حملة رشاقة اقوى شي >>> ابي 3 بنات بس

[B7rainia]

وياج يارب اختي

 

[روان_الكويت]

موفقين يارب

 

[B7rainia]

مشكووورة روان

 

[B7rainia]

اكتب يومياتي حق روحي في هالموضوع خخخخ

غداي كان: روب وخيار طبعا الروب منزوع الدسم وفوقهم شويه فلفل اسود + سندويج اسمر مع جبن قليل الدسم وزعتر + عصير تفاح

 

[••SôFt G!rL‏‏ღ]

لووووووول. شفيج معصبة ههههههه

انا ماتريقت اليوم
وتغديت سلطة من نيثنس 

وبس
وييينكم بنااات

 

[اسرار الكون 92]

قوه بنوتات
بااركووووووووووووووولييييييييي نزلت كيلووووووووووو هياااااااااااا
اليوم غداي كان صدر دياي للاسف مقلي وو سلطه سيزر ميد ان بيتنا لوول بس


بس اليوم بليل معزومه عيد ميلاد بمطعم الله يستر

 

[B7rainia]

لالا مو معصبة خخخخخ بس نبي تشجيع اكثر

اسرار الكون مبروك النزول حبيبتي وعقبالنا كلنااا انا اليوم الصبح وقفت ع الميزان بس ثابت ماتغير

انا امس العصر مشيت 45 دقيقة وشربت كوفي 3 ان 1 والعشا خربطت فيه كليت سندويجة تكة لحم مع جبن حددددي احب هالمطعم ماقدرت اقاوم صراحة

بس اليوم بحترم روحي وماباكل شي بين الوجبات كلشششش وحتى الوجبات بحاول اخليها اوكي

ريوقي اليوم: كوفي 3 ان 1 مع حليب بوقوس لايت + تفاحة + توسته وحده مع لبنه بينار لايت وشويه زعتر

 

[B7rainia]

اي صج اسرار الكون قولي لنا شصار في العيدميلاد خخخخ جم قطعة كيك كلتي هع

 

[••SôFt G!rL‏‏ღ]

سلااام شلونكم شخباركم شمسوين 
انا اليوم تريقت حليب


وتغديت حمسة تونا وبصل وفجل + وسلطة

 

[••SôFt G!rL‏‏ღ]

بناات وييييييينكم

 

[اسرار الكون 92]

اي صج اسرار الكون قولي لنا شصار في العيدميلاد خخخخ جم قطعة كيك كلتي هع

كلييييت كيكة كاكاو
و حسيت اني خبصت شوي لوول

الله يستر شكله الكيلو الي نزل رديته

عاد اليوم بقولكم شنو كليت
4 حبات ورق عنب
و سلطه
و قطعه بيتزا و شووي برد برجيم

 

[••SôFt G!rL‏‏ღ]

اسرار الكون الورق عنب مايمتن ..؟!؟!

 

[B7rainia]

انا جفتكم مو ملتزمات قلت شكلهم تمللو ومايدشون على طول عشان جذي صرت ماكتب كل شي اول بأول خخخخخ

عموما اليوم كان ريوقي سندويج اسمر مع جبن قليل الدسم + جاي وحليب لايت وحطيت شكر شووي

والغدا كليت سلطة فيها وايد اشيه اكثر من كل مرة يعني فيها ذرة وزيتون وجبنه بيضة مادري هالاشيه تمتن او لا

وصراحة عقب الغدا كليت قطعة بستوق مع كاكو صغيرة عاد الحين بسد حلجي لي العشا باكل شي خفيف

المشكلة اليوم سويت عملية بسيطة في فخذي والدكتور قالي مابقدر اسوي رياضة اسبوع كامل

بس ان شاء الله مابخربط في الاكل عشان اعوووض

 

[B7rainia]

ورق العنب اعتقد يمتن لانه داخله عيش

بس يمكن اذا حبة حبتين اوكي

 

[••SôFt G!rL‏‏ღ]

لوووووووووووووول حدااااا مانشجع بعض

 

[B7rainia]

لالالا اذا دشيتو على طول اكيد بنشجع بعض ^_^

 

[••SôFt G!rL‏‏ღ]

انا ادخل على حسب ^^
فـ لحد يلومني والا والله اول مااشبك على طول على هالموضوع

 

[B7rainia]

لا حبيبتي مالومج بس صراحة استحي ادش اكتب كل شي ومحد يرد علي خخخخخخخخخخخخخخ

بس خلاص وعد اكتب كل شي اول بأول

 

[جـود]

سلاااام بنااااات

شحااالكم ؟..

انا بديت يومياات شوفوها وشاركووني صدقوني جي بتضعفون .. وبس جربوا خمس ايام وبتحسون بالفرق

 

[B7rainia]

وين يومياتج؟؟