حلويات اليمعات...جان زين اتشاركون ابتجاركم:)

[نفنوف كشكش]

قوووووووه حجاجي وبونياااااااات كيفكوووون ؟

المهم حبيت احط هالموضوع ويكون عباره عن الحلويات الي مجربينها حصوصن حق يمعات الاهل انا عندي وصفات حلوه انشالله بحطهم لكم المهم الحين بعطيكم وصفت حلو شامي حده لذيذ وخفيف سويته اليمعه الي طافت وماشالله مابقا منها شي علا قولتهم رديتينا لي ورا ايام لبنان قبل.....

يالله سجلو......

الحلو اسمه مدلوئه

اول شي جهزو الشيره وتكون خفيفه
كوب ونص شكر+كوبين ماي+ ماي ورد وزهر وتطبخونها ولمه تجهز خلوها اشوي تبرد علا مايخلص الحلو

الحين مقادير الويه جهزوها وحطوها بالثلاجه : علبه قيمر كي دي دي + ظرف دريم وب انا احب مالت فوستر كلاركس تظربونها بالسلك اشوي ممكن اتحطون رشت مستكه مطحونه (( انا ماحطيت بس بجربها المره اليايه )) وحطوها بالثلاجه
مقادير الحلو:
لتر حليب كي دي دي كامل الدسم (( ممكن اضافت ربع كوب شكر علا حسا الرغبه بس اهو مافيه ليش اكو شيره )) اتحطون معاه ماي زهر وانتو ورغبتكم انا اموووت علا ماي الزهر فاجط حوالي نص فنيان القهوه التركيه ...........اتخلونه لين يغلي

بعدين اتوخرونه من النار وتحطون 1 قيمر كي دي دي + 1 كريمه حمرا اتردونهم علا النار مع التقليب بالسلك لين يغلي مره ثانيه

الحين اتظيفون سميد بالوصفه مكتوب كوب بس انا حطيت حوالي كوب ونص اتقلبونه لين يثقل ......الحين اتصبونه ابماعون التقديم واتخلونه يبرد

عقب مايبرد اتحطون علا الويه خلطت القيمر وفستق ولوز مجروشين ممكن اذا تبون اترشون ناريل

بالنسبه للشيره اما انكم اتحطونها او اتخلونها ابماعون ثاني وقت التقديم كل واحد ايحط ابروحه وانا افضل جذيه عشان كل واحد وذوقه ......وهني وعافيه

عاد ناطره مشاركاتكم ^___^

 

[رفرف]

رد : حلويات اليمعات...جان زين اتشاركون ابتجاركم

هلا كشكش ...
مشكورة على الموضوع ...
وانا عندي جم نوع حلو شكلهم عجيب ...
بس افضل اجربهم اول علشان تكون النتيجة مضمونة ..
واذا ماتقدرون تنطرون قولولي وانا احطهم عادي ..

 

[نفنوف كشكش]

رد : حلويات اليمعات...جان زين اتشاركون ابتجاركم

العفوووو رفروفه........انا عادي عندي اتي شوفي شيللي يريحج

 

[زهور الماضي]

رد : حلويات اليمعات...جان زين اتشاركون ابتجاركم

انشاءالله بجربها واقولج رايي فيها, وانا بعد عندي وصفات لحلو قهوة وحلو بارد وكيك انشاءالله بحطها بعد ماخلص امتحانات

 

[نفنوف كشكش]

رد : حلويات اليمعات...جان زين اتشاركون ابتجاركم

عوافي زهوووور........وانشالله اموفقه

 

[نفنوف كشكش]

رد : حلويات اليمعات...جان زين اتشاركون ابتجاركم

يوم الخميس سويت تيراميسوووو كانت تحفه

 

[السفيرة عزيزة]

رد : حلويات اليمعات...جان زين اتشاركون ابتجاركم

نفنوف كشكش

اشلون سويتي التراميسو

لازم تقوليلنا الاكله مع المقادير

يلا ترى ننطرج

 

[رفرف]

رد : حلويات اليمعات...جان زين اتشاركون ابتجاركم

بنات سامحوني انشغلت مع مرض امي بس يبتلكم طريقة الحلو اللي كنت بسويه ومافضيت ...
عاد اللي تفضى امانه تجربه وتقولي شلونه لأنه مشوقني ...
وعندي واحد ثاني بعد بس مادري وين خزنته ...
وللأمانة ترى منقول من منتدى لك ..


المقادير:

أربع ملاعق طعام فول سوداني
علبتان بسكوت شاي مطحونة
علبة حليب نستلة (حليب سائل)
نصف كوب سكر مطحون
للتزين:
-سكر
-قشطة
-فول سوداني غير مطحون


الطريقة:

توضع المقادير الأساسية معاً وتعجن جيداً ثم ترص في صينيه .
الزينه:
يوضع السكر في قدر على نار هادئه ويحرك حتى يذوب .
يرفع عن النار وتوضع علية القشطة ويحرك بسرعه ثم يصب الخليط على العجينة الموجودة في الصينية .
يوضع في الثلاجة ليتماسك لمدة نصف ساعة ثم يزين بالفول السوداني الغير مطحون
انا عن نفسى زينته بالشكولاته
وهى عبارة عن علبه قشطه مع فنجان قهوة سكر و2 ملاعق شكولاته خلطها جيدآ
ووضعتها فى كيس وسويت الشكل الموضح فى الصور

 

[رفرف]

رد : حلويات اليمعات...جان زين اتشاركون ابتجاركم

اي لقيتلكم الحلو الثاني شكله يشوووووووووووووووق


المقادير:
يسكويت شاهي مطحون
علبة حليب نستلة
سكر
قشطة
شكولاتة جاكسي سادة أونوتيلا

الطريقة: نخلط البسكويت المطحون مع حليب نستله ونعجن ونعجن لما تصير عجينة سهلة التشكيل..
نجيب أي قالب (مثلا غطا الدواء) وناخذ قطعة من العجين ونضعه داخل الغطا <<وعلشان يسهل نزعة نجيب النايلون ونحطة جوا الغطا قبل العجين >>أرجوا إنكم فهمتم قصدي ثم نسوي فجوة جوا العجين يعدين نطلع العجين ويصير مثل القوالب ونسوي وحدة ثانية ..

ملاحظة مهمة: لاااااااااازم تغطي العجين و إنتم تسوون القوالب علشان ما تيبس..

وتصير زي كذا

ونغطي القوالب ونروح نسوي التوفي (السكر مع القشطة)بس لا يحترق علشان مايكون مر >> انتبهووووا

نحشي كل قالب بالتوفي إلى أن تمتلي إلا شوي


ملاحظة مهمة: برّدي التوفي قبل ما تحطينه **خليه يبرد**

وندخل القوالب للثلاجة، بعدين نطلعها بعد فترة ونحط عليها شكولاتة نوتيلا أو الجالكسي(في حمام مائي)

وزينها بجوز الهند أو اللوز أو أي شئ تبغين ..

ومنقووول برضه

 

[مطفوقه^ملقوفه]

رد : حلويات اليمعات...جان زين اتشاركون ابتجاركم

مشكوره نفنوف كشكش عالموضوع
ومشكوره رفرف عالنقل
شوفي أنا جربت الكيكه الفلبينيه
وبحطلكم طريقة بسبوسه سوتها وحده يوم الأربعا تهبــــــــــــــــل شويه عليها
المقاديــــــــــــــــــــــــــــر:
(نأخذ علبة القشطه مكيال)
1قشطه
1زيت
1سكر
1ونص سميد
ملعقه كبيره ونص بيكنج باودر
3بيضات
قليل من الهيل والزعفران
يخلطون مع بعض عدل مدل وتصبينها بالكيك كب الكبيره وتحطينها بالفرن لين تشقر وتطلعينها وتصبين عليها شيره خفيفه بارده واهي حاره
وبـــــــــــــــــــــــــــــــــس وسلامتكم وتعيشون

عندي طريقة تشيز كيك وايد حلوه بس مقاديرها وايد
هذي أنا خبصت بكل أنواع التشيز كيك لين ضبطت معاي
2قيمر نستله
2كيس دريم ويب
1كيس كريم كراميل
علبتين جبنة فيلادلفيا (وحده 200 جم ووحده 125جم)
حليب نستله العلبه الصغيره نحتاج 3علب
القاعده: أختاري يا بسكوت مطحون وزبده أو بسكوت مغمس يحليب وأنا أفضل الثاني وأحططبقتين منه
المقادير الحشوه لازم تخلطزن القيمر مع الجبن أول بعدين الدريم ويب ليما يثقل بعدين الكريم كراميل وتحطون علبة حليب نستله وتنطرونه يثقل وبعدين الثانيه
صبوا الحشوه على البسكوت وصبوا علبة حليب نستله الثالثه عليها بشكل عشوائي
التغطيه : ـانا احط باي فيلينج بالفراوله او الكرز او ممكن تسيحون 6سنيكرز وتخلطونه مع علبتين قيمر كي دي دي يطلع هم حلو

جربو الطرق وقولولي

 

[مطفوقه^ملقوفه]

رد : حلويات اليمعات...جان زين اتشاركون ابتجاركم

أي نسيت أقولكم و1جوز هند مع البسبوسه (سقطت سهوا)

 

[نفنوف كشكش]

رد : حلويات اليمعات...جان زين اتشاركون ابتجاركم

الــــلـــــــــــــــه اشياء حلووووه تدرين رفرف البسكوت هاذا ذكرني ابكاكاو قديم..اتعرفينه الي تحت ايكون توفي وداخل بندقه والويه كاكاو !!!!!! طبعن الكيكه الفلبينيه هاذي شــــــــــي اتينن
جربي اتسوينها بالكب كيك ....ومشكووووورين بنات شجعتوني مره ثانيه وراح احطلكم بسكوت وكيكيت اناناس بس نطروني اوجييييه ^____^

 

[رفرف]

رد : حلويات اليمعات...جان زين اتشاركون ابتجاركم

كشكش ...
(بختصر اسمج شسوي )
اي عرفته الككاو وهذا اللي شجعني اني اسوي الحلو ...
المشروع مؤجل حاليا بس حبيت احطه يمكن تستفيدون او وحدة تحب تسويه

 

[نفنوف كشكش]

رد : حلويات اليمعات...جان زين اتشاركون ابتجاركم

سويت لهم انجلش كيك الي حطيت طريقتها حق ام هيوونه لا وبعد صورتها :d
ريحتها ماشالله اكفخت بالبيت
وسوينه االحلو اللي جنه قيمات بس اهو صمون امدور اصغار حشيناه ابكيري وقليناه بعدين قطيناه بالشيره ورشينه عليه فستق

 

[BaiTotia]

رد : حلويات اليمعات...جان زين اتشاركون ابتجاركم

يعطيكم العافية بنات
كشكش شنو طريقة الكيكة الفلبينية؟؟؟؟؟

 

[نفنوف كشكش]

رد : حلويات اليمعات...جان زين اتشاركون ابتجاركم

الله يعافيج
هاذي الكيكه الفلبينيه


المقاديــــــــر:

5 بيضات

كأس سكر

نصف كأس زيت

نصف كأس حليب

3 جبنات لافاش كيري ( البقرة الضاحكة)

كأس دقيق منخول

3ملاعق شاي باكينج باودر (مو تحطو شاي)

فانيلا

الصوص:

نصف باكيت زبدة(الصغير)

علبة حليب نستلة كبير(أو أقل حسب الرغبة )

علبة جبن تشيدر مبشور

الطريقة:

ضعي البيض في الخلاط الواحدة بعد الأخرى (يعني تحطي وحدة

وتخلطي شوي وتضيفي الثانية)

ثم ضعي السكر وبعد أن تخلطي قليلا أضيفي الثلاث حبات البقرة الضاحكة والحليب ثم أخلطي

قليلا وأضيفي الزيت نخلط ثم نضيف الدقيق وتوابعه (الباكينج باودر والفانيلا)

صبي الخليط في صينية كبيرة مدهونة بالزيت ثم أدخليها الفرن وبعد أن تستوي حمريها من

فوق وخلال ما تكون في الفرن ضعي الزبدة في قدر وبعد ماتذوب وتغلي شوي على نار هادية

أضيفي الحليب المكثف واستمري بالتحريك على نار هادية بعدين صبيه على الكيكة وهي

ساخنة أبشري جبنة التشيدر ورشيها على الوجه وهي ساخنة

 

[نفنوف كشكش]

رد : حلويات اليمعات...جان زين اتشاركون ابتجاركم

الخميس اللي طاف سويت مولتن كيك بس مالقيت عندي قوالب السوفليه فحطيتها اببايركس وقدمتها مع فانيلا ايس كريم

بنات اشدعوا شاركاو بس اتدشون تقرون وتطلعون !
اشدعوه عليكم يعني مالكم تجارب ولاشنو ؟؟؟؟؟

 

[BaiTotia]

رد : حلويات اليمعات...جان زين اتشاركون ابتجاركم

وي حسافة نسيت الكيكة جان سويتها حق يمعتنا أمس
بجربها حق هالويك إند
بس في سؤال نضيف الصلصة بعد ما نطلعها من الفرن؟؟؟؟؟؟؟؟
----
أضيفي الحليب المكثف واستمري بالتحريك على نار هادية بعدين صبيه على الكيكة وهي

ساخنة أبشري جبنة التشيدر ورشيها على الوجه وهي ساخنة
----
و وهي بالفرن خخخخ أحس إني غبيه


و راح أضيف أكله سهلة حدها لعيونج يا كشكوشة علشان لا تزعلين
و الشي الأساسي فيها هو بسكوت ترف و محشي بكاكاو بنكهة البندق المشكلة ناسية أسمه بس راح أشرح لكم شكلة
أهو أيي بعلبة فيها 6 حباب و كل حبه مغلفة بقرطاس أبيض و أحمر و العلبة بعد ملفوفة بقرطاس أبيض و أحمر
و كل بسكوته حجمها شوي كبير و طواليه===>عسى بس فهمتوا
تلاقونه بجمعية بيان اليديدة و مرا بجمعية مشرف عاد مو كل مرة أحصله
المهم حق كل 6 حباب يعني علبة كامله تحتاجين ا قيمر و يفضل كي دي دي
و 4 ملاعق كاكاو بودرة نسكويك
و ملعقة وحدة كبيرة حليب نستلة
و حليب دافي حق التغميس
المهم تاخذين البسكوتات و تغمسينهم بالحليب و تسطرينهم بالبايكس
و تخلطين القيمر مع كاكاو البودرة و حليب النستلة
و تصبينهم فوق البسكوتات و تدخلينهم بالثلاجة
و بالهنا والشفا
و طبعا حق يمعكم تحتاجين من 5 إلى 4 علب و كل علبة مثل ما قلت لج تحتاج 1 قيمر و 4 ملاعق كاكاو بودة و ملعقة نستلة
و هي أكله واااااااااااايد حلوه من و أنا ياهل أمووووووووووت عليها بس عاد البسكوت مو كل جمعية تلاقينه فيها و قطعوه فترة
إن شاالله لي تذكرت أسمه بحطه لكم
و بحط لكم حلو الجلية بس مقاديرة مو معاي حاليا
و بعد كيكة الدايجستف إللي ولا مرة ضبطت معاي

 

[BaiTotia]

رد : حلويات اليمعات...جان زين اتشاركون ابتجاركم

حلو الجلية= حلو الجبلية خخخخخ

 

[نفنوف كشكش]

رد : حلويات اليمعات...جان زين اتشاركون ابتجاركم

مشكووره بيتوتيه عالحلووووو حسافه لو ادري جان سويته امس
المهم خل اقولج قبل لاتستوي الكيكه سوي السوس مالها واول ماتطلعينها من الفرن صبييه عليها بعدين تبشرين الجبن
اتصدقين البسكوت جنه مار علي مادري اذا اهو ولا لاء بس عالوصف راح ادور عليه وانشالله اجربه علا يمعتنا اليايه ميرسوووو حبووبه وعاد اذا سويت الكيكه قوليلنا اشصار معاج اوكي

امس باليمعه سويت لهم جيز كيك علا ناريل وكاكاو كانت حلوه

وشنو اللي موظابط معاج ابكيكت الدايجستف ؟ يمكن اقدر اساعدج