حملة الجَمَآلْ والعِنَايَة والإهْتِمامْ [ للحوامل ]

[Ghaima]

السلام عليكم ورحمة الله وبركاته

:


يا قلبي على القسم هذا من زمان عنكم :eh_s(17):

بنات بداية إن شاء الله يكون هذا الموضوع يفيد كروشات ونفوسات . .

وقبل كل شيء ..

بنصحكم نصيحة يالحوامل :

إياكم تهملون نفسكم أبدا أبدا . . بالعكس فترة الحمل هذي فرصة جمالية

وبصراحة أنا حسيت إني أهملت نفسي حيل يوم كنت بجر واللي يشوف جسمي الحين يقول عمري مو

بالعشرين وشكلي يبت يهال وايد ، وانا عندي بس بنوتة !

الناس ينصدمون لمن اقول لهم عمري 21 حتى لمن اروح صالون ينصدمون .. !

ويهي تعبان مصوفر ، وجسمي خرايط العالم ، وحبوب بجسمي قامت تطلع ،

صج طحيت 15 كيلو اللي زدتهم فترة الحمال ( خلال 3 اشهر او اكثر شوي )

.. بس ما في ويهي نضارة ولا فيني قوة واخترب جسمي كله !

كل هذا عدم اهتمام .. أهملت نفسي حيل يوم حملي !

وعقب الأربعين ، تبوني اعتني وانا ما تعودت على العناية ؟؟

طبيعي لا !

مجرد ادوية النفاس والسبوح العادي مرة اتفرك مرة ابي اخلص وبس !


مابي أضيق خلقكم .. لا حشا !!

بس اهتموا تكفون لا تصيرون مثلي

وتندمون تندمون تندمون !

اعتبروني إختكم ناصحة لكم !

قبل جسمي شحلاته ويضرب فيه المثل الحين اصلا محد يطالع فيني !!!


المهم ، حبيت أشد الهمة !

وأشد همتكم واياي ،

وحبيت نكون قروب ، نساعد بعضنا ونهتم ..

وكل وحده نبيها تشاركنا تتمنى الخير لغيرها ..

ما نبي حسد كافي اللي صار لنا ، واذكروا دائما وأبدا :eh_s(22):
:

بنزل جدول عناية لمن أكمله قاعده اجمعه وبرتبه وبنزله ..


السؤال المطروح : منو تبي تكون معاي بالحملة !

ودائما كثروا الاستغفار :eh_s(17):


​

 

[M!SS.LOBY]

شكرا للأفادة

 

[You FOR Me Only]

ماقصرتي فديتج على الموضوع ودي انضم معاج بس احس اني كسوله يمكن لين خفت النساه بطبق جدولج

 

[ام يوسف السعد]

انا حبيبتى بديت الحملة على شعرىى ويهى بس الحمد لله فرق معاى بكتبلج شنو حطيت

 

[ام يوسف السعد]

انا شعرى مع الحمال صار شعرى خشن ويتساقط وناااشف


فبديت بالامور الطبيعية


مثلا يوم وترك احط هالامور


--- عسل وروب
----- زيت زيتون

------مايونيز
--------واهم شي الزعتر تلغينة وتحطينة على فروة الراس لانها تمنع تساقط الشعر

------------- اى زيت للشعر

ولاحظت من اول اسبوع قل التساقط وصار شعري يلمع وناعم


ولى يتي تتسبيحين تسبحى بشامبو طبيعي ويومين بالاسبوع سوى حمام زيييت وربي يحقق اللى بالكم

 

[ام يوسف السعد]

طبعا الوية صاير مع الحمال ناشف

فبديت بالامور الطبيعية


يوم حطوا عسل ورووب ماااااااااااااسك
يوم قفشة حليب سائل وقفشة حليب ناشف وقفشة ماى ورد
قفشة ماى ورد وقفشة نشا
وبطاط مهروس سووة مثل الماسك


صج ويهي والفضل لله بدا يلمع واحسة نظييف

 

[ام يوسف السعد]

وان شاء الله اكووون فدتكم

 

[Umzayooon]

اي والله صج يبيلنا حملة للاهتمام

انا تو خافه نساتي وردي ابدي من الحين انا ادهب جسمي بزيت زيتون قبل النوم والصبح اسبح وادهن بكريم ٢١
اتصدقون احس بدا يفتح المناطق السوده


مادري من الزيت او الكريم بس الاكيد بستمر عليهم انشالله

 

[ام غازي 2012]

Up up up

 

[^_^يالي احبه^_^]

وياااكم

 

[@ براءة طفوله @]

ويآكم ٱنـَا بعد ..
انا شعري صار فيه قشره و بشرتي صار فيها بقع خفيفه بنيه
و رقبتي و يديني صارت سوده و جسمي صار فيه تشققات صوب البطن خطوط حمرا
و لم اسال اي احد يقولي عادي هذي من الحمال بعدين تروح

و قمت اوسوس عشان زياده الوزن وزني صار 58 زدت يمكن 3 كيلو وانا الحين بالسادس الله يستر اذا دخلت التاسع جم بيصير

:eh_s(2)::eh_s(16):

 

[شغب أنثى]

انا وياك عمري
ماتدري قد ايش محتاجه لها الموضوع جسمي وبشرتي مع الحمل معدووووووم مرة لدرجه استحي اطلع في نفسي سمرت وحبوب وكلف وكله
ابغى ابداء اهتم من دحين بس محتاجه حد يحمسني
اي وحدة استخدمت خلطه مجربه ومضمونه وماتضر ياليت تقولنا

ومشكووووورة حياتو ع هالموضوع

 

[ام يوسف السعد]

مدحولى صابونة الكركم والمرة من الحوااوى تبيض وتنعم البشرة وتصفيها حبيت افيدكم وان شاء الل اجربا

 

[ام يوسف السعد]

ان شاء الله

 

[روعة خيال]

معاكم عاد حيل اهملت بعمري و اليوم بلشت رجيم حوامل

 

[قـــمـــرهم]

وييييييي

انا زين اتسبح ):

سبوووح اسرع سريع ):

 

[Ghaima]

:eh_s(21): أهلين كروشاتي . .

أوكي / بنات حابة أوضح شغلة بسيطة

[ كل وحده تنزل جدولها للعناية وتحط المشاكل اللي تعاني منها أو تبي تتحاشاها مثلا الخطوط والسمار]

الجدول اللي بحطه راح يكون مناسب لي وللمشاكل اللي اعاني منها وابي اتخلص منها ..

وللحين ما جهز لأن قاعده أدور اللي يناسبني وبجربه [ لأني ما جربت شي !]

ان شاء الله يوم بالكثير يجهز

ادعوا لي خدامتي توصل بسرعه <---------

 

[لذة الطاعة.]

قووة كروشات

انا عن نفسي هذا ثالث حمال لي وعمري 23 وهذا جدولي للعنايه بنفسي خفييف ومومتعب وسهل ومعتمدته طوول الفترة سواء كنت حامل نفاس ولا الايام العاديه
وشرط بيخلييج ورررده. ...
و24ساعه بتجابلين المنظره
خخخ المهم. ..انا مسويه لي غسول وحاطته بعلبه بالحمام كل ما توضييت فركت وغسلت ايديني فيه والله يابناات يخلي ايدج نعوومة
وبياض موطبيعي. ...
اللي اهو ..علبة سنفرة مشمش اخلطها ويا علبة جلسوليد وعلبة فازلين ..وبس واسنفر ايدي منها اكثر من خمس مرات كل مادخلت الحمام كفي وذراعي لي الكوع
اما ريولي يوميا ادهنهم بجلسوليد والبس دلاق
وشعري مرتين بالاسبوع احط له زيت زيتون طبيعي
اما ويهي مرتين بالاسبوع احط له مااسك اللي اهو. ..قفشة حليب بودر الطوز وقفشة ماي ورد وقفشة كويكر. .روووعه
وادهنه قبل النوم بكريم 21عجيب واستخدم له صابونة رقي اذا بغسل المكياج وويت السبوح والصبح لاقعت اسنفره علي الخفيف بسفرة المشمش روووعه. .صفاء نعومة رطوبه حيوية والله عن تجربه من زمان
اما جسمي الله يسلمكم استخدم له خلطة بسيطه واعتمدها بالاسبوع من مرة الا ةلاث عادي كل ماصار لي مزاج دخلت الحماام ووتضبطت لدرجة ان زوجي ينبهر والله يقولي عروووس
انا قبل الحمال كنت استخدم الخلطه مع خيمة السونه لمدة ثلث ساعه عقب اتفرك منها بليفة المغربيه وصابونة الرقي وعقب بالليفه الناعمة مالت بدي شوب وجيل شور اللي يعجبني مرة كريمي مرو تفاح مرة فراوله علي الريحه اللي تبينه وبما اني حامل فاحط الجهاز بروحه بالحمام واسكر الشفاط واخلي الحمام يمتلي بخار وادخل اتدهن واقعد ربع ساعه واتفرك عادي
واستخدم شامبو هيملايا رووووعه. انا جرربت شامبوات واايد وهذا حييل عجبني. انا ما استخدم بلسم شعري ولله الحمد ناعم وما احب اصبغه عشان مايخترب.
المهم يابنوتات لاخلصت سبووح اتنشف عدل واستخدم غسول بيبي جونسون مال الجسم مال اليهال للمنطقه الحساسه يهبل وينعم وقبل لا اشيل بالموس احط زيت بيبي جونسن عشان ما تنشف المنطقه والغسول يومي رووعه يرطب وينضف وريحة نظافه
لاطلعت من الحمام عقب التنشف احط مسك الجسم مال الغرشي علي الخلفيه وبين لفخوذ وتحت الصدر علي لضلوع وتحت لرقبة شوي والبس هدومي الداخليه وادهنهم بالورد الطائفي مال القرشي علي الستيان ولسليب وربي يابنات ريحة خيال والله جربي وشوفي شلون زوجج ماراح يفك عنج وبس يتلزق ولما تنزعين هدومج الريحه تهبل وريحة نظافه المهم ايدي ادهنها بكريم الايد من بيبي جونسن الناعم عجيب وريلي جلسوليد والبس دلاقي واحط كحله داخلي خفيف ومسكر وقلوس

واضبط خطت الحاجب والبس بيجامتي واحط هذا العطر الفرنسي اللي يخلي اللي يمر يمج مايدري يشم ريحة البيجامه الفايحه ولايطالع اللمعه اللي بالوه ولريقله يعني وربي بتطلعين عرووس كل يووم وعلي شهادة زوجي ^_^وربي لو ما احبكم وما ابيلكم الخير ماقلت لكم علي جدولي البسيط اللي بيخلييج. ورررده *_^وسلامتكم والحين بقولكم مكونات الخلطة اللي تتدهنين فيها قبل ااسبوح وتقعدين بالبخار شوي تري مولازم البخار بس عشان تكون النتيجه اسرع وبالحمام احسن عشان ريحتهت قويه تعطر الشقه فبالحمام احس من مرة الا كل يوم عااادي علي مزاجج انتي وخليها بعلبه وخليها بالحمام. .
علبة جلسوليد كامله كبيره
علبة ماي ورد كامله

علبة جلسرين سايل كامله
علبة كلوني ام البنت كاملخ
علبة ليمون مركز كامله
وبسوتقدرين كل ماقلت تزيدين عليها ولاتضاعفين الكميه علي راحتج. انتي

 

[لذة الطاعة.]

وبس وهذا جدول عنايتي اليومي والاسبوعي قرقت عليكم وايد
ما مابي منكم غير تدعون لي بالسهالات ويحفظ لي زوجي وعيالي

فدييتكم ويارب اكرن افدتكم. .


احبكم في الله

 

[كلي لحبيبي]

حبيباتي البجريات خصوصا نصيحه لوجه الله لاتهدون ترطيب بطونكم حتا لو فيها خطوووط
واذا مالكم خلق ترطبون اكثر من مره باليوم اخذو زبدة الشيا ودهنو فيها قبل النوم عجيييبه تقعدين لي اخر اليوم الثاني جسمج لين ورطب


طبعاً انا كنت بالتاسع حمالي الاول وشافت خالتي خطوط بطني وقالت ترا للحين يمدي بس استخدمي زبدة الشيا انا ماستغني عنها
عاد بحمالي هذا علاطول احطها وان شاء الله انها بتطلعني رووووعه :$


ودي احطلكم جدول عنايتي بس الكتابه من الفون متعبه


بس سجليني وياج :$