حلو عجيب غريب حار بارد فذ من نوعه

[كرزة2]

السلام عليكم .
نبتدي المقادير:

1 علبة اناناس شرائح
1 علبة كيك ابيض من روبن هود
1 اصبع زبدة
1 علبة حشوة بلوبيري اللي تنحط على الجيز كيك
جوز الهند
___________________________
___________________________

الطريقة :


* ناخذ ماعون البايركس ونصف فيه شرائح الأناناس
*وبعدين انحط فوق الاناناس علبة البلوبيري كلها
* وناخذ مغلف الكيك وأذره على البلوبيري
*أسيح الزبدة وأرشها على بودرة الكيك
*آخر شي أذرالناريل
* احطها بالفرن وأخليها ليمن تتحمر بالجوانب وبعدين أشغل النار عليها من فوق علشان تتحمر
* في صحن التقديم توضع قطعة من الحلو وهو حاااااااااااار ويمه برد فانيليا

بالعافية:edbf4317b9:

 

[جارة القمر]

تسلم ايدج



شكله غريب


بس ما تخلطين الكيكة مع البيض



ممكن توضحين الطريقة

 

[F.A]

اختى اخاف تقصدين بعد ما نسوى خاطة الكيك العادية انحطه فوق الاناناس
مشكوره

 

[versace]

يسلمووووووووووووووووووووووو

 

[كرزة2]

الله يسلمج . من غير ماتطبخين الكيك تاخذين مغلف الكيك من غير طباخ وتذرين بودرة الكيك فوق البلوبيري كله

 

[F.A]

مشكوره على ردج

 

[كرزة2]

العفو جربوه الحلو غريب بس لذيذ

 

[BabyStar]

يمي يمي شكله لذيذ
تسلم ايدج

 

[شجووون]

انزين الطحين جذي من غير ما ينخلط ما يتفخ بطونا

ولا الصراحه شكلها اتشوق

 

[سمراء حضرموت]

والله شي عجيب والحلو فيها تنها بسيطة مشكووووووووورة

 

[..نـــهـاونــد..]

يمي يمي شكلهاا لذيذه داام فيها اناناس
بــس لو حااطه لنا صووره عشان اتشجع اكثر واسويها لووول

 

[كرزة2]

انزين الطحين جذي من غير ما ينخلط ما يتفخ بطونا

ولا الصراحه شكلها اتشوق

جربيه لأنه لذيذ. والخلطة مافيها طحين بس تاخذين بودرة الكيك وترشينها كلها على البلوبيري من غير طباخ وبعدين مايتفخ البطن لأن راح ينطبخ بالفرن جربيها ماراح تخسرين لأن غريب:ggdw: وبالعافية

 

[كرزة2]

انزين الطحين جذي من غير ما ينخلط ما يتفخ بطونا

ولا الصراحه شكلها اتشوق

والله شي عجيب والحلو فيها تنها بسيطة مشكووووووووورة

العفو ,وماتاخذ وقت اذا كان عندج ضيوف اتسوينها بدقايق وبسرررررررررعة اتخلص.

 

[كرزة2]

يمي يمي شكلهاا لذيذه داام فيها اناناس
بــس لو حااطه لنا صووره عشان اتشجع اكثر واسويها لووول

كل من أكلها استانس عليها,وللأسف ماجربت من أول أنزل صور بس انشاءالله اذا تعلمت أنزلج الصور.

 

[شيهانه]

وااااااااااااااو تسلم الايادي حاقه تحفه .. كثري من هل الابداعات يا كرزه

 

[شيهانه]

نسيت اسال تحطين الناريل المحمص والا الابيض ؟؟؟

 

[كرزة2]

والله مرورج الأحلى يا شيهانه الناريل الأبيض

 

[حناينq8]

مشكوره حبيبتي


بس الكيكه راح تنتفخ والا لا ؟؟

 

[كرزة2]

العفو حبيبتي لأ ماراح تنتفخ

 

[جارة القمر]

أهي غريبه


بس بدون ما تنخلط الكيكة

أشلون



ما في صور

لتطبيق