وكنت شاريه الكورسيه و لبسته و رخصوني ثاني يوم وكنت لمن أفصخ الكورسيه اشوف جسمي والله فخوذي لونها كحلي شفتو الوحده اذا طقها شي شلون الجلد يطولس انا جذي ريولي زرق .. بعد شهور و سنين اكتشفت ان العملية خرطي بخرطي و الدكتور الله العالم ابو الفشل و الحمدلله اني طلعت منها سالمه بس حسافة فخوذي صار فيها خفقات مكان ما عرف يشيل شويه منهم ففخوذي بالقصير يلوعون الجبد جنهم طعوس بالصحرا ... يعني حسافة ماراح أقدر ألبس بكيني على البلاج ....لا و الله الحمد لله ما مت جان ما كتبت لكم عن سري :dddds:
ولايهمج سوالف مو بس سالفة ...
أنا يامحفوظة السلامة عندي سر ( غير اللي في بطني ) محد يدري عنه الا ريلي و امي و خواتي و بس حتى اعز صديقاتي ما يدرون عنه .... فبالمنتدى لو كلكم عرفتوه نو بروبلم ( محد يعرف أحد ) سري ياحلوين اني لمن ولدت بنتي العودة ام فرقه trash هالكلام كان سنة1995 وانا طول عمري لحد هذيج الحقبة الزمنية كان وزني مايطق ال80 حتى وانا حامل بالتاسع المهم كنت اياميها اشتغل في عنجكك ( بنك ) و يتني عميلة كانت before وصارت after طبعا انا كلش مو ملقوفة سألتها وين كرشج ؟؟ قالت: هاهاهاهاي انا رحت مركز البابطين وشلته عند دكتور (؟؟؟) شرايج تروحين له ؟؟الوليد توه عنونو متخرج من مادري وين جنه فرنسا ... أدق لج عليه وروحي له والله واهيه عندي دقت عليه وقال لي أشوفج السبت ( قبل لاتنقلب عطلتنا ) المهم رحت له عقب معركة حامية الوطيس مع بعلي و غصب رضا....( ليته ما رضا ) رحت حق الاستفسار بس والا صج الدختر طلع سلم قلبه عنونو وانا بعد عنونه <<<< بونس عموي ... المهم قلت له عقدتي الكشنات قصدي فخوذي المهم قال شعندج باجر <<< حسين عبدالرضا تعال نسمع قوانات :dddds: والله ورحت به ثاني يوم دقيت على مديري طلبت طبية و تخيلوا رحت بروحي داقه سيارتي سلف وصايمة و صفطت و امشي بثقة ( وناسه بشيل فخوذي ))....(( شنو هاللوثة اللي حاشتني الظاهر كنت قشره محد كان يقدر يقول لي لأ.. والا استخيري والا ديري بالج العملية خطره وانتي وراج بزران و الدكتور عليمي بيجرب فيج (( الله خير حافظ جان تيتموا عيالي )) جان الحين ما عندي بنتي الصغيرة و حمودو الفلافل .. المهم اثاري الدكتور لازم يسوي عشرتعش عملية لين يقدر يصير اخصائي تجميل او شي من هالنوع هذا اللي فهمتني اياه العميلة اللي عقبها انقطعت اخبارها وما ادري وينها ..عشان جذي هذا اللي طير عقلي شنو هالواسطه الجايده ...مستشفى حكومي و عملية شفط تصير خلال 4 أيام !!! لا و انا مارحت الا السبت يعني كان الموضوع يصير بيومين تخيلوا !!!المهم سويت العملية محد عندي بروحي ( والله جراءة كانت بتوديني بداهية ) صحيت من البنج والا أمي خنت حيلي ويهها سايح و مخترعة وريلي موجود وجسمي ملفوف بس مو ورق عنب
جان الحين امي حالتها حاله والله زين ما صارت فيني جلطه بريلي اشوه انه عرف انا قلت له بعد بالمرة اشفط سيقاني اللي جنهم سيقان شويكار ايام افلامها ابيض باسود ما ادري شلون والحمد لله ان الله نطقه و فطنه قال لأ لأ السيقان خطره تحوشج جلطة .. ياويلي ويلاه جان رحت فيها .. وبس ...ها gap شرايج بهالحزاية؟؟؟ وسوري بنات اللي ما حب سوالفي يقدر يشخط ويروح حق الهذره اللي عقبي سوري على الاطالة:ssssso:
انا دوامي ليمن 3:30 فاقعد اقرا مواضيع ثانية و اروح وارد على مواضيعنا ما اصدق على الله احد يكتب شي الا تحرشت فيه:dddds:
