حليب نوفلاك

[العطر 87]

مرحبا خواتي كويتيات ....ابيكم تساعدوني ضروري تكفون انا بنتي غيرت حليبها من بيبيلاك ل...نوفلاك حق الانتفاخ والغازات لان البيبيلاك سبب لها غازات .. والمشكله مو فاهمه جدول التغذيه لحليب نوفلاك يعني اقصد جم رقم الماي وعدد المكابيل الحليب لان معقد وديته لصيدلي يقولي حجي وكتور المستوصف حجي بس اهو مكتوب كل 30 ملي مكيال واحد بس مو عارفه جم 30 ملي ساعدوني بليز ضروري

 

[cat^q8]

هلا حبوبة انا بعد صارلي اسبوعين غيرته علشان ذبحها الامساك


الطريقة على كلرقم تحطين قفشة وحده بودر لان قفشتهم صغيرة

يعني بترضعينها 4 ماي يعني تحطين 4 قفاش بودر

 

[العطر 87]

يعطيج الف عافيه حبيبتي ماقصرتي والله يخليلج عيالج يارب

 

[نشـــامي]

انا جربته النوفولاك صراحه موشي نصحني الصيدلي ارجع للسميلاك ادفانس مع ان غازات حيل

بس يمدحوم ابتاميل للمغص

 

[إستبرق]

حليب بنتي كان نوفيلاك وغيرته الحين بيبيلاك لان نوع سوى لها تكرمين امساك ونوع اسهال لعب فيها لعب وماناسبها ولا حليب الحين الحمدلله هذا النوع زين
اتذكر كان كل رقم يمكن قفشه لان كانت تشرب رقمين ماي وقفشتين حليب

 

[همسة ورد]

والله احسن شي نوفلاك للامساك ...


استخدمه لولدي مافيه غازات وبطنه صار اوكي

 

[glow 'n' show]

انا استخدم حق ولدي نوفولاك للمغص .. احط الماي لي 120 مع 4 قفاش حليب

يعني كل 30 مل ماي له قفشه حليب

 

[العطر 87]

بنات تكفون ساعدوني اعوزت بنتي كل يوم حليب لان صح كلامكم النوفلاك سبب لها امساك ومحتاره ارجع للبيبيلاك ولا لا لان صايره ترجعه تكرمون واحس سبب لها شوي غازات ساعدوني والله احترت ومشكورين على الردود جزاكم الله خير بنتي فيها حساسيه وعمرها خمس شهور حرام كاسره خاطري كل فتره اغير الحليب

 

[sa7ab]

انا مرتاحه مع النوفالاك

 

[أم حيدر]

نوفولاك كنت استعمله حق وليدي البجر ما يعطي عافية للياهل خير شررررررررر

جربي ابتاميل كمفورت

المشكلة انا هم غيرت حق وليدي الصغير الحليب جم مرة وآخر شي استقريت على سيميلاك ادفانس بس بطنه مااااسكة شسويييييييييييي؟؟؟؟؟؟؟؟

 

[Om_RayooMa]

انا بعد استخدم نوفولاك ومشكلته بسرعه يخلص من السوق
بس هذا اللي فادها حق الامساك

 

[دكتور نوفالاك]

خواتي الفاضلات انا مندوب شركة النوفالاك في المملكة العربية السعودية ويسعدني الرد على اي استفسار بخصوص النوفالاك
بخصوص الجرعة فهي مكيال على 30 مل من الماء

انواع النوفالاك
الخاص بالامساك novalac it
الخاص بالسهال novalac ad
الخاص بالمغص novalac ac
الخاص بالارتجاع novalac ar

وجاهز للرد على اي استفسار بخصوص النوفالاك

 

[طير الحب]

انا امس بعد غير لولدى من بيبى لاك الى نوفولاك مال الارتجاع والله ما يندى تعبوا اليهال من كثر التغيير

 

[ام خالد 78]

الطبيب نصحني بنوفلاك يقولي احسن شئ

 

[بنت السلف]

رد : حليب نوفلاك

انا عطيت بنتي اول شي بالاربعين سميلاك بس سبب لها غازات مو طبيعية

ونصحتني الدكتورة بالنوفلاك حق المغص

بس بعد شهرين قامت ترجع وغيرته لل ابتاميل بس يومين وذبحها بطنها واليوم رجعت للفوفلاك


والله احترت ما ادري وش اسوي

بس تكرمون ريحة الترجيعمال النوفلاك كريه حيييييل

حتى الحليب له ريحه

 

[^noonaa^]

والله انا بنتي يابعد قلبي بس اترجع والدكتوره عطتني لها نوفيلاك مال الترجيع ومافاد وياها كاهي اترجع

وعلى قولة ام حيدر مايعطي عافيه للياهل

احسن شي ابتاميل شكلي برد عليه

 

[خزامى]

ماحبيت اطلع وما ارد عليج
بالنسبة للمقياس 30 مل = رقم واحد وعموما الممية مكتوب عليها الارقام بالملي

وانا كنت استخدم نوفالاك بس وايد تعب ولدي وعقب الاستشارات استخدمت نان من نستله واااااااااااااااااايدارتاح ومو بس ولدي حتى عيال الاهل والرفيجات لما نصحتهم

وعموما الياهل اول ثلاث شهور لازم الغازات تلعب فيه بسبب طبيعة امعاءه وهذا كلام الاطبا ((اخالد لسعيد وسليمان السعد