حليبي نشف بالنفاس

[ام شريفه]

بنات انا صارلي بالنفاس 3 اسابيع و لمن صارلي اسبوعين نشف الحليب الي ابصدري و انا أرضع

فدكتوري عطاني حبوب اتزيد الحليب اسمها Fitolat على حلبه و شمر و أعشاب و من كليتهم و انا شهيتي مفتوحه عالأكل 24 ساعه بس آكل ولا طلع من هالحبوب ! مع ان حليبي زاد بس قطعتهم و الحين رد نشف حليبي

بنات شسوي فيه حل ثاني؟ و ليش نشف حليبي ابسرعه معني ما أشفط

 

[نفيشه]

انتي نفس حالتي بالضبط وانا بعد صار لي 3 اسابيع وحليبي نشف تقريبا
الحين قاعدة اخذ هالحبوب نفسج بس مالاحظت انها تفتح الشهية الصراحة ولا لاحظت ان الحليب زاد
يمكن للحين ما بين المفعول

اللي اعرفه ان الرهش والسمسم يزيدون الحليب بس هم يمتنون
وشربي سوائل وااااااااااااااااااااااااااااااااااااااااااااااااايد وانشالله يزيد

حاسة فيج لان نفسيتي تعبانة حدي ودي ارضع ولدي بس شكله مافي حليب

 

[_Pure_]

حاولي ترضعين كثر ما تقدرين ولا تعطين صناعي لان ينشف الحليب و شربي سوائل وااااايد خصوصا الماي

 

[عروس الدنيا]

انا صارت فيني هل مشكله و كل يومين احس مافي حليب ... عموما حليبي قليل جدا جدا
انا الي فاد وياي اللوز ... و الينسون شربيه حار

 

[المدرسه (مس)؟]

انا كان عندي توم بنات وكانوا خدج ولاده مبكره بقوا بالمستشفى مدة اربع شهور وبديت اسحب الحليب من اليوم الاول بالولاده لكن المستشفى ما قبلوا استخدم الساحبه اليدويه كالوا هذه ما تنفع لان يبون كانما مص من الطفل يعني كميه كبيره فعطوني جهاز كبير يشتغل على الكهرباء وقالوا لي لازم تسحبين الحليب كل 3 ساعات وكل صفحه ربع ساعه حتى لو تحسين خلص الحليب لا تشيلين الساحبه الا تخلص ربع ساعه لان يعتبر مثل العرض والطلب كلما ينطلب كثير كلما يتوفر اكثر وبقيت على هذا الحال لمدة 7 شهور كنت كل 3 ساعات اسحب الحليب وكنت ما مصدقه تطلع كل هذه الكميه والي يزيد الكميه هي السوائل ولا يوجد غير السوائل وهذا الكلام مو بالكويت بالخارج وكنت تحت اشراف اخصائية تغذيه