اهوا الي مخرب علي وبإذن الله بحاول اسوي رياضة البطن بالتدريج ومفكرة امشي ساعة زمن بالحديقة العامة بالمنطقة بعد صلاة التراويح < الكلام برمضان إن شاءالله الله يبلغنا هالشهر ...
السلام عليكم ورحمة الله وبركاته ,,,
شلونكم يالغوالي؟ يعطيج العافية سويتية وهموسة على الموضوع الطيب,,,,,
راح اقولكم الجدول بإختصار :
بالنسبة للعبادة في رمضان هالشهر المبارك اعاده الله علينا وعليكم كل عام بصحة وعافية
حاطة فبالي بإذن الله اختم ختمتين للقرآن الكريم
واواضب على صلاة الضحى
والسنن
واذكار الصباح والمساء
وترطيب اللسان بذكر الله عز وجل بإذن الله راح تكون عادة ماتقتصر على رمضان بس وخلونا نقول رمضان هالسنه غير عن اي رمضان ..
وهم صلاة التراويح ,,,
والأعمال الخيرية ....... واذا استحضرت شغلة نسيتها برجع للموضوع واكتبها
بالنسبة للعناية بالجسم والبشرة :
انا جسمي عاجبني بس المشكلة عندي بالبطن
وانا خالطة بعلبة عندي : زنجبيل بودر وزعتر ومرمية احب اشربهم ...ولكل واحد منهم فوائده
الشعر: احط الخلطة العجيبة حطيتها مرة اول امس بس يابناااات ريحتها ماتفج !!! غسلت كذا مرة انتو نفسي ولا بس انا جذي!! فيدوني << ضرووووري...
واحط تونك فازلين حلووو وايد انصحكم فيه
ومفكرة اسوي ماي : اكليل الجبل والآس .. بإذن الله
الجسم : مسوية خلطة صابونية توني مجربتها تهببببببل سمبل ومافيها دثرة وايد حبيتها حيل من اول استخدام
وارطب جسمي بزيت الخروع قبل الشور ومرات زيت اللوز المر
والركبة والأكواع احب ارطبهم لان الترطيب مهم عشان لا تكون هالمناطق الحساسة جافة والجفاف اهوا الي يسوي اسمرار بالجلد < حسب مافهمت وعرفت ...
وهم احب صابونة الغار بزيت الزيتون انصحكم فيها تشوووق ..
والويه: احط ماسك حليب بودر .. ماسك العسل .. واغسل بغسول كلين اند كلير يتحكم باللمعان ..واستعمل اسكينول بالبابايا ..
هذا المختصر المفيد والتفاصيل تأتيكم بإذن الله ...
مرحبا بنات :eh_s(8)::eh_s(2):
بالنسبة للبرنامج اللي متبعته
اغسل ويهي بصابونة الكركم
و شارية مستحضرات يديدة من بوبل سبا ( غسول + تونك + مرطب باللولو ) و ببدي استعملهم انشالله ــــــــ > كشخة :sfg:
و بالليل لما بنتي تنام اسم الله عليها احط ماسك حق ويهي
استعمل حالبا عطر جفنشي ( اورغنزا ) مع اللوشن تبعه
و بالنسبو للسباحة عندي صوابين طبيعية تينن من محل ( خان الصابون ) زوجي الله يحفظه يايبلي من البحرين ــــــــ> يدري احب هالسوااف
و كل يوم الصبح بادية اشرب حليب الصويا ( الله يتمم علي ) :yaaaaaarb:
بس شعري توني مسويتله يوكو الجذور ممتازة بس باجي الشعر محترق مادري شسوي ماني عارفة برنامج العناية اللي اتبعه حق شعري خصوصا انه الحين حيل ناشف و باهت و محترق
