حلو الاوريو

[أثير الورد]

السلام عليكم
الى الكويتيات الغاليات
بصراحه امس سويت حلو
بس من الغباء اللى فينى نسيت اصور لكم الا نص الطريقه
بس يا بنات والله طلعت تهبل حتى يسألونى انتى مسويتها والا من الحريم اللى يسون حلو
عاد انا ما ابى احد يعطينى عين قلت لا من الانترنت
عاد هذا من صج طلعت طريقه بالجمعيه ما ادرى شنو اسوى تشوفونى احوس بين ارفف الجمعيه ياربى ياربى شنو اسوى
اخذت الاغراض المعتاده للحلو
ولما جيت البيت حطيت هذا فوق هذا
والا يطلع لى حلو يهبل بس حسافه ما صورت النهايه يا بنات والله حلو

المهم
المقادير
بسكوت دايجستف واحد كبير واحد صغير + زبده + حليب نستله + 1 كيس بسكوت اوريو مطحون ( تخلط هذه المقادير مع بعض )
وتكورينها وتضعينها فى الملعقه وتصففينها بالصينيه
طبعا هذه الملعقه شريتها من مركز سلطان





هذه الملعقه صففت فيها الحلو


راح يطلع لكم بهذا الشكل

بعدها اخلطى بالخلاط
(( 3 اكياس بسكوت اوريو شيلى الزبده وكسريه قبل تطحينه بالخلاط +2 قيمر + 2 كيس دريم ويب + 6 كيرى + كيس كريم كراميل )) اذا كانت الخلطه ما تخلط لج بالخلاط زيديها حليب سائل
بعدها ضعيها على البسكوت اللى بالصينيه
مثل ما هو واضح بالشكل وضعيها بالثلاجه
تقريبا ساعه او اقل بعدها اخذى حبه حبه وتكونى لابسه دسوس علشان ما تتوسخ ايديج من الكريمه وصفيها بالصينيه ورشى فوقها بسكوت اوريو مطحون بس للأسف ما صورت الشكل النهائى وعد منى ان اصور لكم مره ثانيه من طق طق الى سلام عليكم

 

[DBDOB3 DES]

يسلمو حبيبتي على هطبق الرائع​

 

[[]نهاوند[]]

ماشاءالله شكلها روعه
تسلم ايدينج حبيبتي ​

 

[أثير الورد]

يسلمو حبيبتي على هطبق الرائع​

حياك الله
مشكوره على المرور

 

[أثير الورد]

ماشاءالله شكلها روعه
تسلم ايدينج حبيبتي ​

تسلمين
وجزاك الله خير على المرور

 

[جارة القمر]

الجازي

عليكم بالعافييييييييييييييييه

 

[sKyLiTeGirL]

تسلم ايدج حبيبتى

ناطره صورة الطبق النهائيه : )

شكله بيطلع يمى يمى

 

[سجى]

ماشاء الله لازم تسوين لى واحد مثله بالضبط
وتسلم ايدج يا الغاليه
لا تنسين >>>>>

 

[شمعه ذوبها الغلا]

واااااااو

يعطيج العافيه حبيبتي عالطريقه الحلوه
بجربها ان شاء الله
امووت عالحلا اللي نسويه بالبيت احس له طعم غييييير

 

[moors]

تسلم الايادي

 

[لولي**]

تسلم الايادي

 

[ضحكة الدنيا]

تسلم ايدينج حبوبه
بس حسافه الصور موطالعه