حل نهائي للسمنه والترهل (مجرب شخصيا و في شهر)

[Cherrrry]

السلام عليكم


بقولكم تجربتي مع التخسيس ..


اول شي انا ما احب اسوي رياضه و تقريبا طول اليوم مجابله الكمبيوتر و ما اتحرك ابد الا للضروره :dddds:


ما احب التزم برجيم واتعب نفسيا منه

ما احب انطر وايد اجرب كريمات و اقعد بالاشهر عشان الاقي نتيجه بسيطه


فوق كل هذا .. ما بقى شي ماجربته من اللي ذكرتهم فووق يعني اي شي تتخيلون بالرجيم من رياضه و اجهزه و ادويه و حبوب و كورسيهات و خلطات و اعشاب الخ........... جربتهم كلهم


في شييييين بس اللي فادو معاي و لقيت نتيجه واضحه حيييل و فرق ما شاء الله ماكنت احلم فيه



الاول اهوه جلسات في معهد بيوتي تك الصحي عباره عن 15 جلسه مثل جهاز تكسير تمشي على المنطقه اللي تبين تضعفينها مثلا انا جربت الكرش .. و تكسر الدهون نفس تنحت الجسم .. مافي عوار يذكر ..
و تحطلج كريم يشد الجسم ..


الجلسه تسوينها كل يوم وترك

انا جربت 15 جلسه حق الكرش و ما شاء الله فرق معاي حييييييييل

يعني شي مو بسيييييط كلش والفرق واضح .. في شهر واحد بس ..

وانا عندي كرش بايخ صاير جني لابسه تيوووب مال السباحه طوق النجات :dddds:

الحين لو تشوفون ماتصدقون الفرق يعني في شي خفيف بس انرسم الجسم




الشي الثاني

جهاز اسمه power plate

هالجهاز في نفسه بالكويت بس اسمه غير crazy fit

سويت 11 جلسه و اهوه عباره عن جهاز في اهتزاز توقفين بطريقه معينه حسب التعليمات و تشغلين الاهتزاز
راح يهتز جسمج و العظله اللي تكون عليها التركيز تشد

انا من الجلسه الثامنه لاحظت فرق كبيييير على زنودي و الارداف والكرش

بصراحه اول جم جلسه كنت اتعب لانه نفس رياضه وانا مافيني لياقه
بس بعدها صرت ازود السرعه و احسن انه اقدر اتحمل اكثر من قبل
وصار عندي لياقه

وترا وقت الجلسه ربع ساعه الى 20 دقيقه بسسسسسسسسسس


اللي تبي تلاقي نتيجه و ملت من الوصفات والخلطات و الادويه والرجيم والله مافي احسن من اللي قلته لكم و هذا عن تجربه

وابي افيدكم لاني حااااسه في المعانات وانا وايد تعبت بسبب هالشغلات اللي اسويها والاراده استغفر الله تحت الصفر


و في شغله بقولها لكم بعد ترا انا ماكنت اسوي رجيم يعني يوم التزم و 10 لأ

و اكلي كله وجبات سريعه

و فوق هذا شكلي الحمدلله تغير

ما وصلت المرحله اللي ابيها بعدي مستمره ..

بس لقيت فرق و الحين قاعده احاول اسوي رجيم مع الجلسات

و بشتري جهاز كريزي فت ان شاء الله عشان استمر مع الجلسات و اضعف



عشان يكون الموضوع كامل هذي الارقام اللي تبون تعرفونها


رقم معهد بيوتي تك 5722250

بس للامانه ترا حهدم حراميه بالاسعار .. بس انا مجبوره عشان جذي مستمره معاهم و جددت الاشتراك حق جلساتي


وهذا رقم اللي يبيعون كريزي فت لقيته بالوسيط

24334254
99603620



مابي شي غير دعوااااااتكم لي

وان شاء الله تضعفون بصحه وعافيه

 

[lara_action]

ليج بالعافيه
استمري عالجلسات والجهاز
نـــــصــــــــــحـــــــــــه
اذا فكرتي تقطعين المساج واضبي على المشي نص ساعه باليوم عشان تحافظين على المساج ولا راح يخترب جسمج ويرد مثل قبل

 

[ام الغالين]

انا بس ابي شد جسمي شويه من بعد المساج سويت مساج وضعفت وايد وانا من الاساس مو متينه بس ترهلات الولاده

مشكوره يا قلبي

 

[للحين ناطره]

الله يوفقج وينولج اللي فيبالج
واستمري

 

[ii DareeN ii]

ممكن اختي تذكرين سعر الجلسات

والبور بليت كنتي تستخدمينة عندهم ولا بالبيت


ومشكورة

 

[سمسميه]

الله يوفقفج يا رب وتوصلين لاحلى جسم تتمنينه ان شاءالله

سؤال
انتي جم وزنج لما بديتي ؟ اقصد هل مشكلتج فقط في البطن؟

 

[miss-one]

جم اسعار الجلسات

وبين الفرق بالشكل ولا بالشكل والوزن ؟

 

[F.A]

مشكوره على نقل تجربتج

 

[النووور]

ياسلام عليج

وحلو انج تفيدينا وخاصه انها تجربتج

واحلى مافيه ان الموضوع فيه شد الجسم وضعف

بس همن نبي انعرف سعر الجلسه لو سمحتي

 

[مرت حمد]

اختي انا جربت جلسات بيوتي تك ولا فادني بشي كلش قطيت افلوس على الفاضي والله حرام احسن شي المشي و بلاش من غير افلوس انا حالتي مثلج الخواصر اللي اتلوع الجبد الله اكون في عونا

مشكوره

 

[Harmony]

الله يتمم عليج حبيبتي و ان شاء الله توصليين للى تبينه و مشكورة على النصيحة ما قصرتي

 

[صمت الروح]

نصيحتي لكم المشي وبسسس

 

[اطباق ماي ورد]

واصلى حبيبتى لا تقطعين والله يوفقج يارب

:ggdw: :ggdw: :ggdw:

وبعدين البنات الى جربوا وما فادهم ... مو شرط يعنى كل وحده وجسمها يختلف عن الثانيه وفى اشياء وايد تلعب دور

فى انج تستفيدين من الجلسات والا لأ .... نفس الريجيم ... وحده تنزل عدل ووحده هدا هدا

بس المهم المواصله على الشى اهني تبين النتيجه .. مو تملون بسرعه وتتركون

انا مثلج على ان وزنى زايد بس لوما الكرش جان شكله عاااادى

الله يعينا ..:0bee2e8d89:

 

[ريومة1]

ممكن اعرف جهاز كريزي فت جم سعره ؟
لان وااايد عجبني و مشكوووورة

 

[OM^BoJasSoM]

اي والله نبي الاسعاار؟ ومشكوووره على طرح تجربتج

 

[athora]

مشكوره حبيبتي ..صح جهاز كريزي فات عند حماتي وقفت عليه مره يخضج خض

 

[شيخه***البنات]

مشكووره ياقلبي ويعطيج العافيه وربي يوفقج ان شاءالله ..

اسإلتي نفس البنات جهاز الكريزي فت بجم ..

وبجم الجلسات اللي سويتيهم ..

 

[مهموومه]

ااول شي الف الف الف مبرووك
استمري :ggdw::ggdw:
ثانيا صح بنات موشرط شي ينفع مع وحده راح ينفع مع الكل
انا سويت ميزيثيرب وابر وعمات عين ونادي وحبوب سيبوتيرم وسليماكس وزينيكال وشيتوكال وزين الاتات وجوجوبا وحبوب هندية وصينية وحبوب الشاي الاخضر وحبوب من لندن حمرا ومافاد معاي بس يمكن فاد مع غيري انا امووت عالاكل
واحب الطباخ والمطاعم :botetoo::botetoo::botetoo:ولاتشوفون ايدي اول ماقزيت الابر كل الي يطالعهم يتخرك من كثر مااهي زرقة مشوهه ومن كثر العوار ماقدر انام علا جنب وماستحمل احد يمسكهم حتر لمن احد يسلم علي ويحط ايده عليهم كنت اصرخ صرخه والي جدامي مسكينه تستغرب وانا كنت من الفشلة اقولها كهربتيني يعني خاشة عن الناس انا وشكلي :dddds::dddds:
وقبل يومين رحت حق نادي المساج الي تكلمت عنه وحده من البنات صراحه شكله روعه عطتني شاي اخضر اجربها فضيعه احس تكرمون التخريج تنضم عندي وفشلتني قالتلي انتي زنودج مقاس كنج فملي((عايله كبيرة)) :lkmnkl:اول ماقالت جذي تحطمت واول ماشافت جسمي تخرعت قالتلي انتي جم بيبي في اول ماقتلها مومتزوجه كانت بتبجي من الصدمة0bee2e8d89:
بس قالتلي انتي اول كورس يبيلج شد يعني تضعفين 6كيلو تقوول بس:eh_s(6):ماتدري انه انجاز وقالت الكورس الثاني شد وضعف والامانه حسيت انهم مايغشون لانه رفيجاتي كانو معاي قالت حق وحده اضعف مني انتي يبيلج 3كورسات بالاول كلنا استغربنا لانها ضعيفة بالنسبة لنا قالت هذي جسمها حيل ترهل يعني مونفسكم شحم بشحم:dddds:
وماخليت ولااحد هناك من الزباين بنات كويتيات الي ويمدحونه حيل ويقولولي راح يفرق حيل جسمج عليج وحده هناك جسمها منحووت استقبلو الصدمة اول ماورتنا صورتها تخرعنا فيله والحين ملكان تحلف تقول بدون رجيم بس بهالمعهد والله يبنات استخفيت علا جسمهاا انا عرفت هالمعهد من خلال تجربة وحده من البنات كتبت عنه وتشجعت ورحت وانشاءالله بس يكون عندي سيوله احجز كورسين عندها الجلسة ب10 مع شاي وحبة
ادري قرقتت عليكم بس تشجعت وكملي مدامج مرتاحه بهالمعهد

 

[Stay alive]

خووووووووووش كلام والله
بس نبي تفاصيل اكثر عن المعهد والجلسات بجم والجهاز بجم

 

[فـرفـر]

نبي تفااصيل اكثر


انا بس ابي 5 كيلوو وابي شد لجسمي

وهل الجلساات توخر السيولايت ؟


ياخوفي يرجع جسمي اول ماهد المساج