حلى المزرعه

[أعشق ترابك]

غريب ادري..
بس لحد يستعجل صدقوني بيعجبكم الحلى

المقادير

بسكوت ( اولكر او هلال )
علبة قشطه
فنجال شاي سكر
نص فنجان زيت
3 ملاعق حليب بودره
3 ملاعق شوكلاته بودره
نستله
شعيريه


الطريقه ...

1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب ..

2 / ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..





/ نغمس البسكوت بالخلطه اللي سويناها قبل



ونسويه ثلاث طبقات




إلى هنا حلويييين؟؟؟

طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل عن ساعه
عشان تجمد الشكولاته وتتماسك ..

4 / نكسر الشعيريه كسر صغيره مرره ونحمسها ع النار لحد ماتتشقر..

5 / نطلع البسكوت من الفريزر ونغمسه بالنستله وبعدين يقلب بالشعيريه



نجي عاد لطريقة التقديم
نقصص من خيشة الرز او خيشة القهوه حبال زي اللي بالصوره لانه راح نستخدمهم بربط مربعات الحلا..
( ماننسى اذا قصيناهم نغسلهم )



ناخذ الحبال ونربط فيهم المربعات ويطلع عندنا الشكل التالي



ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد ..



نجـــــــــــي عاد للشكل النهائي ​

 

[* LOVE STORY *]

رد: حلى التبن

استغفر الله شهالأسم
سوري بس شكله مقزز ومايشهي بالمرة

مشكورة

 

[كوكب الدرر]

رد: حلى التبن

وااااااااااو

شكلها وايد حلو

جربتيها والا بس نقل

تحياتي

 

[عروب_27]

رد: حلى التبن

لا لا الاسم غلط
حرام جذي

 

[ملوكة]

رد: حلى التبن

حرام غيري الاسم اتصير احلى

يسلموووووووووو حبيبتي على الحلو الي ما ذقناه )))))))))9

 

[أعشق ترابك]

رد: حلى التبن

انا ناقلته لكم صراحه توة واصلني بالإيميل شكله حلو يشابه حلا سوري طعمه لذيذ
بس اليوم ناويه أجربه دزيت ريلي الجمعيه يشتريلي الاغراض
وتسلمون على الطلة الحلوة
بالعافية

 

[سنا الفضه]

رد: حلى التبن

تسلمين على النقل

بس الموضوع مكانه قسم المطبخ مو بالعام يعطيج العافيه

وتم نقله للقسم المختص

 

[miamy]

رد: حلى التبن

يسلمو

اهو لذيذ

بس اسمه.... كأنج بتعاقبينا

بوكلكم ....

هههههههه

مشكوووره

 

[سر القلوب]

رد: حلى التبن

شكرا على اجتهادج

بس اسمحيلي لابد من تكريم النعمة

وهذا الاسم غير لائق بالنعمة عسى الله يحفظها من الزوال يارب



وسر القلوب هو ............................................ المحبة في الله اللي تتجلى بافشاء السلام


اللهم فقهنا في ديننا ما أحييتنا

 

[كريستال ليدي]

رد: حلى التبن

شكله حلو بس اسمه حبيبتي لازم تغيرينه

 

[دانة نجد]

رد: حلى التبن

هلا وغلا

ليت تغيرين اسمه لحلى الشعير أو أي شي ثاني أحس حرام نشبه النعمه بهالطريقه


يعيطك العافيه


دمتي بود

 

[أوكسجين]

رد: حلى التبن

شنو خلصت الاسامي عشان تسمونه جذي!!
الله يسامحكم

 

[أعشق ترابك]

رد: حلى التبن

موأنا إلي مسميته أصلا أنا استغربت نفسكم بس إلي مسزيته مسميته جذي وأنا نقلت لكم بالحرف
تسلمون على المرور

 

[ضي العين]

رد: حلى التبن

استغفر الله كرموا النعمه ,,,,,,,,,, النعمه زواله

 

[فتووم]

رد: حلى التبن

بسم اللة الرحمن الرحيم
والصلاة والسلام على اشرف المرسلين والانبياء


اختي وش هالاسم
قلة الاسامي بعينج يوم انج تسمين نعمة ربي بالاسم هاذا

احمدي ربج على النعمة اذا انتي مو قدهاااا



واللة مدؤي اشلون تجرأتي كتبتي هالاسم
هذا بدال ما تحمدين ربج

اتمنى انج ما تزعلين لان الشي يغضبناا ويغضب ربنا قبلناا

 

[عالي مستواها]

رد: حلى التبن

الله الفكرة حيل حلوة

وشكله طعمه حلو

بس آخر شي ربطتهم بخيوط خوفج ياكلونهم ههههههههههههههههههه

 

[ضحكة الدنيا]

رد: حلى التبن

مشكوووووووره حبوبه على النقل
بس الاسم مايشجع الله يزيد النعمه
ويحفظها من الزوال

 

[z.alsayegh]

رد: حلى التبن

مشكوره وايد

 

[همس البحر]

رد: حلى التبن

تبي توكلنا ( ) ههههههههههههه

 

[غلا فهد]

رد: حلى التبن

لاعت جبدى من حلوج كرمى النعمة انزين ماكو ارقى من هل الاسلوب