حملة تنظيف كبتات اليهال..حياك يا الام السنعه

[laura mercier]

السلام عليكم ورحمة الله وبركاته...







حملتي هدفها ترتيب الكبتات و الاستغناء عن الاشياء الي صغرت"كبابيس,دلاقات,داخليات,عزكم الله الجواتي"...وايضا ملابس الطلعه وملابس الشخصيات ...خواتي خلو الفقراء يستفيدون واحنا انتوسع....يالله منو ودها تبلش ؟؟؟ بس ها انت تكتين الكبت وتنظفينه بنابكن ديتول وتبدين تشخلينه...حبيباتي من غير الخدم ...بيتك عليه حق ....انتو راعيات البيوت والخدامات مجرد مساعده...ها بشرو منو بتشد حيلها ..؟؟...وكل مالقيتو شي اضحك كتبولنا يومياتكم:ggdw:

 

[laura mercier]

اشدعوه

 

[**(فـيـلا دانـتـيـل)**]

انا والله ودي ابلش انفظ الكبتات
خصوصا ان الشتااا خلص
الله يعيناااا
وعلى قولتج نعطي الفقارة من الفائض اللي عندنااا
الله لايغير عليناااا

 

[شيهانه.q8]

وانا بعد وياكم .......
إن شاء الله ببدي من يوم الجمعة ...

 

[دلوعه و لايق عليها]

الله خوش موضوع بتابعكم

و ما راح اقدر اشارك لان ما عندي يهال

ادعولي ان الله يرزقني بالذريه الصالحه

 

[laura mercier]

نبي اكثر امهات...نبي السنعات...الي يستغنون عن الخدامات...على الاقل في ترتيب الكبتات..:rerrerek:

 

[قـــمـــرهم]

انا بعد معااااكم بس ابي انظف كبتي وااااي شكثر الاغرااض

 

[laura mercier]

لا يوقف...لايوقف....عشان اعيالنا وازواجنا امانه...والمسلم ما يسكن ويصلي بمكان مو نظيف ولا مرتب....حياكم

 

[مزيونه وشقره]

:stars:
انا رتبت كبت عيالي

هدوم البيت في رف

البجامات في رف

الاندرويرات في الدرج

هدوم طلعه في رف

شريت صناديق صغيره لشباصات بنتي واكسسواراتها




ღღღღღღღღ

مع تحياتي ياحياتي

مزيونه وشقره
:stars:

 

[فطومه]

بعد قلبي احلى حمله ...كلج سنع والله.......انا معاج بس تدرين انا كل يوم اطل بكبت العيال ودايما مرتب شحليله ابى شى غلط مافيه منى منى مافى......مرتب ومصفف عدل مدل.......اللى اضفته حطيت فخارتين صغار كانو بناتي مشتغلينهم بايدهم حطيتهم داخل وحطيت داخلهم الاكسسوارات لما يفصخونهم على السريع مايقطونهم بكل مكان وانا احوس انا تالى اخذهم من الفخارتين واحطهم مكانهم....... وحطيت بعد داخل الكبت جيس صغير اخذته من دايسو معطر للكبت فيه منه عدة نكهات وريحته حلوه ............وسلامنج

 

[طير الحب]

هذا وقته صراحه عشان بدخل الشتوى ونطلع الصيفى ونصفى

كل دخلت فصل هذا شغلى اسوى جرد

انا كبتى خلص الفال لكباتت اليهال

 

[المهـــــــــــا]

انا الحمدلله تونى من يوميين مخلصه تعزيل البيت كله غرفتى غرفه عيالى والمطبخ حتى الحمامات سويتلهم جرد بس الصراحه طااااااااااااح حظى عظامى تفججت كل ما فينى يعورنى بس هم وانزاااح ........

 

["ليان"]

وانا وياكم بس لما يروح البرد عشان اشيل الشتوي كله واحط الصيفي ..............والترتيب حلو يابنات وبسوي حملة التنظيف بعد اسبوع او عشر ايام انشاءالله

وبالتوفيق

 

[سما الكويت]

وانا بعد ببلش تنظيف وجرد هالاسبوع..كلما طرت على السالفه جتنى النووووووومه..لوووووووووول..

 

[zalabia-n]

انا نظفت وعدلت كبت عيالي والملابس الي مابيها دقيت على اللجنة وخلال ساعة وخذوها وهذا رقمهم 66783887-66733077 دقي وقوليلهم عندي اغراض مابيها والباجي عليهم

 

[um hamed]

ان شالله ببلش هالاسبوع
ادعولي ابطل كسل :ch12:

 

[laura mercier]

ماشاء الله سنعات ... شدو الحيل... انا طلعت كتب ومجلات اشكثر بوديهم عياده احسنلي...ولا كبت ولدي كله العاب مكسره..غير اليونفرمات الخربانه...ومازال الترتيب مستمر....:eh_s(10):

 

[ريماا]

انا خلصت يمكن بكرة اصورلكم الكبت

 

[مــسـك]

هلا اخواتي

انا اليوم خلصت غرفة عيالي

بس بنتي جننتني انا اقط واهي تشيل وتبجي حقي

ليش تقطينه ماما

وانا شاءالله مو باقي الا الديباج اشوف شنو اللى مابيه

ودق على الخيريه تجي تاخذ الاغراض

بس الله يستر لا يرد البرد

وسلامتكم

 

[laura mercier]

مسك: الله يحفظ بنتك...بس حبيبتي رتبي لما تكون بالمدرسه او نايمه او خلي ابوها ايوديها الجمعيه..:eh_s(6): انا بس اشطب على كبتي بعد واحط لكم الصور................ لايوقف لايوقف:ggdw: