مساء الخير
مادري من وين أبدأ بس صج كل أنسان وعنده طاقه من التحمل وخصوصا مع الحموله يمكن قبل فتره أنا كتبت مشكلتي مع حماتي أللي تعزم طليقة ريلي بالبيت المهم أهل ريلي وريلي حلو المشكله لأنه السالفه قربت توصل للطلاق وريلي بصراحه يحبني وماكان وده الموضوع يكبر وحلفت أمها وريلي علي أخته طليقته ماأدش البيت والحمدلله ماعاد أشوفها وعساها مادش البيت ثاني مره بس ألحين هابه بهيه يديده أذا أنا وزوجي بروح مكان نازلين من فوق تسأل أخوها وين بتروحون يرد علي أخوها السوق الفلاني عادي أروح معاكم ؟؟؟ طبعا زوجي طبعه خجوول يقولها حياج الله أنا طبعي مو نحيسه وعادي تروح بس مو دايما مطعم تروح معانا سوق تروح معانا باجر أخاف ألقاها بالسرير معانا صج أسلوب يطفر وياليت لاراحت تروح وبأدب وبأحترامها لا تتحكم مروا المطعم الفلاني هذا المطعم ويييييييييع أكله الله يعز النعمه وأذا تأخرنا يالله بسرعه وراي دوام بنام أيه منو قالج تعالي والله أنا أدري كل هذا تبي تكرهني بزوجي وتبيني أنحاش من البيت لأن منعت طليقة زوجي أللي أهي رفيجتها أدش البيت بس صايره بكل مشوار أترز ويها زين أنا بسولف أنا وزوجي نبي نتاقش بموضوع يهمنا ويتروالي ماعليها قاصر موظفه ومعاشها زين وسيارتها عند الباب وسايقين بدال السايق وخواتها ورفيجاتها تطلع معاهم شمعني الطلعه صارت ماتحلا ألا معاي أنا وزوجي وماقمت أحس بطعم الطلعه معاه أركب السياره أحس أني جامده ومره سويت نفسي ذكيه قلت لزوجي أذا نزلنا وقالت أختك وين بتروحون قولها بنروح لأهلي عشان ماترز ويها لأن فاهمه حركاتها عاد ذاك اليوم تليقف ريلي ونزل تحت وأنا تأخرت فوق باللبس جان يدق ويقول خلصي الفيلم بدأ جان تقوووووول بروح معاكم.. زوجي طبعا وأخته ويستحي يقولها لأ قالها حياج الله نزلت ولا رازه نفسها بالسياره أنصدمت صج وقاحه وقلة حيا والله أخوي تزوج وزوجته وقتها تتحايل علي أروح معاهم حق السينما كنت أرفض لو شنو ماأروح مع واحد أهوا وزوجته حتي لو أخوي لأن لهم خصوصيه عادي تروح بس خاطر مره مرتين بس مو كل مشوار ولي متي بقولها رايحه لبيت أهلي وصارت طلعاتي تخف أنا وياه عاد ولاأبي أطلع معاه بالخش أبي أطلع وأنا موخايفه من أحد يعكر طلعتنا ومبدأ أنه نطلع بشقه رافضه وبدون نقاش لأن علي قولته أهوا ريال البيت وماكو غيره يعتمدون عليه ....
ياربي حضي طايح بالحضيض عسي ماأطلع من مشكله أدش بالثانيه....شسوي يعني ماعاد أطلع مع زوجي..
مادري من وين أبدأ بس صج كل أنسان وعنده طاقه من التحمل وخصوصا مع الحموله يمكن قبل فتره أنا كتبت مشكلتي مع حماتي أللي تعزم طليقة ريلي بالبيت المهم أهل ريلي وريلي حلو المشكله لأنه السالفه قربت توصل للطلاق وريلي بصراحه يحبني وماكان وده الموضوع يكبر وحلفت أمها وريلي علي أخته طليقته ماأدش البيت والحمدلله ماعاد أشوفها وعساها مادش البيت ثاني مره بس ألحين هابه بهيه يديده أذا أنا وزوجي بروح مكان نازلين من فوق تسأل أخوها وين بتروحون يرد علي أخوها السوق الفلاني عادي أروح معاكم ؟؟؟ طبعا زوجي طبعه خجوول يقولها حياج الله أنا طبعي مو نحيسه وعادي تروح بس مو دايما مطعم تروح معانا سوق تروح معانا باجر أخاف ألقاها بالسرير معانا صج أسلوب يطفر وياليت لاراحت تروح وبأدب وبأحترامها لا تتحكم مروا المطعم الفلاني هذا المطعم ويييييييييع أكله الله يعز النعمه وأذا تأخرنا يالله بسرعه وراي دوام بنام أيه منو قالج تعالي والله أنا أدري كل هذا تبي تكرهني بزوجي وتبيني أنحاش من البيت لأن منعت طليقة زوجي أللي أهي رفيجتها أدش البيت بس صايره بكل مشوار أترز ويها زين أنا بسولف أنا وزوجي نبي نتاقش بموضوع يهمنا ويتروالي ماعليها قاصر موظفه ومعاشها زين وسيارتها عند الباب وسايقين بدال السايق وخواتها ورفيجاتها تطلع معاهم شمعني الطلعه صارت ماتحلا ألا معاي أنا وزوجي وماقمت أحس بطعم الطلعه معاه أركب السياره أحس أني جامده ومره سويت نفسي ذكيه قلت لزوجي أذا نزلنا وقالت أختك وين بتروحون قولها بنروح لأهلي عشان ماترز ويها لأن فاهمه حركاتها عاد ذاك اليوم تليقف ريلي ونزل تحت وأنا تأخرت فوق باللبس جان يدق ويقول خلصي الفيلم بدأ جان تقوووووول بروح معاكم.. زوجي طبعا وأخته ويستحي يقولها لأ قالها حياج الله نزلت ولا رازه نفسها بالسياره أنصدمت صج وقاحه وقلة حيا والله أخوي تزوج وزوجته وقتها تتحايل علي أروح معاهم حق السينما كنت أرفض لو شنو ماأروح مع واحد أهوا وزوجته حتي لو أخوي لأن لهم خصوصيه عادي تروح بس خاطر مره مرتين بس مو كل مشوار ولي متي بقولها رايحه لبيت أهلي وصارت طلعاتي تخف أنا وياه عاد ولاأبي أطلع معاه بالخش أبي أطلع وأنا موخايفه من أحد يعكر طلعتنا ومبدأ أنه نطلع بشقه رافضه وبدون نقاش لأن علي قولته أهوا ريال البيت وماكو غيره يعتمدون عليه ....
ياربي حضي طايح بالحضيض عسي ماأطلع من مشكله أدش بالثانيه....شسوي يعني ماعاد أطلع مع زوجي..
مادري هالخوات مايبون اخوان يتوفقون والا شنو !
