حمام اليهال

[ام سعودي]

السلام عليكم شخباركم؟
بليييز ابي حل حق حمام اليهال
الله يسلمكم حمامهم اهو الي بالويه حق اي احد يزونا
وفيه الغساله وحاطه كبت من ايكا حديد اسود فيه مثل بيبان بيض حق صابون وادوات التنظيف
بلييييييييييييييز بليييييييييييييييييييييييز ابي حل افكار اي شي يرتب الحمام
الله يعافيكم يا السنعات لاتخلوني:eh_s(2)::eh_s(2)::eh_s(2):

 

[قارورة عسل]

موفقة

 

[KOKO_284I]

حطي جدامه بارتشن بطريقه حلوه وجذي ما يشوفون الضوف شنو في داخل

 

[@ام يوسف@]

ااااااااااااب

 

[PuPa^^SWeeT]

يالييت اتصورين طريقة المدخل و الحمام شلوون واعطييج راااي

 

[أحمرجوري]

وعليكم السلام ورحمة الله وبركاتة

اول شي اشتري مجموعه فرش الحمام واشتري 2 علشان اذا توصخ تفرشين الثاني والاول يروح للمصبغه ينغسل او انتي تغسيلينه

وثاني شي تشترين عطر للحمام وانواع وايد ومتوفره بالجمعيات

وثالث شي مجموعه شموع معطره تحطيهم بزاويه الحمام علي استاند صغير مثلا

وعندج مجموعه الحمام للصابن والفرش والكلنكس وتكرمين الزباله

وختاري لضيفوج مجموعه من العطور

وحطيهم بسله وكتبي عليهم لاستخدام الضيوف لانه الضيف يستحي يستخدم شي مو له

تقريبا جذي ولا تنسين تحطين لوشن لليدين مع العطور

وفي سلال للغسيل احلي من الشكل البلاستك لملابس الاطفال

وهذا استاند للفوط حلو وذرب بس للاطفال وللاستخدام الخاص لانه الضيف ما راح يستخدم الفوط راح يستخدم الكلينكس احسن وانظف وحمايه لج ولاطفالج

طبعا الستاره راح تي مع الطقم

بس ياليت تكون وحده للبانيو وحده لدريشه الحمام

وهم عندج الفازات لازم يكون في لمسه فنيه
مثل جذي

او

وعندح هم المرايا ياريت تشترين مرايا تكون طويله
مثل جذي

موجودين بلوازم العائله لي بجمعية السالميه
او جذي

بس ثبتيها بطوفه احسن علشان الاطفال ما يطيحونها

وبس
​

 

[ريحانة الجنوب]

احمر جوري افكااااارك عجيبه استفدت منها مشكورة ويعطيك العافية حبيبتي :eh_s(15):​

 

[أحمرجوري]

العفو ماسويني شي

 

[ام سعودي]

حبايبي ماقصرتو
أحمر جوري بعد عمري ماقصرتي وعادي الغساله فيه وبرايج احط على اشكال اطفال ولا عادي؟؟؟؟
وبحاول اصوره ان شاء الله لانه بويه الباب على طول

 

[أحمرجوري]

حبايبي ماقصرتو
أحمر جوري بعد عمري ماقصرتي وعادي الغساله فيه وبرايج احط على اشكال اطفال ولا عادي؟؟؟؟
وبحاول اصوره ان شاء الله لانه بويه الباب على طول

حبيبتي ام سعود عادي تحطين الغساله واستغلي الغساله وسوي عليها ديكورات مثل
تلبسينهم
مفرش او غطا
تحميها اولا وثانيا تعطيج شكل حلو للغساله

​

وهذي الصوره للغساله العاديه

وهني مسويه البرده وغطاء الغساله من نفس الون والخامه بس الصراحه ذوقها
يفشل بس بوريج علشان تاخذين فكره

وسوالج عن حمامات في اشكال ورسومات للاطفال لا
ما اعتقد لانه الحمام راح يكون مشترك بين عيالج والضيوف

وبس
​

 

[أحمرجوري]

وعن نفسي انا انا حاطه غسالتي بالمطبخ

 

[قمر بيت أبوها]

والله السجاد بالحمام تزيد القرف اطفال وماء ورطوبه بالعكس جراثيم وروائح
المفروض تحطين عطورات بالحمام ومنظفات مو مضره يعني فلاش وكلوركس ممنوع لناس اللي اطفالهم يدخلون حمام
وفيه هالاشياء
وجيبي شطاف الوضوء واخلطي ماء وديتول وعلمي عيالك اذا خلصوا وغسلوا بالماء يرشون منه علي الافرنجي ولا الحمام العربي ولا تنسين شفاط التهويه خليه علي طول شغال ولما يخلص الطفل يغسل ايده بصابون ويمسح بمنديل
ويرش عطر ويطلع
والملابس جبي سله منظرها من برا خشب بس من داخل حطي كيس عشان ملابسهم ماتاخذ الروائح
وانتي كل يوم تغسلين الحمام بالمنظفات كلوركس والللي تبين وبس
وخصصي شبب لهم بس للحمام وحطي تحته سجاد وكل اسبوع طلعيها واغلسيها وحطي غيرها
هذا نظامنا احنا والحمام مرتب وريحته نظافه مااحد يشكي منه بالعكس الكل يسالنا عن طريقتنا

 

[ام سعودي]

حبايبي ما قصرتو صج يعطيكم العافية
وان شاءالله بطيق افكاركم