حملة(التوكل وحسن الظن بالله)

[الصابرة المحتسبة]

السلام عليكم​

شلونكم عساكم بخير​

مشكلتي اني ما اعرف اصفصف الحجي​

والتزخرف بالمواضيع​

فالسموحة لي دشيت عليكم بشكل عفوي​

يعل ربي يخليكم​

موضوعنا موضوع حلو وكله تفاؤل وأمل​

صدقوني لي جربتوه راح تحسون براحة​

عجيبة لو انتوا بضيقة لا سمح الله او تكدر​

او ما صار اللي في بالج​

او ,,,أو,,,أو اللي يكون​

هالحملة (التوكل وحسن الظن بالله)​

شلون؟؟؟​

- أسوي اللي علي وتوكل على الله سبحانه هو المدبر.​

- ماصار شي كنت ابيه يمكن ربي يبيلي الأحسن​

او خاشلي شي اكبر وأونس.​

- صار شي يضيق الخلق أصبر وأحتسب يمكن ربي يبي يجرب صبري.​

- ضاع مني شي ما أتكدر أفوض أمري لله سبحانه هو العليم الخبير البصير.​

- كل يوم أقعد الصبح لو شنو النفسية أقول في نفسي: اللهم لا أحسن تدبير أمري فأحسن تدبيري.​

اللهم اني عجلت امري اليك.​

- اللهم اني توكلت عليك.​

جربوها وصدقوني بتحسون بشي عجيب غريب.​

شاركوني بالحملة وكثر ماتقدرون كتبوا اللي صار لكم.​

مثال موقف صار لي : كنت ناطرة شغلة مهمة​

توكلت على الله ودعيت له ماطاف اليوم الا تلفون واصلني.​

مواقف لبعض الناس على لسان الشيخ الفاضل ​

الخراز:​

-معلمة تعيين جديد الدوام ماخيروها ولا حطوها بالمرحلة اللي تبيها ما احتجت ولا تكلمت بس توكلت على الرحمن وبعد اسبوع عطوها المرحلة اللي تبيها.​

- وحدة ناطرة شغلة ضرورية نامت وهي متأملة بالله سبحانه ومتوكلة بان راح يصير الشي​

والساعة 8 اتصلوا عليها وبشروها بالوظيفة.​

التوكل شي عظيم.​

يلا شدوا الهمة وتوكلوا على الله سبحانه.​

 

[ام دليار]

مشكورة على الموضوع المميز
ناطرة ربي يرزقني الذرية الصالحة ولايوم حسيت أنو ربي ماراح يرزقني
دايما متفائلة

الله يوفقك يارب

 

[є 3 τ и α q]

دآئم لله الحمد محسنين الظن في الله
ومتوكلين على الله بكل شي


/

في ناس الله المستعان تجزع وتعترض
مع ان الخيره لله ..



كنت ناطره من الله يحل لي مشكلة ..
استمرت 4 سنوات او 5 .. وكنت محسنه الظن
ومتوكله على الله وحاطه في بالي انه مصيرها يوم تنحل


ولله الحمد مع الصبر واحتساب الاجر .. وحسن الظن بَ الله
ربي فرجها علي .. وانحلت بشكل مَ توقعته

شكرت ربي كثير .. وحمدلله صبري فآدني بَ النهايه


/


الله يجزآك خير ويجعل من اسمك نصيب لك يَ رب
موفقه لكل خير يَ الغاليه ..


آحترامي لك ..

 

[أغداً القاك]

خوووووووووش حملة يزاج الله خير حبيبتي
صح احنا ناس مؤمنين لكن مرات تحوشنا حالة كآبة ويأس
مو يأس من الله سبحانه وتعالى .. لكن الظروف تكون صعبة
وفعلاً محتاجين تشجيع وتذكير ونصبر بعض
وان شاءالله تكون هالحملة في ميزان حسناتج
وان شاءالله فرج رب العالمين قريب​

 

[نهى الأحمد]

يا هلا وغلا باختنا الغاليه الصابره

منوره القسم بكلامج الطيب اللي يدش القلب من دون استئذان


ماكو احسن وافضل من حسن الظن بالله

والفرج رح يجي في يوم من الايام دام موكلين امرنا له في كل امور حياتنا


أطلب من الله انه يشافي كل مريض ويفرجها على الجميع ويرزقني بالزوج الصالح
ويرزق كل بنات المسلمين ويرزق كل ام تبي الضنا بالذرية الصالحة



ولازم الانسان يقول الحمدالله في كل وقت


موضوع مميز من انسانه قلبها كبير

 

[manoooram]

خوش موضوع الله يعطيج العافيه ويكون بميزان حسناتج يا قلبي تسلمين ماقصرتي
وحده من صديقاتي استنذل مسؤولي معاها بالدوام ان عطاها تقرير امتياز بس الاعمال الممتازة قالها انسيها بالمشمش
ومسكينة توكلت على الله واحتسبت الأجر عنده وان الله يعوضها خير
بعدها بفترة قصيره نزل اسمها ان انعطت لها درجة بالاختيار يا حياتي حيل فرحت لها لأنها تستاهل خوش بنيه

 

[Tulips]

الشيخ مشاري الخراز مسوي بتويتر حملة التوكل على الله

وشرح اشلون نتوكل على الله مو بس باللفظ لا عن طريق خطوات معينه

وماشالله في ناس وايد طبقت كلامه وقالو تجربتهم مع التوكل شي عجيب

http://twitter.com/#!/mesharialkharaz/favorites*

 

[PuPa^^SWeeT]

حلوو موضوعج


يعطيج العافية

 

[قطوووة]

الؤاحد لما يبرمج مخه ان كل شي مكتؤب
ؤان في اشياء تصير له ممكن مايحبها .. لكن تكؤن خيرة

جان احنا بخير

عمؤما انا احاؤل دايما اشؤف الامؤر من زاؤية ايجابية

 

[ترانيم القصيم]

خاااااالتي الغاااااااااااااااااااااليــة ( الصابرة المحتسبة )

مدري أناديج خالتي و إلا أميمتي ؟ أنتِ اختاري ^^ طبعًا هذا من زود حبي لج .. حتّى إني أتحجّى بلهجتج فديتج

ما قصرتِ ع الموضوع الحلو يا الحبيبة يا الطيبة ,,

بخصوص الموقف :

كانت على لساني كلمة حق و كنت خايفة أقولها لأن ممكن تترتب عليها مصيبة

و توكّلت على الله و قلتها ,, و لا صارت مصيبة و لا شي ,, ربّي نجّاني من الهم آللي كنت شايلته

و غير كذا ( الشيطان الرجيم و العياذ بالله منه ) كان مصعّبها علي و يوسوس في صدري و يحضّر الإحتمالات الشينة في عقلي حتّى أمتنع عن الصّدوع بالحق ..

حسبنا الله و نعم الوكيل .. أعاننا الله و إياكم على شياطين الجن و الإنس ..

و أشياء كثيرة توكّلت فيها على ربي توكّل ( قلبي يقيني ) تعرفون وش معنى ( يقيني ) ؟ يعني بكل ثقة و صدق و يقين

و تحطّين في بالك يا أختي المسلمة ( أيش ما كنتِ و كلامي للجميع ) إن أي شي يصير لك سواءًا خير أو شر فهو من تدبير الحكم العزيز .. و هو أعلم منك بمصلحتك

حتّى لو قدّر لك شرًا فهناك ثمّة خيرٍ و ستلتمسينه و لو بعد حيـــــــــــــن .. مُحالٌ أن يكتب الله لكِ شرًا محضًا !!

التوكل مهوب بس مفهوم عابر تمررينه على عقلك أو ذكر تردّدينه على لسانك !!

التوكّل استوعبيه بمجامع قلبك و عقلك و لسانك حتّى تقدرين إنك تحققيـنه على أكمل و أتم صورة !

بارك الله فيكن ,,

و يا ليت الموضوع يتثبّت و يتفعّل على كبر المنتدى ,,

و لا تنسون حبايب قلبي إن المتوكّلون على الله يدخلون الجنة من دون حساب :

روى الإمام البخاري رحمه الله تعالى في صحيحه عن ابن عباس رضي الله عنهما عن النبي صلى الله عليه وسلم قال :

"عُرِضَتْ عَلَيَّ الأُمَمُ فَجَعَلَ النَّبِيُّ وَالنَّبِيَّانِ يَمُرُّونَ مَعَهُمْ الرَّهْطُ وَالنَّبِيُّ لَيْسَ مَعَهُ أَحَدٌ حَتَّى رُفِعَ لِي سَوَادٌ عَظِيمٌ قُلْتُ مَا هَذَا ؟

أُمَّتِي هَذِهِ ؟ قِيلَ بَلْ هَذَا مُوسَى وَقَوْمُهُ ، قِيلَ انْظُرْ إِلَى الأُفُقِ فَإِذَا سَوَادٌ يَمْلأُ الأُفُقَ ثُمَّ قِيلَ لِي انْظُرْ هَا هُنَا وَهَا هُنَا فِي آفَاقِ السَّمَاءِ

فَإِذَا سَوَادٌ قَدْ مَلأَ الأُفُقَ قِيلَ هَذِهِ أُمَّتُكَ وَيَدْخُلُ الْجَنَّةَ مِنْ هَؤُلاءِ سَبْعُونَ أَلْفًا بِغَيْرِ حِسَابٍ

ثُمَّ دَخَلَ وَلَمْ يُبَيِّنْ لَهُمْ فَأَفَاضَ الْقَوْمُ وَقَالُوا نَحْنُ الَّذِينَ آمَنَّا بِاللَّهِ وَاتَّبَعْنَا رَسُولَهُ فَنَحْنُ هُمْ أَوْ أَوْلادُنَا الَّذِينَ وُلِدُوا فِي الإِسْلامِ

فَإِنَّا وُلِدْنَا فِي الْجَاهِلِيَّةِ ؟ فَبَلَغَ النَّبِيَّ صَلَّى اللَّهُ عَلَيْهِ وَسَلَّمَ فَخَرَجَ فَقَالَ :

هُمْ الَّذِينَ لا يَسْتَرْقُونَ وَلا يَتَطَيَّرُونَ وَلا يَكْتَوُونَ وَعَلَى رَبِّهِمْ يَتَوَكَّلُونَ .. ". رواه البخاري 5270

و معنى لا يسترقون ( أي لا يطلبون رقية أحد لهم )

مثلاً لنفرض أني مريضة ( فيني عين أو مس أو سحر ) ,, أقوم أرقي نفسي بنفسي ما أروح أسترقي ( يعني أطلب من شيخ إنوهـ يرقيني و هكذا )

باااااااااااااااارك الله فيكن

احترامي و تقديري

ترانيم القصيم

 

[طهر.!]

موضوع يثلج الصـدر
كنت متآبعه لـ نفس الحمله مع الشيخ مشآري الخرآز
وكنت حآبه اسوي قروب لي ولصديقاتي وهو قروب ديني بس كنت متردده ومتخوفه
وتوكلت على ربي وفعلا سويت القروب وكل اسبوع لنـآ موضوع نتكلم عنه وياربي لك الحمد والمنه تغيرت حيآتي بفضل التوكل
يكفي الراحه النفسيه اللي تحسين فيه ويكفي انج تكونين واثقه برب العباد لما تتوكلين عليه بامورج
ومن توكل عليه فهو حسـبه
بنآت اذا توكلتوا بأمر معين وماحدث بفتره قصيره لا تيأسون يمكن ربي بيأخـر حدوثه لـ مصلحتكم او يكون شـر لج وانتي مآتدرين ويصرفه عنج

والله والله بالتوكـل رآحـه نفسيه عجيبه .. مسكين اللي مـآيحس فيهآ

الله يجعنـآ واياكم من الذين يتلذذون ويستشعرون راحة التوكل والعبـآده

/

شـكرآ لـج صآحبة الموضوع :eh_s(7):
وأكـيد أنا من المشتركين بحملتج

 

[دلوعة أبوهآ]

موضوعك رائعٌ ..
التوكل وحسن الظن بالله يعطي الانسان شعور بالراحه
وإن رزقه محد راح ياخذه غيره ..

فَ لما أوكل امري لله يعني بآكون متطمنه انه كل شي بيجيني خيره من الله

 

[@أجمل سنيني @]

موضوع رائع بارك الله فيج ....

 

[نهى الأحمد]

رفع

 

[الصابرة المحتسبة]

مشكورة على الموضوع المميز
ناطرة ربي يرزقني الذرية الصالحة ولايوم حسيت أنو ربي ماراح يرزقني
دايما متفائلة

الله يوفقك يارب

العفو ياقلبي:eh_s(17):

وبارك الله فيج ويعل ربي يثبتج ويرزقج بالضنى اللهم آمين سبحانه يقول كن فيكون.

 

[الصابرة المحتسبة]

دآئم لله الحمد محسنين الظن في الله
ومتوكلين على الله بكل شي


/

في ناس الله المستعان تجزع وتعترض
مع ان الخيره لله ..



كنت ناطره من الله يحل لي مشكلة ..
استمرت 4 سنوات او 5 .. وكنت محسنه الظن
ومتوكله على الله وحاطه في بالي انه مصيرها يوم تنحل


ولله الحمد مع الصبر واحتساب الاجر .. وحسن الظن بَ الله
ربي فرجها علي .. وانحلت بشكل مَ توقعته

شكرت ربي كثير .. وحمدلله صبري فآدني بَ النهايه


/


الله يجزآك خير ويجعل من اسمك نصيب لك يَ رب
موفقه لكل خير يَ الغاليه ..


آحترامي لك ..

الحمدلله لله الفضل والمنه

وعسى ربي يزيدج من خيره ووفقج ويستر عليج:yaaaaaarb:

 

[الصابرة المحتسبة]

خوووووووووش حملة يزاج الله خير حبيبتي

صح احنا ناس مؤمنين لكن مرات تحوشنا حالة كآبة ويأس
مو يأس من الله سبحانه وتعالى .. لكن الظروف تكون صعبة
وفعلاً محتاجين تشجيع وتذكير ونصبر بعض
وان شاءالله تكون هالحملة في ميزان حسناتج

وان شاءالله فرج رب العالمين قريب​

بارك الله فيج:eh_s(17):

وكلامج صح واحنا محتاجين نذكر بعضنا البعض ويارب يسهل الأمور ويسمح الدروب

 

[الصابرة المحتسبة]

يا هلا وغلا باختنا الغاليه الصابره

منوره القسم بكلامج الطيب اللي يدش القلب من دون استئذان


ماكو احسن وافضل من حسن الظن بالله

والفرج رح يجي في يوم من الايام دام موكلين امرنا له في كل امور حياتنا


أطلب من الله انه يشافي كل مريض ويفرجها على الجميع ويرزقني بالزوج الصالح
ويرزق كل بنات المسلمين ويرزق كل ام تبي الضنا بالذرية الصالحة



ولازم الانسان يقول الحمدالله في كل وقت


موضوع مميز من انسانه قلبها كبير

هلا نهوووي:eh_s(17):

ماشاءالله عليج مبدعة ومتميزة وخلوقة

أتمنى لج التوفيق وأسأل الله لج الزوج الصالح

 

[الصابرة المحتسبة]

خوش موضوع الله يعطيج العافيه ويكون بميزان حسناتج يا قلبي تسلمين ماقصرتي
وحده من صديقاتي استنذل مسؤولي معاها بالدوام ان عطاها تقرير امتياز بس الاعمال الممتازة قالها انسيها بالمشمش
ومسكينة توكلت على الله واحتسبت الأجر عنده وان الله يعوضها خير
بعدها بفترة قصيره نزل اسمها ان انعطت لها درجة بالاختيار يا حياتي حيل فرحت لها لأنها تستاهل خوش بنيه

يعافيج ربي ويسلمج:eh_s(17):

وماكو أحلى من التوكل وحسن الظن الله نتايجه عظيمة بالصبر والإحتساب.

 

[الصابرة المحتسبة]

الشيخ مشاري الخراز مسوي بتويتر حملة التوكل على الله

وشرح اشلون نتوكل على الله مو بس باللفظ لا عن طريق خطوات معينه

وماشالله في ناس وايد طبقت كلامه وقالو تجربتهم مع التوكل شي عجيب

http://twitter.com/#!/mesharialkharaz/favorites*

هلا ياقلبي:eh_s(17):

صاجة وانا من المتابعين له وحبيت أنشر هالحملة لأنها صج نتفعنا.