او بالسرداب

مأشوف مشكلتج مشكله
بالعكس بكل بيت يصير جذي
واذا عصبتي منهم قولي الله يهديكم

وبس

 

[متواضعة]

قعدوا في السرداب مع اليهال وخلواالخدم يبارونهم وانتوا استانسوا

او يبي مثلا الوان ودفاتر الرسم خل يلونون

او سبوره حطوها وخلو واحد يازعم المدرس

او اللعاب المطبخ اللي فيها مواعين يستانسون عليهم اليهال

 

[هدوء بحر]

ههههههه
شنو ماتسوين ماينفع معهم الله يحفظهم لج
احنا جذيه

 

[al-musk]

نفس حالنا

 

[i'm so happy]

ههههههههههه نفس الحال كلهم جذي الله يحفظهم شنسوي معاهم حتى الاي باد ماينفع معاهم كسروه

 

[ايمان الغساني]

مومشكله عزيزتي كل البيوت كذي ...

 

[PuPa^^SWeeT]

عاادي ما اعتقد فيه بيت ماعنده هالمشكلة


عيالكم اسم الله علييهم اكييد بيحوسون


و ماتقدرين تجبرين سبعتهم على القعدة بالسرداب


اقتراحي عزلوو الاطفال بمجموعات حسب الفئة العمرية و الميول



و خلو الخدم يباروونهم


لازم الخدم بعد مايخلوونهم اييون

 

[Alrem_q8]

ههههههههههههه انا جذي خالاتي واجد ماشاءالله وكل مانروح بيت جدتي ازززعاااااااج غير طبيعي والصغار يتهاوشون ونفرق هههههههههه

بس خل اقولج شغله مرت عمي وخواتها لما يروحون بيت امهم ماياخذون الصغار يخلونهم بالبيت
بس بالاعياد والمناسبات ياخذونهم ؛)))) بس هالشي اشوفه سلبي لان ولد عمي كان عمره ٩ سنين شافنا بنروح بيت جدتي جان يقول كلمه طالعه من قلبه قال انتو حظكم كل يوم تروحون بيت جدتكم احنا مانروح ! مع ان احنا مو كل يوم بالاسبوع مره

 

[جنون العاطفه]

والله مشكله اشوفها متكرره بكل بيت
عادي حبيبتي حطوا لكم مكان بالبيت وتقهوه بدون الجهال

 

[ŦSЩД3УФИУ]

,

ما اشوفها مشكلة
بس اذا زاد الازعاج عن حده
قفلوا عليهم الباب وحبسوهم




​

 

[دلال و غلا]

مشششگكلة كل بيت ...
بس والله اذا جيت و ما شفت الجهال اشتاق لهم ولصيحتهم

 

[Patcholli]

حطولهم نطاطيات خل ينطون ليما يدوخون هههههههههههههه

الله يعينكم مادري والله احسن حل احس التلفزيون يجذب اليهال حطولهم مسرحيات ليلى والذيب وهالسوالف الحلوه وخل يطالعون

 

[M!SS.LOBY]

مع أحترامي لج لا تزعلين مني
ما تعصبين عليهم ما تزفينهم ما تحذرينهم أو تهددينهم جذبين عليهم تقولين لهم ما أخذكم بيوم الزواره أخليكم بالبيت عند ابوكم بيخافون ويعقلون ان شاءالله استخدمي هالطريقه هذي

 

[manoooram]

الله يخليهم لكم
نفس حالتنا بزوارة أهلي ولا حمولتي
بنقعد نبي نقول كلمتين على بعض مو قادرين
لأن اسم الله عليهم يحبون يختلطون بالكبار
فلو تسوين شنو ماكو فايده

 

[ميونة الحلوة]

التلفزيون يشد اليهال مع شويه كاكاو و بطاط و عصير و يلهون عنكم

حبوبه ترى كل البيوت جذي لا جو عيال اختي يلعبون و يتهاوشون و لا صارت هوشه بتفجينها قعدو يشرحولج و وجهك ينترس سعابيل ��

 

[عادت ذكرياتي]

لووووووووووووووول كلنا نعاني من هالشي اليهال فيهم طاقة لازم يلعبون


الحل :::


تقوليلهم اللي يقعد عاجل آخذه معاي وأونسه واللي ما يسمع الكلام بأدبه وبمنعه وطبقي كلامج وعقابج لا تتساهلين فيه عشان يعرفون إن كلمتج وحدة ويحذرونج ..


بس البيت من غير يهال مو شي ^_^

 

[الشهد كله]

اليهال الله يحفظهم فرصتهم يوم الزوارة يطلعون حرتهم بالنقزة

انتوا حطوهم بالسرداب وخلوا معاهم الخدم ولا يخلونهم يطلعون فوق

وقولوا لهم إذا صرتوا عجال أوديكم الفرع :eh_s(9)::eh_s(9)::eh_s(9):

يصيرون غصب عجال

احنا عيالنا جذيه اسم الله عليهم

بس احنا عندنا حوش والشباب يلعبون كرة قدم والبنات يا جنجفة يا آيباد يا لاب توبات

أي شي يلهون فيه

وسبحان الله الأيام تركض بلمح البصر تشوفونهم كبروا ويعم الهدوء بالبيت​

 

[دارين العنبر]

الله يهداهم ويبارك فيهم

تطمني كلنه الحال واحد ونفس السالفة
اهدد واعلم بس ما في فايده اذا اجتمعو مع بقيه اليهال نسوا كلامي واذا سيطرت على عيالي صعب اسيطر على عيال غيري
حطي لهم مكسرات ونفيش وعصاير بالسرداب يمكن يقعدون

 

[إم بــــرٍآك]

ياربي هالمشكلة بكل بيت وانا اذا رحت بيت امي جذي ماارتاح ولاهم يرتاحون بس مو من عيالي الله يحفظهم بناتي مؤدبات وطبعهم هادي الحمدالله
من عيال اخواني ماشاء الله عليهم ربي يحفظهم مزززعجين ومايقعدون هواش وحركة زايده ومايسمعون الكلام ولايخافون وانا طفارتي العيال الي جذي ودي انتفهم بس تصدقين اذا ماشفتهم اوله عليهم وودي يقعدون ويانا ونسولف وياهم بس حدهم 5 دقايق ويبتدي الصراح والهيله واتملل منهم

الله يصلح الجميع ويحفظهم يارب