- إنضم
- 30 نوفمبر 2009
- المشاركات
- 7,774
- مستوى التفاعل
- 30
- النقاط
- 0
- الإقامة
- عـ♥ـالمي الخـ♥ـاص
- الموقع الالكتروني
- www.mybeautybar.net
هاي بنوتااات [url=http://www.redcodevb.com/smiles/]
[/URL]شلونكم عساكم بخير ,,
بحطلكم أكثر الحمر اللي هابه فيهم بهالفتره ومعتمدتهم بأغلب لوكاتي ,,
انشالله يعجبونكم ,,
[url=http://www.redcodevb.com/smiles/]
[/URL]نبتدي
بسم الله ,, ماشالله ,,
( ملاحظه كل الحمر حاطه فوقهم غلوس شفاااااااف عشان مااحب الحمر الــ matte )
أول حمره من محل ( مكياجي ) ماركة ( minx ) عباره عن قلم ,, شنو هالنوعيه عجيبه عجيبه ودي اروح اخمط باجي الألوان ,, لونها بنفسجي هااادي حيل ينفع حق الصبح ورقمها 10 واسم الدرجه poppy
ثاني حمره من ماركة ( Revlon ) يهبلون حمر هالماركه ,, الحمره لونها برتقالي بس مو فاقع لا هادي حيل ويصلح حق السموكي آيز اللي بتدرجات البني ,, ورقمها 225 ونوعها كريميه
ثالث حمره من ماركة ( Rimmel ) الكل يحب حمر ريميل ليش سعرهم رخيص وجودتهم عاليه وكل الألون متوفره ,,
هالحمره من كثر ماأحبها مخلصتها لونها وردي غامج بس حلووو ورقمها 040 ( ريحتها نعناع وتقرص أول مااحطها اعتقد فيها نسبة نفخ لان صج احس من احطها شفايفي اكبر يصيرون )
رابع حمره من ماركتي المفضله ( NYX ) وتلاقون هالماركه ( بجميع أفرع سنتر بوينت ) شنو عليهم حمر غرامي حمرهم واستانست وايد لما بطلوا الماركه عندنا وهم احب غلوسات هالماركه ,,
لون الحمره وردي على نيود حيل هااادي وووايد احبها لي درجه اني كل مااطلع احطهااا اموت عليها حسافه بتخلص والحين غيروا شكل الحمر يابوا الشكل اليديد المهم الحمره حيل تصلح للطلعات الصباحيه رقمها 608 واحط فوقها غلوس مثل لونها اينن اسمه miami babe
خامس حمره من ( lancome ) لونها برتقالي وفيها غلتر ذهبي خفيف حيل يعطي امتلاء حق الشفايف تصلح حق الشتااا وايد بيجمنتد بسرعه تخط وماتروح وماتتشقق يعني صج سعرها فيها ( سعر حمر لانكوم 13 دينار ) رقمها 358
صوره ثانيه عشان تشوفون الغلتر الخفيف اللي فيهااا ,,
سادس حمره من ماركة ( benefit ) لونها بنفسجي غامج بس مادري ليش مع التصوير والفلاش تصير فاتحه ,, حيل حلوه واسمها no competition
تاابع لحد يرد بليز ,,
![*[Be_True]*](/data/avatars/m/102/102826.jpg?1621061052){kind=avatar}
