حليب الارتجاع

[ماعلى الدنياعتب]

السلام عليكم

الله يعطيكم العافية

حبايبي ولدي عمره اربع اشهر ومن ولدته يستخدم حليب الارتجاع \\نوفيلاك\\

والحين الحمدلله احسه صار احسن وودي اغير حليبه بس مادري شنو احسن نووع حليب

ياليت اللي كانت تستخدم هالحليب لعيالها تقوولي متى غيرته في اي عمر

وشنواسم الحليب اللي عطته ولدها بعده

واكوون شاكره لكم

 

[@ام هادي@]

والله انا مااستخدمته...
ان شاءالله البنات يفيدونج..
اب..
اب..
اب..

 

[ماعلى الدنياعتب]

مشكوووره ام هادي

الله يعطيج العافية

 

[نـــور]

حبيبتي سالي الدكتور قبل لاتغيريله الحليب
اتوقع مايصير تغيرينه من نفسج

انا ولدي ياخذ حليب ارتجاع وعمره 5 شهور وماغيرته

 

[*ماي الورد*]

انا اقولج لا تغيرينه فجاة خلطيه مع حلبيب نوفولاك العادي
اول شي ثلاث ارباع نوفولاك ارتجاع و ربع نوفولاك عادي اذا الوضع مشا زين
خليه نص بنص قفشة نوفولاك ارتجاع و قفشة نوفولاك عادي و شوفي شنو يصير اذا ظل الارتجاع يعني ولدج بعده

عالعموم الارتجاع يخف او يروح علر الست شهور

 

[ZajiL]

نصيحه لاتغيرينه
لانه انتي بتطرين تغرينه لمه يصير 6 شهور للمرحله الي بعد الولاده الي هي من 6-12
نطري وتحملي هالشهرين ترى في يهال ظل معاهم الاعراض ليه السنه
انا بنت حماتي جذي استمرت معاها لين عمر 10 شهور

احسن ماتغرينه الحين وتردين بعد شهرين تغيرينه خليه يكمل على نوفولاك الارتجاع وعلى 6 شهور غيري

بس الافضل على 6 شهور تسالين الطبيب قبل اي شي

 

[@ دهن العود @]

حبيبتى غيريه اذا عمر ولدج صار 6 شهور هذا كلام الدكتور لى

بس انا ما مشيت علي كلام الدكتور ههههههه غيرته بعمر 4 شهور

انا اعطيه رضعه حليب الارتجاع ورضعه حليبه اليديد لمدة 3 ايام وعقب حولت عاليديد

 

[..’’ياقلبـك الخوّاف’’..]

انا كنت اعطيه اس 26 بعدين عطيته بروميل وجنني بالترجيع..وعطيته حليب الارتجاع نوفالاك لمدة اسبوع بعدين عطيته غين بلس والحمدلله صحته زينه وحتى قام ياكل احسن من اول..مدري هو من الحليب عشان غيرته ولا عشان كمل سنه..!!؟؟ الله اعلم

 

[شيهانه^بكف^صقار]

انا كنت اعطيه اس 26 بعدين عطيته بروميل وجنني بالترجيع..وعطيته حليب الارتجاع نوفالاك لمدة اسبوع بعدين عطيته غين بلس والحمدلله صحته زينه وحتى قام ياكل احسن من اول..مدري هو من الحليب عشان غيرته ولا عشان كمل سنه..!!؟؟ الله اعلم

كلامها صحيح

والله يخليه لج

 

[ماعلى الدنياعتب]

يعطيكم العافية حبايبي

 

[الوردة المكنونة]

عزيزتي انا عطيت بنتي مدة سنه نوفلاك الارتجاع وبعدها استعملت سميلاك ادفانس والحمدالله مشى معاها تمام

 

[gardenai]

اختي لا تجازفين بولدج واجربين لازم تستشيرين دكتور
انا عيالي لما اولدهم ادويهم حق د. سعاد البصيري ما شاء الله عليها تفحص اليهال من فوق لي تحت واتقول شنو فيهم وتعطيج توصية حق مستشفيات الحكومية اذ لي سمح الله فيه شي
اختي راحت لها حق ولدها في ارتجاع تابعت حالته والحين عمره سنة الحمدالله مافي شى انتي شوفي شنو الدكتورة اللي ترتاحين لها وخليها اتابع حالته
وان شاء ما اكون طولت عليج

 

[عروسة]

لاتغيرينه دام الولد كان يستفرغ لان توه اربع اشهر للحين صغير اصبري الين الدكتور يقولك غيريه ويوصف لك حليب بس حاولي تخلطين اول فتره بين القديم والجديد الاطباء يقولون مو لازم بس افضل شيء هالطريقه لان ماتدرين قابليه ولدك للحليب الجديد...
وبعدين اصبري الين يكمل 6 اشهر وغيريه دام الولد مرتاح عليه مايضر...
الله يخيله لك..

 

[a7la banota]

حبيباتي انا ولدي عمرة شهر وامس الدكتور قالي انه في ارتجاع ووصفلي الدكتور حليب بيبيلاك مال الحساسية ماادري ليش وقالي لي 3شهور يرجع عادي شنو اعراضة وشسويتو مع عيالكم

 

[بدوية بملامح كشميرية 86]

انا استخدنمته باخر الاربعين عمره شهر واياام

وللحين مستمره عليه الحين عمررررره 4شهور