السلام عليكم ورحمة الله وبركاااته
((الحمدلله الذي اطعمني هذا الطعام ورزقنيه من غير حول مني ولاا قوة))
تستااهلين يا زبدة ككاومايصير خاطرج الا طيب
هني بأحد مواضيعي يوم طلبتي مني
((عجيبة عـــاد ريلي غرامة الحمسســِات بسس يااريت لو حاطة لنا حمسة ربيان من ايدك العسسل))
وتصادف اني كنت مجهزة هالصور قبل مده ومانزلتهم
وطلبج ذكرني فيهم
وقلت يااغااليه والطلب رخيييييص :aha:
تفضلواا حبيبااتي نبلش،،،
نغسل الربيان عدل وننقعه بملح وليمون وشوية طحين عشان تروح اي زفره اذا فيه وطبعا يكون منظف ومشيول الخيط الاسود الي بظهره.
نفوح الربيان بماي وبهارات عدله مسمار ودارسين وجم حبة هيل نص استواء
وعقب نشيله ونحطه بجدر مع زيت وملعقتين كبارمعجون طماط وشوية فلفل اسود ..ونبي من هالعمليه انه يكتسب اللون الاحمر المتحمش..ونحرك عدل ونحمس ليما يتشرب الربيان الخلطه وياخذ اللون ونطلعه على صوب.
نحمس بالزيت بجدر ولا مقلاة كبيره بصل مفروم ولا تحمر البصل زدنا عليه زنجبيل كميه زينه وثوم مدقوق
ونحمس بسرعه عشان مايحترق الثوم وعقب لا استوت الحمسه وطلعت ريحتها نضيف كيس خضاار مثلج
نكون مطلعينه من الفريزر قبلها بمده وفاك الثلج عنه.
نحمس عدل ونضيف نص ملعقة بهارات مشكله ونص ملعقه كركم ونص ملعقه كمون مطحون ونص ملعقه كزبره ناشفه ونص ملعقة هيل مطحون ومكعب ماجي ..وملعقة الاكل اقصد فيها الكبيره
عقب لاشفنا حمسة البصل والخضار تمازجت عدل نضيف الربيان الي حمشناه وحمرناه بالجدر على هالخلطه ونحرك ونحمس بخفه وعقب نضيف حوالي قلاص ونص ماي على الحمسه ونسكر الجدر ونخليها تتسبك على راحتها على نار هااديه.وتجيكين على الربيان اذا خالص عليج بالف عااافيه،،،
:rerrerek:وتفضلوواا الريحه والطعم عجييييبن:rerrerek:
