حمات اختي وحركاتها " ,,

[سحته ودعله]

هلا بنات ,, شخبااركم :eh_s(9):
بكتب هالموضوع اللي اختي قالتلي ياه وقالت حطيه ,, أبي حل



ببدي يابنات ,
اختي صارلها سنه تقريبا متزوجة واهيه الحين يابت ياهل وعمره 4 اشهر ,
المشكله يابنات حماااتها , قايمه وقاعده ترفع ضغطها ,
حماتها عندها ولد بعد ونفس اسم ولد اختي بس اكبر منه بشهرين
وشلون ترفع ظغطها ؟ " قايمه وقاعده .. هاذا فلان الاول حبيبنا
عن الياهل
فلان اهوه الاصل , فلان وفلان ,, انزين وبعدين
يعني اختي ماتغار ولا شي بس من حركاتها خلاص لاعت جبدها ..
انزين اهيه ليش اتسوي جذي وبعدين معاها ومع تصرفاتها
ليش قام تقارن و جذي



,, بنات اللي بيرد رد يبرد الجبد يرد واللي ماعنده رد سنع لايرد

 

[سحته ودعله]

رد : حمات اختي وحركاتها " ,,

وانتظر ردووودكم بنات

 

[للزين هيبه]

:eh_s(10):





قسم اختج مشتطه ومزعله ومضااايقه نفسها على ناااس مو كفووو اعتبااار وحشيمه



:rgewrg:

قووولي لختس

خلها تطنشهاا

اي كلمه تقطها

خلها تنقدها على نفسهاا

يعني ان قاالت شي يقهر اختج


ختقووول بصوووت واااااطي مع ضحكه هاهاهاها حمدالله وشكر ع العقل



تنقدهاا ليييييين


تنقد ع طوووله هالذيخه


ويع وبعدين مع هالحموااات الوقحااات



قلت ادب



:rgewrg:



تقبلي مروري ياعسل​

 

[كلي ثقه و سنع]

رد : حمات اختي وحركاتها " ,,

والله ما ادري شنو في بالها حماتها

بس عموما اللي يسوي جذي محتر من شي

حلات اختك تقول اي صاجه و لدك هو الاصل ( يعني ترا سمعناج و فهمناه )

و بس

 

[ياشايل الظبى]

قصدج ان عيالهم الاثنين نفس الاسم

ومن جذيه حماتها تغاااااار

 

[سحته ودعله]

رد : حمات اختي وحركاتها " ,,

اختي مو مشتطة بس بدت تتضايق من حركاتها لانه جنها ياهل !

 

[سحته ودعله]

رد : حمات اختي وحركاتها " ,,

اسمهم على يدهم " ابو ريل اختي "
و اهوه يعامل اختي مثل بنته ويحبها
واهيه شكلها تغااار من جذي !!

 

[سحته ودعله]

رد : حمات اختي وحركاتها " ,,

انا قلت حق اختي اذا حماتج عندها ولدها نمبر 1 احنه عايلتنا بكبرها عندنااا حيااتي اهوه نمبر 1

 

[miss_jamsheer]

قوليلها اي اكيد اثنينهم الاصل موسميين الغالي

 

[سحته ودعله]

رد : حمات اختي وحركاتها " ,,

وامها رزينه وتستحي اذا قالت جذي وتحاول انه اتاشرلها بعيونها بس ماتفهم مادري شتبي داشه عرض ونسيت اقولكم انها ملقوفه حدها حدها يوم اختي بالمستشفى تححللل اذا حامل ولا لا كل ثانية اتدق ها ولد ها بنت ها شصار ها حامل ولما يابوا ولد حقدت لانه ماتبي ينافسها بس والله مريضه نفسيا اذا خواتها يابوا عيال بتسوي نفس طريقتها الزفت !!

 

[فاقده ابوهاااا]

رد : حمات اختي وحركاتها " ,,

سبحان الله هالشغله اثاريها موجوده بكل مكان عادي حبيبتي خليها تطنش وتحط بالها وتحصن نفسها بالقرآن وان شاء الله ماكو شي

 

[blue diamond]

هالشي دواه الطناااااااش خل تقول من اليوم لي باجر ماراح يغير من الحقيقه شي ان هم اهوا ولدهم وشايل نفس الاسم

 

[مــســك]

عادي حبوبة .. خل اختج تطوف لها .. اذا حماتها مريضة نفسياا شتسووي فيها .. هذيلا النوعية لازم الواحد يتحآشهم ويحقرهم ..


او انهاا تفهمهااا وتقول لهاا خلاص فهمت نغزتج ولدج الاصل .. خل تمآشيها على عقلها الصغير ..


وعوووه فرقى من حمآت .. قطع

 

[Meeesh]

خل تاخذها على قد عقلها
هذي مسكينه عندها نقص
خل تقولها كلهم غالين ومحد احسن من احد

 

[أم حوور]

الله يخلي المولود ويتربى بعزكم



هذه بصراحه مو صاحيه وفيها نقص وعدم ثقه بنفسها


تبين تلفت الانظار لها وان كل شي هي وبس


لمن تسوي جذي خلي اختج تحقر ولا تحط لا اي اعتبار ولا كأنها موجوده او تضحك ضحكه استهزاء بس بدلع شوي



خليها تموت بحرتهاااااا

 

[hooryah q8]

رد : حمات اختي وحركاتها " ,,

احسن شي اطنشها لين تزهق وتمل واطق جبدها لانه الحقرااان يقطع المصران

 

[dectora 7elwa]

خل تقول
الاصل اللي حامل اسم جده وشايل اسم العايله مو ولد النسييييب

 

[مواصله]

رد : حمات اختي وحركاتها " ,,

لاتقعد معاها هذي حاسدتها حتى على الاسم

 

[}{نرجسيهـ}{]

خل تقول
الاصل اللي حامل اسم جده وشايل اسم العايله مو ولد النسييييب

آحلى رد ..~

 

[ريتااجي]

رد : حمات اختي وحركاتها " ,,

اذا قالت ان ولدها هوه نمبر ون خلها ترد عليها وتقول اي نمبر ون في بيت اهله

اللي هوه حامل اسمهم أما أنا ولدي فهوه نمبر ون هني في بيت ابوه لان هوه اللي حامل اسم العايلة

وبجذي راح تنقهر وبتسكت