حل لتساقط الشعر اثناء الحمل

[انا مميزه]

مرحبا كروشات اخباركم مع الكرش الله يهون علي وعليكم




بنات انا حملت ثلاث مرات وهذا الرابع اول مااعرف شي اسمه تساقط شعر بالحمل هالمره بالحمل هذا شي موطبيعي شعرت قام يحت الله يستر اذا وصلت لتاسع شلون بصير حاس اني بصلع دورت بالنت ابي اعرف السبب مولاقيه دمي زين مافيه نقص مادري بسال اللي حملت وصار معاها جذيه للعلم اني الحين كملت اربع شهور بس هم يتساقط
بعرف الحين اهوا فيه امل يوقف والا لا واللي مر عليها جذيه تقولنا تجربتها وشنو سوت وهل بعد الولاده يتساقط ?
والله تعبت نفسيتي حدها زفت من شعري مع اني اكل فيتامينات بس ماكو فايده يقولون اللي يطيح شعرها بالحمل تكون حامل بولد بعرف هل هذا صج للجربو ومر عليهم صج كان حملهم بولد?

 

[انا مميزه]

امبيه بدليات فضييييعه��
عادي طوفو اصابعي كبرت من الحمل ��

 

[Tic_Tac]

انا نفس حالتج شعري حيييييل يتساقط
وحامل بولد

بس اعتقد انه عادي التساقط لانه من الحمل نفسه
واعتقد انه ماله دخل نوع الجنين


بس مو متأكده

 

[فرحتي2.2]

سبحان الله والحمدلله ولااله الاالله والله أكبر


حتي انا يتساقط بشكل مو طبيعي

 

[kuwaitiya_84]

انا بحمالي الاثنين شعري طال بسرعه وصار يهبل بس هالحين بالثالث وتوتي داشه الرابعه موراضي يطول وبس يطيح الي اعرفه وقت الرضاعه الدكتوره نبهتني بتساقط الشعر بس بالحمال انا مثلج ابي حل ولا بنصلع

 

[~DeeM~]

أختي خذيها نصيحة مني .. مرات الشعر يتساقط من النفسية

بقولج تجربة بنت أعرفها .. اهي مو حامل .. بس أتوقع نفس سبب سقوط الشعر

تقول مره قمت من النوم ولقيت شعري يطيح بشكل كبير من دون سبب رحت الطبيب وقال لي ما فيج شي تحاليلج تمام

تقول ومع هذا أخذت مكملات وفيتامينات للشعر .. خف التساقط بس لا زال

بحثت عن الموضوع لقت انه ممكن يكون سبب سقوط الشعر نفسي

تقول جربت الأملج بعد نصيحة وحده تعرفها .. غلته بماي 10 دقايق وغسلت فيه شعرها .. تقول من داخلي مو حاسه أنه بيجيب نتيجه

بس تقول أنصدمت انه من أول أستعمال جاب نتيجه تقول وقف التساقط نهائي غير ان الشعر صار ناعم

وتقول غسلته مره ثانيه وخلاص ما عاد يتساقط

نصيحه .. روحي أي حواج .. قولي له أبي أملج مطحون وهو راح يعطيج .. وأغليه بماي وغسلي شعرج فيه .. وخليه علي راسج لين ينشف ساعه أو ساعتين وبعدها أغسليه من دون شامبو لانه بسرعه ينظف بس ماي

وشوفي النتيجه من أول مره

وأهم شي حاول ترقين نفسج .. برقية بسيطة أو تقرين قرأن عشان النفس تطمئن بذكر الله

ودمتي سالمه

 

[ام الحلوااات]

ااااااااااااااااااااب

 

[دآنة آلرشآيده]

اب اب مادري

 

[عنووشه]

عادي من الهرمونات

اذا ارتفعتي بالاشهر بيقل


الله يقومج بالسلامه

 

[* بنت المطر *]

انا نفسج واستخدمت فيتامينات بيورين من الشهر الخامس وليلحين مستمره عليها ووقف التساقط الحمدلله

 

[خشف الرشايده]

عااادي تساقط الشعر
أنا للحين بالخامس وشعري يطيح وأكل فيتامينات
وانا حامل في بنت بس بعد الولاده ان شاء الله يرد

 

[انا مميزه]

مشكورين حبايبي كل الردو بس انا اللي ذابحني انه اهوا من اول خفيف والحين قاعد يتساقط
وبعدين انا شفت برنامج تكلمت فيه دكتورة جلديه تقول من اسباب تساقط شعر الحامل تغير الهرمونات وخاصه اللي حامل بولد

وبنت المطر
يصير عادي تاخذين فيتامين لشعر وانتي حامل ترا موزين في فيتامينات موزينه علا البيبي
يعني مثل فيتامين a الدكتوره تقول يسبب تسمم للجنين

Deem
حبيبتي ماقصرتي اهوا النفسيه تلعب دور بس الحمال بروح يتعب
تدرين عاد انا اول قبل احمل قلت ماراح اهتم في شعري الحين لانه مع الحمال يتعدل وبعدها كليتها عدل صارت صدمه قام يطيح زياده
يلا الله يعينا وياجرنا ان شاءالله شهور وتعدي


والله يقومنا بالسلامه

 

[شوبارد قطر]

يمكن في قشره فركي ليمونه وادهنيه مره بالاسبوع مع المساج ...
وحاولي تتسبحين يوميا او يوم اي ويوم ترك

 

[english muffin]

انا العكس
شعري صار احسن مع الحمل بس جف عن قبل
حتى دكتورتي قالت لي الحمل يعدل الشعر مب يزيد تساقطه
اعتقد الاسباب نفسية يمكن وايد تحاتين

 

[Q 8 Y A t]

انا نفسج بس حامل في بنت
وما لقيت حل

بمراجعتي الجاية بقول للدكتورة واشوف الحل

 

[انا مميزه]

اب
اب
نبي تجارب البنات بعد الولاده هم يطيح والا لا

 

[حرمه المصون]

نبي تجاربكم

 

[عسل حدي]

موسم حبيبتي وبيتعدل

 

[~Diva~]

تسلموون بنات
بس شنو الاملج؟؟؟؟؟

 

[شيخه_البيض]

انا نفسج بالضبط قاعد يطيح بشكل موطبيعي

وبلشت اعتني فيه عاد ان شااءالله اييب نتيجه

بس الهرمونات تاثر ترى