ريلي من فترة بخاطره أسويله حلو
و آنا من النوع اللي مو ذاك الزود مع المطبخ
بس عاد اذا دشيت أفنتق
بطلت الكبتات و قلت بسوي أكلة من تأليفي و من الأشياء المتوفرة عندي
الطريقة ما تاخذ اكثر من ربع ساعة
ما بطول عليكم
المقادير
كورن فليكس بو ديج بدون شكر
بسكوت ماري
علبة قيمر كي دي دي من الحجم الكبير
قلاص شكر
قالب زبدة
علبتين حليب نستله مشير صغار
وبس
طحني البسكوت بالهاون بس لا تخلينة مفتفت كلش
عقب طحني شوية كورن فليكس ( خمطة تقريبا ) بس همن لا تخلينه مفتفت
حطيهم ببادية و صبي عليهم الحليب المشير
و حطي نص قالب زبدة بالمايكروويف عشان تذوب عقب حطيها على المقادير
( حطي الزبدة بكوب الحليب مو بقلاص الزجاج لان ينكسر و يعفس لج المايكروويف )
خلطيهم عدل عقب حطيهم بصحن بايركس مربع او مستطيل و حاولي تساوينه من فوق بالقفشة
عقب صبي فوقه كورن فليكس من العلبة و ووزعيه بطريقة متساوية
( كورن فليكس غير الأولي هذا مو مطحون )
الحين التوفي
ييبي جدر ذوبي فيه النص قالب زبدة اللي بقى
و حطي عليه الشكر و فلبي فيه ليما توصلين حق لون التوفي الي تبينة
( بس لا تخلينه يوصل حق لون البني المحروق أحلى شي العسلي )
عقب حطي فوقه القيمر و حاولي تخلطينه باسرع ما عندج عشان لا ييصص
صبي التوفي فوق الكورن فليكس و حاولي تشبعين كل الجهات
حطيها بالفريزر لمدة ساعة عشان تصك
عقب قصصيها مربعات صغار و صفيهم بطبق حلو
يتقدم مع القهوة
و عليكم بألف عافية
أمانة اللي تجرب تعطينا النتيجة
و آنا من النوع اللي مو ذاك الزود مع المطبخ
بس عاد اذا دشيت أفنتق
بطلت الكبتات و قلت بسوي أكلة من تأليفي و من الأشياء المتوفرة عندي
الطريقة ما تاخذ اكثر من ربع ساعة
ما بطول عليكم
المقادير
كورن فليكس بو ديج بدون شكر
بسكوت ماري
علبة قيمر كي دي دي من الحجم الكبير
قلاص شكر
قالب زبدة
علبتين حليب نستله مشير صغار
وبس
طحني البسكوت بالهاون بس لا تخلينة مفتفت كلش
عقب طحني شوية كورن فليكس ( خمطة تقريبا ) بس همن لا تخلينه مفتفت
حطيهم ببادية و صبي عليهم الحليب المشير
و حطي نص قالب زبدة بالمايكروويف عشان تذوب عقب حطيها على المقادير
( حطي الزبدة بكوب الحليب مو بقلاص الزجاج لان ينكسر و يعفس لج المايكروويف )
خلطيهم عدل عقب حطيهم بصحن بايركس مربع او مستطيل و حاولي تساوينه من فوق بالقفشة
عقب صبي فوقه كورن فليكس من العلبة و ووزعيه بطريقة متساوية
( كورن فليكس غير الأولي هذا مو مطحون )
الحين التوفي
ييبي جدر ذوبي فيه النص قالب زبدة اللي بقى
و حطي عليه الشكر و فلبي فيه ليما توصلين حق لون التوفي الي تبينة
( بس لا تخلينه يوصل حق لون البني المحروق أحلى شي العسلي )
عقب حطي فوقه القيمر و حاولي تخلطينه باسرع ما عندج عشان لا ييصص
صبي التوفي فوق الكورن فليكس و حاولي تشبعين كل الجهات
حطيها بالفريزر لمدة ساعة عشان تصك
عقب قصصيها مربعات صغار و صفيهم بطبق حلو
يتقدم مع القهوة
و عليكم بألف عافية
أمانة اللي تجرب تعطينا النتيجة
