حليب البيبي ؟!

[عهد الغرام]

مرحبا بنات بسألكم شنو تعطون بيبياتكم حليب
ابي ?يَ يسمن بنتي حيل ضعيفه من انولدت
انا عطيها بيبي لاك شرايكم ? اس 26 وسيملاك
انصحوني كل وحده تقول تجربتهآ مع الحليب الله يجزاكم خير

 

[معزوفه حنين]

هلاا عهد

انا استخدم للولدي اس٢٦ حلووو

 

[عهد الغرام]

مشكوره معزوفه ربي يحليه لج
اي توني استخدمه وبشوف

 

[Vip qatar]

حبيبتي نصيحة لاتعبين نفسج في بيبات يكونون نتفة انا بنتي ولدتها نتفة وكنت اشربها حليب صناعي يقولون الحليب الصناعي يمتن البيبي وبنتي تمت نتفة لين يومج كملت الثلاث سنين وهي عصاقل فصديقيني الحليب ماله دخل اهم شي انه الحليب اوكي معاه ومو مسببلة غازات او امساك هاي اهم شي

 

[الـخـشـفـ الـنـداويـ]

اس 26 لعب ببنتي سبب لها غازات تعبت حيل بسبته

رديتها لبيبيلاك مع انه خفيف بس اريح لها

 

[عهد الغرام]

الله يعين

اي بيبيلاك خفيف حيل ومايطلع للترجيع ريحه

الحين اس 26 استخدمته لها ريحه الترجيع تكرمون قويه
بس شسوي اللي حولي يستخدمونه خواتي وحمواتي لعيالهم ويمدحونه

 

[نـعـومـه]

لاتعبين عمرج بنتي انا نتفه وقعدت جم شهر بس ادور الاكلات اللي تمتن وصفات تمتن واعطيها بس ماكو فايده زولها نتفه بتكمل سنه وللحينها نتوفه

بس اللي اعرفه سيملاك ثقيل يتفخ بس هم في يهال مايمتنون عليه

وهم يعتمد على الكميه اللي تشربها اذا تشرب شويه ماراح تمتن

 

[أبكاني ذنبي]

انا ولدي سيميلاك وزين عليه بس يرجع

عطيته اس 26 ماناسبه وسبب له وانتي بكرامه اسهال ورديته لسيميلاك

انا ولدي نتفه ولاني ولدته صغير احاتي وزنه وماكووو للحين نتفه وكله يرجع

ومايشرب الا رقم ورقمين تعبااااااانه معاااه ومعوورني قلبي عليه

 

[أم يزيد &سديم&]

إذا كانت بنتك صغيرة يعني في عمر الأشهر لاتفكرين فس غيرحليببك وبس ما في مثل حليب الأم
وأحب أضيف معلومة ترى المتن في الأطفلال. مو علامة الصحة
أهم سيئ وزنها طبيعي
وترى عامل الوراثة له دور كبير

 

[جذابه بنت ذيابه]

جربي بيبلاك او نان خفيف عالمعده

 

[عهد الغرام]

ماقصرتوا حبايبي

 

[جاكلين فيصل]

انا بنتي عمرها ثلاث اشهر كنت اعطيها سيميلاك بس من فتره تعبهااااا وسوا لها انتفاخ وغازات وامساك
وصفلي الطبيب بليميل الامساك راح عنها وهم الانتفاخ بس بدت تننحف صارت كانها بالاربعين وصاارت تستفرغ تكرمووون ولا تحبه ماتكمل رضعتها ياادوب رقم رقمين ورجعتها ع سيميلاك ورجعت مشكلة سييملاك مشكله والله صااارت ماتتبرز وانتوااا بكرااامه الا لما احطلها تحميله

 

[حور البحرين]

انا بنتي استخدم لها ابتاميل كومفرت

 

[لميس نفسي]

أختي


الحليب لايكبر ولا يمتن



شوفي النوع اللي يرتاحله ولدج

لاترجيع لا حساسيه لا غازات لا امساك لا اسهال واللهم لك الحمد

اما يمتن ويسمن ماكو انتي والتزامج بالحليب



انا كل انواع الحليب جربته


سميلاك ،، قولد 26 ،، ابتاميل ،، بيبيلاك
وواجددددد


واخر شي ارتاح على نان إتش إيه (( اللي للحساسيه ))


وطبعا انواع اللي قبل مايركبله

قولد 26 ترجيع
سميلاك غازات و امساك وتعب حيل
ابتاميل حساسيه تخرع


وكل نوع سببله شي





وانتي شوفي اللي ترتاحله بنتج وتشربه وبسسسس


وربي يحظها لج