حماتي سمعوها شنو تقول حق ريلي .؟؟

[๓ίşś зśŏłả..!]

قوه














بنات هذا اول موضوع لي بالقسم
وبقول لكم مشكلتي مع حماتي يمكن انتو ما تعتبرونها مشكله بس انا كل ما اتذكر هالسالفه انقهر :eh_s(4):
السالفه ومافيها انه حماتي مو متزوجه وعمرها 23 واكبر مني واهيا اكبر حمات لي
اهيا وايد حبوبه بس لما تشوفني انا بروحي تهلي وترحب فيني ولما تشوفني مع ريلي تتنرفز وجنه قاعدين على قلبها
بس وين المشكله .؟
المشكله لما تشوفنا انا وريلي قاعدين تحت عندهم تقول حق ريلي :
يلا متى بتاخذ الثانيه والثانيه خلها علي انا الي بزوجك اياها
وتقول بعد متشوقه اشوف عرسك الثاني >>
حتى خالتي لما سمعتها قالت شهالحجي وتقول لخالتي الي اهيا امها اي يمه وانا الصاجه
والمصيبه مو اول مره تقول هالكلام كل ما شافتني انا وريلي تقعد وتقول هالكلام
بصراحه انا لما سمعتها اول مره تقول جذي عطيتها طاف قلت اكيد تتغشمر بس مو كل مره تعيد وتزيد بهـالسالفه
والي يقهر شمعنا ما تقول حق مرت حماي ليش كله انا << يعني لهدرجه مقهوره مني او اني ايحه من عينها لاني اصغر منها
بنات انا خايفه اذا قالت هالكلام مره ثانيه اشد معاها بالحجي وتصير سالفه مابي اخرب علاقتي مع ام ريلي وتكبر السالفه
ابيكم تشورون علي شسوي معاها لاني صج لاعت جبدي من هالسالفه ابيها تسكت ساعات اقول اطنش وساعات اقول خليني اقوفها عند حدها لا تلعب بمخ ريلي :lkmnkl:
بنات بليز ردو علي

 

[Stylista_Q8]

رد : حماتي سمعوها شنو تقول حق ريلي .؟؟

خوفج كثر الدق يفج اللحآم >.<

والله شهالحمآة تقهر @

ذكرتيني بعمتي لمآ كنآ نتيمع معآهم بدون الوآلده يقولون هالحجي جدآمنا عشآن نتنرفز :/

وشكلهآ حمآتج محتره !! استغفرالله

بس ريلج ماستغرب ولا لاحظ انج متضايقه من هالشي ؟

لمحييله ..

 

[iLLuMinaTion]

uppppppp

 

[ياراا]

قطيها على قشمره قوليلها زوجي اخوج وكما تدين تدان واياااج تبنين انج مقهوره وقوليها بضحكه نصيحه النوعيه هذي يبلها تجعيم من البدايه بس على قشمره وضحك

 

[مسك81]

لازم توقفينها عند حدها وماتعطينها ويه زياده علشان ماتتمادا

 

[دنيتى زوجي M]

كلميها بضحك او قطي نقزه عليها او كلمى خالتج وقولي لها ان هالشي يضايقج

يااااااااكرهي حق هالنوعيه الله يكافيج شرها

 

[محرومة من الحب]

رد : حماتي سمعوها شنو تقول حق ريلي .؟؟

جعميها

او خلي ريلج يزفها لا تتدخلين معاها عطي ريلج الكلام

 

[وجهت وجهي اليك]

الله يعينج الصراحه الحجي يغث
اذا تبين رايي خل ريلج يدقرها عشان اتفشل وما تعيدها لان اذا يت من ريلج احسن لان اهيا قاعده اتشيشه اهو فهو خل يرد عليها
مثلا يقول لها هذي ام فلان ماكو مثلها ولا اي شي المهم يسكتها

 

[الأميرة جوري]

رد : حماتي سمعوها شنو تقول حق ريلي .؟؟

تدرين منو يوقفها عند حدها زوووووووووووجج لزفها ذيج الساعه تعرف تحجى ....صارت معاي بس بسالفه غير وعطاهم كلمهم خلتهم يعرفون اشلون يتحجون ..

 

[أغلى حبيبه]

رد : حماتي سمعوها شنو تقول حق ريلي .؟؟

الغيره سباايب

قولي حق ريلج يجعمها وماتفتح هالموضوع جدامج مره ثانيه

 

[AmoOona_29]

رد : حماتي سمعوها شنو تقول حق ريلي .؟؟

قطييعه شهالحماة :#

الله يعينج عليهآ


؛

 

[ديانا سبنسر]

والله مدري شقول اخاف تكلمين ريلج تصيرين مثل اللي فتحتي عينه واخاف تسكتين تمادى ماكو الاتجعمينها بضحك

 

[سارووونه22]

خلي ريلج يوقفها عند حدها عشان انتي لاطيحين بشينه قولي له يرضيك كل ماشافتني قالت لي جذي وانا عشان خاطرك حبيبي ساكته لانه مابي احد من اهلك يزعل علي واكيد ماراح يسكت لها

 

[๓ίşś зśŏłả..!]

رد : حماتي سمعوها شنو تقول حق ريلي .؟؟

واي بنات فديتهم صج ارتحت وايد بردودكم
وماكو الا اكلم ريلي يحاجيها

 

[مــســك]

امبيه ؟


قطيعه تقطع هالاشكآل هذي ..


حماتج . .ذكرتني بمرت جدي .. كل ما تشووف ابوي تقوله يلا ليش ما تتزوج على مرتك ؟؟



محتره من امييييييييييييييي ..


ولان جدي الله يرحمه تزوج عليهااااااا .. وتبي ابوووي يطلع مثل جدي لووول



بس الحمدلله حريمتهااا .. ابوي معطيهاا طاف ..


بس هذا الكلام قبل .. الحين الحمدلله كبرت وعقلت ولهت بعيالهااا وبآحفاادهاا ..:/




بس لازم توقفينهااا عند حدهاا ..:/



بس بفهم شلون زوجج ساكت ؟

 

[مندوبة ام بندر]

كلمي زوجج يوقفها عند حدها

 

[๓ίşś зśŏłả..!]

رد : رد: حماتي سمعوها شنو تقول حق ريلي .؟؟

امبيه ؟


قطيعه تقطع هالاشكآل هذي ..


حماتج . .ذكرتني بمرت جدي .. كل ما تشووف ابوي تقوله يلا ليش ما تتزوج على مرتك ؟؟



محتره من امييييييييييييييي ..


ولان جدي الله يرحمه تزوج عليهااااااا .. وتبي ابوووي يطلع مثل جدي لووول



بس الحمدلله حريمتهااا .. ابوي معطيهاا طاف ..


بس هذا الكلام قبل .. الحين الحمدلله كبرت وعقلت ولهت بعيالهااا وبآحفاادهاا ..:/




بس لازم توقفينهااا عند حدهاا ..:/



بس بفهم شلون زوجج ساكت ؟

واي شي يقهر زين سوا ابوج
ريلي لما يسمعها تقول جذي يسوي نفسه انه عادي عنده يضحك ويتغشمر
يعني نفسه مو هامه شي

 

[barbie_girl]

حبيبتي لازم زوجك هو الي يوقفها عند حدها لان هالشي يصير قدامه مو من وراك لذلك لاتفكرين تردين عليها

خلي الموضوع على زوجك بس المهم الصيغه الي تتكلمين فيها مع زوجك بحيث تبينين انك مازلتي محترمتها مو عن كراهيه

لازم اللف والدوران عشان تكبرين بعينه وبنفس الوقت هي تتادب من اخوها باسلوبه

قولي له هالمزح انا مااقبله نهاااائي هل انت تتقبله؟؟اذا متقبله خل تمزح لحالها معك مو قدامي لاني ماارضى بهالشي

 

[أميرة ملكية]

رد : حماتي سمعوها شنو تقول حق ريلي .؟؟

اذا قالتها مره ثاااااااااانيه قوليلها زوجيه بس اذا تزوجتي ان شاء الله بتلاقين المره الثااااانيه بويهج لان كما تدين تدااااااان
ولا قوليلها على ضحك وي زوجيه ورااااااح ادعيلج اذا تزوجتي باحلى دعوووه
والله شي يحر والله واحد من خواني لا قال على غشمره حق مرته بتزوج عليج قمنا عليه
حتى لو ضحك بس مانبيها المسكينه تحز بخاطرهاااا​

 

[*-*Lo0o0Raaa*-*]

اي وانا بعد اقوول كثر الدق

ديري بالج

شوي شوي تركب السالفه براس ريلج

قولي لريلج