مبــــارك عليــكـم الشهـــر
هذي اول مشاركه لي وانشالله تعجبكم
حلو الاوريو امس سويته حق رفيجتي واهلي ..بصراحه ينوو عليه
يالله نبلش
هذي اول مشاركه لي وانشالله تعجبكم
حلو الاوريو امس سويته حق رفيجتي واهلي ..بصراحه ينوو عليه
يالله نبلش
الحلو عباره عن 3 طبقات
الطبقه الاولى
تاخذين سارالي كيك بالزبده او اي نوع ثاني تحبينه وتقصينه شرايح وتصفينه بالبايركس
الطبقه الثانيه
2 1/2 علبه قيمر
2 دريم ويب
8 قطع جبن كيري
1/2 قلاص حليب سائل
1 جيس كريم كراميل
2 جيس اوريو
- تخلط المقادير السابقه بالخلاط الي ان يتجانس الخليط..ساعات باجناب الخلاط يتيمع الدريم ويب بالقفشه نزليه علشان ينخلط عدل
- بعد ماينخلط الخليط عدل اخذي الاوريو وكسريه داخل جيسته علشان مايتلفج..وبعدها حطيه على الخليط
- بعد ماتضيفين الاوريو حق الخليط..صبي الخليط على الكيك..وخليه بالثلاجه ساعه تقريبا
الطبقه الثالثه
2 مارس
2 سنيكرز
2 آرو
1/2 قيمر
- تقطعين الكاكاو..تصبين عليه القيمر..وتحطينه بحمام مائي
- بعد مايذوب الكاكاو عدل..صبيه على الخليط..وردي حطيه بالثلاجه شوي
* على فكره ساعات الكاكاو يكون شويه..يعني يكون ماعونج كبير والكاكاو مايكفي ينمد على طول الماعون
فانتي وتقديرج اذا شفتيه شويه زيدي كميه القيمر بس مو لدرجة يكون الكاكاو وايد خفيف
وبــــــالـــف عــافيـــه
