حملة ضد زيادة الواتب

[مشتاقة لأمي]

حملة ضد زيادة الراتب

بنات كويتيات حبايبي إلى متى وحنا نطالب ؟؟؟؟ زيادة راتب :eh_s(14): ....اسقاط قروض :eh_s(13): ....بدلات ...كادر .... ما راح يعبي عين ابن آدم غير التراب.

صدقوني نصرف اكثر من الزيادة ياناس بدل ما اصرف 100دينار على المستشفيات الخاصة خل نطالب نوابنا التعبانين(البعض وليس الكل) بفرض بناء مستشفيات أفضل!!!

بدل ماأدخل عيالي مدارس خاصة بآلاف الدنانير خل نوابنا التعبانين يطالبون بمدارس ذات مستوى عالي من حيث البناء والمختبرات والتجهيزات الحديثة وعمل دورات ذات مستوى عالي للمعلمين النايمين وعلى حساب الوزارة!!!

خل نوابنايعملون على فرض قانون يساعد على القروض التجارية لصغار المستثمرين وبدون فوائد (على ان تكون هناك رقابة من الحكومة ومؤهل علمي للمستثمر كشهادة ميكانيكا أو الكترونيات أوكهرباء أو فنيات التجميل أو مصممات الأزياء ).

ابي بنات الكويتيات الأصيلات يساعدوني في هذه الحملة.الرجاء التعليق!!!:eh_s(17]

 

[الغاليه نونو]

حاميها حراميها
الفلوس ودخل الدوله من البترول في بطون الكبار والتجار واحنا المساكين لنا الله شنسوي نطالب باسقاط القروض وبزيادة الرواتب عل وعسا ينفع مع ان الكل متأكد ان لاحياة لمن تنادي علي قولة اللي بالفيديو حطوها تقول هذى الكويت صل علي النبي

وديت امي الاسبوع اللي طاف مستشفي مبارك لانها مريضه بالقلب وتعبانه حيل دخلت الطواري والله العظيم السستر قالت مافي سرير فاضى خليها عالكرسي تخيلوا مره جبيره وقلبها يعورها وصدرها متنك وتقول لج مافي سرير شتسوين بهالحاله

فكرت اشتري سرير احطه بدبة السياره للضروره عالاقل اصير مواطنه صالحه واساعد الحكومه ههههههههههههههههههههههههه الحمدلله والشكر ديرتنا صارت حارة كلمن ايدوو ايلووووووووو وعجبييييي

 

[بنت الحزن]

صح لسانج و الله

 

[نهاوند]

جزاج الله خير وفعلاً هذا اللي نبيه

بس للاسف النواب ما يهمهم الا الفلوس اللي تجيهم من تحت الطاوله بس المهم يصوتون ضد اي قرار

والله يكون بالعون

 

[غلطة حياتي]

رد: حملة ضد زيادة الراتب

بنات كويتيات حبايبي إلى متى وحنا نطالب ؟؟؟؟ زيادة راتب :eh_s(14): ....اسقاط قروض :eh_s(13): ....بدلات ...كادر .... ما راح يعبي عين ابن آدم غير التراب.

صدقوني نصرف اكثر من الزيادة ياناس بدل ما اصرف 100دينار على المستشفيات الخاصة خل نطالب نوابنا التعبانين(البعض وليس الكل) بفرض بناء مستشفيات أفضل!!!

بدل ماأدخل عيالي مدارس خاصة بآلاف الدنانير خل نوابنا التعبانين يطالبون بمدارس ذات مستوى عالي من حيث البناء والمختبرات والتجهيزات الحديثة وعمل دورات ذات مستوى عالي للمعلمين النايمين وعلى حساب الوزارة!!!

خل نوابنايعملون على فرض قانون يساعد على القروض التجارية لصغار المستثمرين وبدون فوائد (على ان تكون هناك رقابة من الحكومة ومؤهل علمي للمستثمر كشهادة ميكانيكا أو الكترونيات أوكهرباء أو فنيات التجميل أو مصممات الأزياء ).

ابي بنات الكويتيات الأصيلات يساعدوني في هذه الحملة.الرجاء التعليق!!!:eh_s(17]

حبيبتي الحمدالله كل بنات الكويت اصيلات بس هذا ما يعني انهم ما يطالبون بحق من حقوقهم والنواب مو مقصرين منو قالج انهم ما يطالبون بتعديل وضع المدارس والمستشفيات بس لا حياة لمن تنادي وبما ان الأسعار نار والحكومه ما تسوي رقابه على المواد ا؟لإستهلاكيه من حقنا نطالب ونطالب لين الحكومه تلتفت لمعاناة الكويتيين وبعدين الحكومه مو شايفه وضع المستشفيات والمدارس ليش ما تتحرك شنو ناطره النواب يحركونهم

 

[moors]

الحمدالله علي كل حال

 

[أميرة الورد]

ايه والله ماكو فايدة من الزيادة اذا الأسعار بالعالي يعني لازم يصير فيه كنترول على الأسعار المو طبيعيه
عيل الجمعيات التعاونيه صارت أغلى من مركز سلطان ؟ شدعوه ليييش نهيبه اهي

والا فلوسنا كله على المستشفيات الخاصه انا رحت مرة مصخنه وفيني ربو رحت المستوصف بالغلط بغوا يعطوني ابرة يذبحوني فيها لو ما الله ستر ويلومون الناس ليش تروحون خاص

 

[Amory]

يبتيها عالجرح

اي والله خل يسوونلنا مستشفيات مثل الاوادم .... خل يروحون مستشفيات الامارات الحكوميه يشوفون ماشاء الله احلى من مستشفياتنا الخاصه والعنايه والاهتمام ... اصلا كل دول الخليج صارت اتفوقنا بمجالات وايده واحنا كلمالنا للأسوأ.

شوفي مركز طفل الانبوب يقولون 1900 حاله ينطرون الدور ونطري دورج بعد اسنيين لأن توهم بادين ابمواعيد سنة 2002 بذمتكم هذا كلام!

لو مو اهل الخير اللي قاعدين يتبرعون حق المستشفيات ويسنعونها والله جان انهدت على روسنا .. شنو هذا وين قاعدين لي هالدرجه دولتنا فقيره!!!!!

وبعدين ليش نتنازل عن زيادة الرواتب في سبيل هالاشياء آنا اقول من حقنا ان نعيش عيشه هنيه وديرتنا الحمدلله خيرها مغطي العالم واحنا اهلها من حقنا ان يزيدون رواتبنا ومن حقنا ان يهتمون فينا بكل النواحي الصحيه والتعليميه والاسكانيه وكل شي ليش ما نصير مثل الامارات ليش ما انصير مثل قطر ليش ما تنطور بدل ما احنا قاعدين نتأخر؟

 

[سبائك]

انا الصراحه زيادة الراتب ما افرح فيها

شالفايده يزيدون رواتبنا والاسعار بالسوق وكل مكان تشعلل وتولع!!!!!​

 

[HoNeY_GirL]

انا الصراحه زيادة الراتب ما افرح فيها

شالفايده يزيدون رواتبنا والاسعار بالسوق وكل مكان تشعلل وتولع!!!!!​

صاجه والله

وكل الشكر لصاحبه الموضوع وكلامج عدل

 

[زلابيا]

كلامج صح ..

وانا بعد اتفق مع سبوج ..

شفايدة يزيدون الرواتب والتجار من الجهه الثانيه يزيدون اسعارهم!!!!!

والله ان اول امس طلبنا من المطعم وكنا شويه بس المبلغ كان وايد ! سألنا لييييش هالمبلغ!؟؟ جان يقول اي زدنا الاسعار ليش ان بيزيدون الرواتب :eh_s(14):

اهما خل يوافقون عالزياده عشان تزيدون اسعاركم .. ديرتنا ديرة بطيخ صارت كل شي للأسوأ الله يستر علينا ويحفظنا

 

[طماشه]

امسك مينونك لا ايك الي اين منه

وشكرا لصاحبة الموضوع كلامج عين العقل بس وين الي يطبق !!!!!​

 

[مشتاقة لأمي]

للرفع

 

[^وجد قلبي^]

الله يعينكم :>

 

[LaSt WoMeN]

صااجة .. بس على قولتهم اقبض من دبش
لا من الرواتب و لا من المستشفيات السنعة و لا من الشوارع العدلة ..
و ربج كريم !!
اضم صوتي لج .. خصوصا ان زيادة الرواتب تعني زيادة الاسعار معناته راح تصرفين اكثر من اللي يزيد لج ..
لا يبه اقضب مينونك احسن

مشكوورة

 

[garga_girl]

الحكومه !!!

 

[BlackRose]

يبا خير ديرتنا لغيرنا

خل يدفعون حق الفلسطن 100 مليون والاردن 50 مليون وغير وغير وغير وهم بعدين يسبونا وخيرنا لغيرنا

وخلنا احنا عيال الديرة نتبهدل بهالمستشفيات الكحيانة واذا والواحد دخل المستشفى صاحي يطلع منها مكحكح

ومدارسنا الكحيانة اللي سقفها كل يوم والثاني يخر حزة المطر وشوارعنا المكسرة واسعارنا اللي كل يوم تصير اغلى واغلى اللي حتى شدة البقدونس صارت ب65 فلس بمركز سلطان

 

[MyLittleBerry]

انا مع زيادة الرواتب لان اشوف ان ريلي اللي يشتغل بالبترول وصارله 6 سنين يشتغل ومعاشه للحين 900 دينار !!!!!!!!!!!!!!!!!!!!!!!!

ولا تشجيع ولا بونس ولا شي

والمكان اللي يشتغل فيه اخطر مكان بالديره يقول كل يوم اروح الدوام حاط ايدي على قلبي لان اهم اللي ماسكين الديره والديره كلها تعتمد عليهم

ويقول بعد اروح الدوام ومادري اذا برجع ولا لا من الاوفرتايمات

انا اقول هذا ظلم
وظيفه عن وظيفه تفرق في زيادة الرواتب

اما البترول واله ماتتصورون شنو تعب غير امراض الحساسيه اللي تييهم من هالمواد الكيماويه

 

[دلوعة حمني]

انا معاج يا قلبي....مهما راح نطالب ماكو فايدة "لا حية لمن تنادي!"
بس شنو نسوي؟؟ شنو بإيدنا؟ و لا شيء!
تخيلوا رحت الجمعية اشتري انا و زوجي ماجلتنا.... بس انا و زوجي و عندي عبود اسم الله عليه بو 6 شهور كم طلعت ماجلتنا؟ 80 د.ك.! و الله العربانة مو مليانة! و لو اقولكم على اللي فيها تضحكون! همبرجر و بطاط و معليات و حفاضات عبود و انتو ا بكرامة... و شوية خرابيط... و ربي طلعت من الجمعية و انا اقول شنو خذيت؟؟! ماصدقت .. قلت احنا اثنين و هذا معدل صرفنا عيل المسكين اللي عنده 5 و 6 و 10 شنو يصرف فقير؟؟؟!
الله كريم و الحمدلله على كل حال....

 

[سمو]

حبيبتي موضوع ما عجبني سوري

شلون حمله ضد زياده الرواتب؟!!! عالميا اي دوله يزيد مدخولها ..يزيد راتب المواطن ..هل انتي شايفه عايشين مرفهين ؟!! ندري الحمدلله على كل حال...بس ديره مثل ديرتنا الحمدلله النفط بزياده .. المفروض المواطن عالاقل يقدر يشتري بيت يسكن فيه ...مو يأجر او يسكن بيت بالاقساط؟؟؟

صدقيني عندنا فلوس تكفي وتوفي الحمدلله...تكفي كل مواطن له سكن خاص فيه ... هذا على الاقل


يمكن اللي يطالب ومايبي تزيد الرواتب ... اعتقد اما قاعده بالبيت والاهل او الريل يصرف عليها وما تدري جم نسبه الزياده بالاسعار ..او معشها قوي ماشاء الله ..ماتدري انه خلال جم شهر زادت الاسعار زياده جنونيه من السندويشات البسيطه الى الملابس الى البيوت..معاج اذا كنا بدوله
محتاجه كل فلس من عندنا ... صدقيني عل الخير اللي عندنا لولا السرقات جان احنا عندنا احسن المستشفيات والرعايه الطبيه واحسن الشوارع والاماكن الترفيهيه ...وهم بعد احسن الرواتب.


وسلامتكم .