بسم الله الرحمن الرحيم
هالحلو من اختراعاتي ان شاء الله يعجبكم
المقادير
كاكاو مالتيزر (كيس كبير) بس ما راح نستخدمه كله
3-4 علب اوريو بو 6حبات
6 تويكس
كيس كريمه
علبة قيمر
نص كوب حليب سائل
راح نحتاج العلب الصغيره مثل الموضحه بالصوره
(هالمقادير ل 25 علبه)
الطريقه
نكسر التويكس ونحطه بالفود بروسيسر مع القيمر
ونكون حاطين الحليب مع الكريمه نذوبهم على النار
اول ما يمتزج التويكس مع القيمر
نصب عليه خليط الكريمه والحليب .. شوي شوي لان احمال ما نحتاج المقدار كله
يعني بالنظر ليما يصير قوامه حلو مو سائل ولا وايد صااك
بعد ما جهزنا الخليط نحط حبتين مالتيزر في كل علبه
ونصب فوقه الخليط الي سوينااه ..
الحين ايي دور الاوريوو .. نفتح البسكوت من النص
نشيل الكريمه ونستخدم البسكوت بس
نحطه على وجه الحلوو من فوق
وهذا الشكل النهائي
