حملة ضد الغلاء مع شتا الكويت

[Lady^bird]

بنات انا ولدي عمره سنتين الله يخليه لي
ابي آخذله هدوم عمليييييه ورخييييصه وحلوه بنفس الوقت
خذيتله جم شغله من فاشن مل .. بصراحه هالمره فاشن مل ماعجبني مو نفس كل سنه
ابي اماكن ثانيه احصله

 

[أم عبوودي11]

وانا بعد وياج ليدي بيرد

 

[*البدرة*]

روحي المترو بالفروانيه/ في اي بي بالمباركيه
اتش اند ام الافينوز/ سنتر بوينت

 

[Lady^bird]

بروح وبشوف وان شالله احصل شغلات حلوه ورخيصه

 

[ام فجور 2008]

من صجكم فاشن ميل صاير شوي غالي والله وزحمة احسن شي روحي الصبح له

 

[ام فجور 2008]

بنات انا ولدي عمره سنتين الله يخليه لي
ابي آخذله هدوم عمليييييه ورخييييصه وحلوه بنفس الوقت
خذيتله جم شغله من فاشن مل .. بصراحه هالمره فاشن مل ماعجبني مو نفس كل سنه
ابي اماكن ثانيه احصله

روحي طلي عالجوهرة ياقلبي

وترى بنات محاميد عن محاميد غير انا اخذت حق بنتي تريينق ب750 ولمن رحت الي بالسامية ولا الاقيه ب1,500

 

[بشورة الأمورة]

الله يعافيكم بنات انا مو حاطة في بعد جم شغلة ماخذتهم بس اهم تقريبا 22 شغلة طلعو علي مع التوصيل و كل شي 150 دينار

بس بعض البدل على ثلاث قطع مثلا نفنوف و جاكيت و كبوس بس شحلاااااتهم والله لبس البنات يشوق

 

[Dloool_q8]

وين مكان دريم مول؟

خذيت للبر بالطو طويل من بمكي ب21 هاذا ارخص شي لقيته واختي خذتلي تريننغين من فاشن مل الواحد ب8 وابي مكرم السامع جوتي اسود كل شي باخذ للبر لان اانا البس عبايه باخذ شالين بس حق فوق العبايه وبوت طويل يدفي ريلي وسلامتكم

 

[*البدرة*]

توني شايفه من النصر بنات للبنتوتات الصغار بوالطو
على شخصية دورا وبوتي بوب اخيييييييييه
يهبلون زوووغه على 7 ونص داخلها فروه
واله انا خمطت وحده حق بنت اختي عليها بالعافيه
قلت اخبركم....
وفي سنتر بوينت لقيت مثل البالطووو على شخصية سبايدر مان بس نوعه
نايلون
حق المطر على 2 ونص وااااااي الوانهم حلوة..
اما الترينغات في مقاسات حلوة في سنتر بوينت والوان..

 

[مسك الغرام]

والله تعبنا من الغلاء عندنا... كل شي زين و حلو غااااااااالي نااااااااار مشتبه..

و الا الأسواق الشعبيه فيها أشياء حلوه و زينه.. و عمليه ..

بس أحنا اهلنا(أهل زوجي) من النوع اللي يشوفون الماركه و القيمه قبل الذوق..

و إذا شريتي شي عملي و رخيص و زين.. قالوا عنج بخيله و ما تحبين الصرف..

و اهم ما يشترون الا من دينار و نص فالحين يشوفون غيرهم و ماشوفون نفسهم..

بس حق العيد يشترون من مذركير أو من نكست ..ألخ بس للعيد..

أصلا في أشياء بالسوق ما تستااااهل سعرها..فاكرهها و السبب السعر..

عسى الله يفرجلنا من لاالغلاء و يبارك لنا بكل شي بحياتنا.. وأهم شي لااا تصرفون حيل على أشياء مالها داعي..
و سلامتكم....

 

[ام فجور 2008]

(أهل زوجي) من النوع اللي يشوفون الماركه و القيمه قبل الذوق..

و إذا شريتي شي عملي و رخيص و زين.. قالوا عنج بخيله و ما تحبين الصرف..

و اهم ما يشترون الا من دينار و نص فالحين يشوفون غيرهم و ماشوفون نفسهم..

بس حق العيد يشترون من مذركير أو من نكست ..ألخ بس للعيد

صح صح

 

[ام فجور 2008]

خذيت للبر بالطو طويل من بمكي ب21 هاذا ارخص شي لقيته

بمكي وين

 

[ام فجور 2008]

بنات امس رحت ماكس مالقيت ولاشي
حق بنتي
وحقي انا كل صيفي