حلو الزواج والا لا...انتوو معاي والا ضدي.....

[الدلووعه..]

هـــــــــــاااي ياحلووووووووووووووات ..

انا الحمدالله ماعندي اي مشاكل عايشه حياتي طووول بعرض اللي براسي اسووويه

وتوووني صغيره عمري 19 بس فــــــــــي شي افكر فيه دايم....

احس انه تفكيري غلط لكوني صغيره بس انتو حسبت خواتي

بنات وربي ذابحه نفسي علا زواج مادري شنو فيني احس اني انخبلت شوي

من خلصت دراسه وانا بس افكر فيه

بنات ابي ريل منو عندها ههههههه:eh_s(9):ه

ابي اليوم قبل باجر مو عشان الشغله هذيك

بس حلوو انج تعيشين مع شخص يحبج ويفكر فيج او انتي تعطينه كل اهتمامج

بصراحه مليت من حياة العزوبيه...

ابي اقعد اسمع كلمه حلوووه ابي واحد يدلعني ومايرفضلي طلب

ابي اعيش معاه دنيااا ثانيه

بس في شي مستغربه منه كل اللي تزوج واهي صغيره تقولي لا تتزوجيين

بنات انا احس تفكيري غلط مافي احد بالمواصفات اللي ابيها انا حاطه بالي الزواج شي ثاني

واللي اشوفه بالمنتدى والمشاكل هم شي ثاني

اللي بعرفه الحين الزواج حلو والا لا :bbbiu:

يعني ابي وحده تقولي شنو نظرتها بالزواج قبل لاتزوج ويعد ماتزوجت؟؟؟؟؟؟

:eh_s(7):


وبثثثثثثثثث

 

[سكوتي بذوقي]

اختي الحياة دايم فيها مشاكل

مافيه بيت خالي منها مو بس المتزوجين تصير بينهم مشاكل

حتى بين الأهل بين الإخوان

اللي صورو لك ان الزواج كله مشاكل بس غلطانين

والحياة تستمر مع شريك العمر بالصبر والتحمل وحل المشاكل اللي تواجهه بعقلانيه

موفقه يارب

 

[بنت المها]

الزواج حلو و تعيشين حياه استقرار بس تو الناس عليج لا تستعيلين بالزواج
توج صغيره لاحقه على المسؤوليه
الله يرزقج بالزوج الصالح

 

[Tulips]

الزواج مسؤوليه ..

لا تظنين انه اللي بالمسلسلات اهو الصج 100%

ما انكر طبعا الزواج حلو

بس بنفس الوقت فيه مسؤوليات ومرات مشاكل وبالنهايه تعدي

الله يرزقج بالزوج الصالح

 

[عشيقة وام زوجها]

انا تزوجت وعمري ١٧ والآن عمري 20 وأموت على زوجي ويموت علاي وبالعكس انا بشوفينية الي تتزوج وعمرها صغير احسن ما ادري ليش بس هذا تفكيري

 

[مياسه الحساسه]

الزواج حلو بس في نفس الوقت مسؤليه
واكيد مافي حياه زوجيه بدون مشاكل وهاذي هي ملح الزواج
والعاقله هي اللي تحل مشاكلها بهدوء وما تتعجل بقراراتهاا
وانتي لو جاك ولد الحلال تزوجي
مهو عيب ولا حرام
وسنك حلوو ومناسب

 

[! بــدويه وآآيــد !]

،


نظرتي قبل الزواج ان الزواج عادي ومسؤوليه ومومتفائله
بس تزوجت تغيرت نظرتي استقرااار وواحد تحبينه ويحبج وتخافين عليه ويخاف عليج وتحاتينه ويحاتيج بس اول 3 شهور من عرسي عذااااب ومشاااكل وهم وبجي وتعدييييييتها وعااايشه احلى ايام عمري الله لايغير علي الا للاحسن يااارب:$
الله يرزقج بالزوج الي يحبج ويصونج ويكون مثل ماتتخيلين

 

[ليناالعالية]

اي والله خاطري اعرف رفيجاتي يشتكون من ريايلهم كرهت الزواج منهم أستغفرالله

 

[جنوبية وأفتخر]

حلووووووووووووووووووووو
حلوووووووو حلووووووووو
بس بعدنا ما جربناة ههههههههههه
ناطرين الله كريم ........

 

[قسوة الزمن]

ههههههه الزواج روعة بس ما جربته

 

[A_M_A]

بس حلوو انج تعيشين مع شخص يحبج ويفكر فيج او انتي تعطينه كل اهتمامج

ابي اقعد اسمع كلمه حلوووه ابي واحد يدلعني ومايرفضلي طلب


^
^
^

مستحيييل انسي انسي انسي ترى مافي رجال جذي كله خرابيييط


ابي اعيش معاه دنيااا ثانيه

^
^
^

اي هو يبي يعيشج دنيا ثااااانيه اكيييييييد كلها هم ونكد ومشااكل

وتعيشين بدنييا ثانية مو مع النااس كلش بس همج شلون تحلين مشاكلج

والله يعيييين كل متزوجه

ويوفقج حبوبه

..

 

[~جودي~]

الله يرزقج بالزوج الصالح

 

[شمس 20]

الزواج مسؤليه كييره

مو رومانسيات وحب وووووالخ


بس نصيحه مني لا تستعجلين ب الاختيااار


والله يوفقج

 

[*peace*]

ماله شغل قسمه ونصيب

وبعدين البنات اللي تعقدوا من الزواج بسبب هالقسم

حطوا ببالكم ترى البنات اللي يشتكون طبيعي انهم يكتبون مشاكلهم فا موعشان وحده كتبت موضوع

مشكله بينها وبين زوجها صار زواج فاشل وتتشائمون عادي المشاكل تصير بين اي اثنين وحده واختها

او امها

وهذا مومعناته ان الزواج بس هواش ومشاكل انتوا ماتدرون شنو بينها وبين زوجها يمكن عادي وضعهم

وصارت فجأه عندها مشكله وتبي حل بس وسلامتكم

 

[مزيونة الخبر]

انا نفسي اتزوج هههههههههه بس انتي مليت من العزوبية وانتي توج صغيرة بعمرج ماكان يطري بالي الزواج والحين خاطري اتزوج مليت عزوبية 25 سنة بس احس الزواج حلو يعتمد على الرجال الكل يقول كذا الرجال طيب وحبيب وجه مبروك حلو بس اذا الرجال نكدي وكل عيوب الدنيا فية انسي انا الزواج حلوو واللة يرزقني وكل بنات المسلمين بالازواج الصالحين

 

[ba6oOo6a]

آآآآآآآه ياقلبي والله احسسسسسدج ع العزوبيه 

تبدليني 
لووووووووووووول

يابنت الحلال اذكري الله وخلي عنج الزواج الحين توج صغييييره

عمري الحين ٢٢ وتزجت وانا عمري ١٦ للاسف 
كنت حييييل صغيره وربي شفت الويييييل مو عشان زوجي مو زين بالعكس والله بس اكبر غلط تتزوج البنت هي وصغيره
وترا الزواج مسؤوووليه كبييييره والامووومه مسؤوليه اكبببر

بس عاد ها .. اذا جاج النصيب وخوش واحد وكل الصفات الزينه فيه وبأهله لا بالله تزوجي وتوكلي ع الله لان ممكن انها تكون فرصه ما اتعوض

 

[أعرفك نفسي]

كل اللي تمنيتيه رومنسية افلام ومسسلسلات الواقع شي ثاني
انا تزوجت بعد قصة حب والحين انا محرومة من كل شي ممكن تتخيلينه
الواقع شي ثاني ،، الحياة مو وردية مثل ما نتخيل
نصيحة لا تتسرعين لاحقة لا تتزوجين قبل ال 21 عيشي حياتج توظفي وسوقي سيارة وطلعي مع رفيجاتج
لاحقة عل الهم

 

[~lonly-sister~]

اي والله انا خاطري اتزوج ( احس عيب البنيه تقول جذي

ابي واحد يحبني ويخاف علي ويسمعني كلام حلو نسافر ويا بعض نشتاق لبعض

وفي شوية مشاكل بشرط اهو يجي يراضيني بعدها

هذا كله يصير وانا مغمضه عيوني واصحى فجأه على بنات خوالي لمن يبجون من كثر المشاكل وتقولي واهي تبجي لاتزوجين بحياتج !!!!!!!!!


ابو التحطيم **************

 

[مستحيل اخونك]

الزواااج يجننننننننن


والمشاكل ملح الحياه


بس اهم شي
الحب
و
الي يقدس الحياه الزوجيه من الطرفين

والاحترام والتضحيه عوامل اساسيه​

 

[متوترة]

لو تركزون شوي يابنات بتلاحظون المشاكل لاحقتنا لاحقتنا سوا ببيت اهلي او ببيت زوجي
ف انا من وجهه نظري اشوف الزواج حلو تصير مسؤؤوله عن بيت وزوج وحياه خاصه واستقرار

والمشاكل ملح الحياه وربي ولاحد خالي منها
وعادي مشاكل الزواج اذا ريلج مصلحه ربي وهاديه
بتصير مشاكلكم سهله وتنحل بسرعه
والي بس تجي وتصيح من ريلها وتشكي وفيه وفيه هذه اعرفي مسعدها زوجها وخايفه من الحسسسد واالعين
فلاتاخذين ع كلام الي عندج يمكن يشوفون تشوقج للزواج ويخافون يقولون الصج وانهم مرتاحين


كانج ؟ محتاره وبصيح ولاغلطانه