حليبي مامنه فايده تعالوا نصحوني

[للصبر اخر]

السلام عليكم
بنات انا مو اول مره ارضع وبعيالي ارضعهم 4 شهور واحمل وافطمهم
الحين بنتي عمرها 3 شهور وترضع طبيعي من غير صناعي
ومفكره افطمها من صدري لان جسمها رخو :eh_s(2):تخيلوا اشيلها راسها بصوب وجسمها بصوب وريولها ماتشدها كلش كلش اذا وقفتها وديتها المستوصف قالوالي طبيعي اذا صار عمرها 6 شهور وماشدت اهنيه نقدر نحولج المستشفى مع انها بسم الله متبتبه
امي تقولي حليبج مامنه فايده البنت مو قادره تشد نفسها كلش وكل شهر لازم انفلونزا غير البلغم والكحه والحين اسهال صارلها اسبوع اليوم حاولت اعطيها حليبي بالمميه ماتبيها وتبجي وابجي معاها كاسره خاطري واهيا عمري مو ماذيتني
هل الرضاعه تأثر على العظام ولا حتى اللي يرضعون صناعي يصير معاهم جذيه طمنوني ونصحوني

 

[وردة الكاميليا]

بالعكس حبيبتي حليب الام ما في أحلى منًه بس انتي حاولي تعطينها رضعة طبيعي ورضعة صناعي ومع الوقت ان شاء الله راح تتعوًد ولا تحبطين عمرج يا الغالية مو زين حق الرضاعة

 

[دمثة]

احسن شي حليب الام عادي تحتاج فيتاميات نقص كالسيوم

 

[Q.8.h.2]

حبوبه مافي احسن من حليب الام شي طبيعي من الله سبحانه احسن من الصناعي اللي يدخل بمراحل مادري شلون صايره ومثل ما قالولج صبري عليها رضعيها طبيعي ودهنيها بزيت زيتون ان ما فادها مايضرها
الله يحفظها يارب ولاتياسين رضعيهااا طبيعي

 

[_Pure_]

شهالخرابيط شنو يعني حليب الام مامنه فايدة؟؟
اصلا كل الدكاتره يقولون مافي احسن من حليب الام لو تجربين كل حليب صناعي بالعالم مافي احسن من حليب الام

و اذا وديتي بنتج الطبيب و قالو طبيعيه خلاص صبري عليها يمكن اهي طبيعتها جذي
و خليها تتعرض للشمس حق فيتامين دي

و بعد الست شهور وديها الطبيب مرة ثانيه و لا تعطينها صناعي لحد يقص عليج

انا بنتي ارضعا طبيعي من غير صناعي و عمرها ست شهور و نص اراجع عند الدكتوره نسرين الخطيب في رويال حياة هالدكتوره عجيبة و ممتازه تخيلي مع اني موظفة منعتني اعطي بنتي صناعي تقول حرام عليج تحرمينها من حليبج المفيد

انصحج تشوفينها

و ممكن بنتج تحتاج فيتامينات و شمس

 

[روان_الكويت]

مادري اشفيهم اهلنا ما يشجعون مو نفس الاغربيات ماشالله عليهم

انا يوم كنت ارضع ولدي ابي ارضع بس اختي تقول حليبج مافيه خير كله غازات الصناعي احسن يتفخ الياهل
وامي ساكته لا تعليق وبعدين عطيه رضعه

 

[روان_الكويت]

مادري اشفيهم اهلنا ما يشجعون مو نفس الاغربيات ماشالله عليهم

انا يوم كنت ارضع ولدي ابي ارضع بس اختي تقول حليبج مافيه خير كله غازات الصناعي احسن يتفخ الياهل
وامي ساكته لا تعليق وبعدين عطيه رضعه مقوي اي الصناعي باليوم
وخالتي ام ريلي نفس الشي
الحمد الله ماطعتهم واستمريت عالرضاعه الطبيعيه 100%
ولدج جمسه جذي سواء عطيتيه صناعي ولا طبيعي بس الطبيعي افيدله
حاليا حدي متوهقه لانه دوامي بعد اسبوعين وما يعرف للمميه