حملة قراءة سورة البقره كل يوم

[مناير خزنة التاير]

بنات اشلونكم جميعا شخباركم .. بسأالكم مسوين جدول للقراءه سوره البقره لاني ناويه اقراها بإذن الله ..والله أحس بضيقة ..استغفرالله استغفرالله استغفرالله .

هلا و غلا .. انا عن نفسي مو مسويه جدول بس لما بديت اقرا حطيت بالكلاندر مالت الموبايل اليوم اللي بديت فيه ومتى اوصل ال 40 يوم و الحمدالله استمريت

الله يشرح صدرج انشالله ،، بتسحين براحة عجيبة توكلي على الله و ابدي فيها من اليوم

 

[مناير خزنة التاير]

الله يفك همكم وضيقتكم يارب ويفرجها على كل مسلم

والبنات الله يوفقكم وتتيسر اموركم ويستر عليكم ربي في النيا والاخرة يارب ويرزقكم الي تتمنونه وتحبونه ويكون خيره لكم

اللهم امين

 

[مناير خزنة التاير]

اي والله سوره البقره وااايد زينه انا قبل كنت كل يوم من الساعه 1 لين اذان الفير اقراها و اقرا معاها سور ثانيه لين ما ياذن اصلي و انام و همومي و مشاكلي كلها انحلت باذن الله

حتى من كثر ما كنت اقراها تقريبا حفظتها
انا الحين بشارك وياكم و ارد اقراها من اليوم

سبحان الله ،، قرايتها تعطي انشراح لصدر و تحسين كل شي يهون
حياج الله معانا

 

[مناير خزنة التاير]

السلام عليكم ... ذكرتوني تقريبا من 4 سنوات كنت اقرا البقره يوميا وبعد فتره الله فك همي عجيبه فعلا ... راح ارد اقراها كل يوم مره ثانيه ... وعسى ربي يفك هم المهمومين والمكروبين.

لانج جربتي قرايتها و الشعور العجيب اللي يصاحب هالقرايه
راح تتحمسين انج تردين تقرينها مرة ثانيه
ابدي من اليوم ولا تتكاسلين وتقولين من باجر و اللي عقبه

 

[عسل طبيعي]

مشكورين اخواتي على الدعاء لي و ان شاء الله بحاول اختمها في قيام الليل حتى انام و انما مرتاحة

"اللَّهُمَّ إنِّي أعُوذُ بِكَ من الهَمِّ والحَزَنِ ،والعَجْزِ والكَسَلِ والبُخْلِ والجُبْنِ ، وضَلْعِ الدَّيْنِ وغَلَبَةِ الرِّجَالِ"

الله يثبتنا على قرائتها يوميا ان شاء الله

 

[رزة الكويت]

بنااااااات يزاكم الله خير ع الرد
زين اقراها بشكل متواصل ولا افصلها مثلا صلاة العصر شوي والعشاء شوي وبليل شوي ولا كلها مره وحده؟؟

 

[مناير خزنة التاير]

بنااااااات يزاكم الله خير ع الرد
زين اقراها بشكل متواصل ولا افصلها مثلا صلاة العصر شوي والعشاء شوي وبليل شوي ولا كلها مره وحده؟؟

اللي تقدرين عليه
اهو الافضل قرايتها متواصلة ، بس اذا ما قدرتي جزئيها

 

[q8tya 3asaal]

تعبت من قرايتها اليوم
اول جزء عادي بعدين شوي شوي حسيت بعوار فرقبتي مو طبيعي و كل ما اقرا احس بالعوار يزيد مع ظهري و حسيت ابي انام ماقدرت اكمل كنت اقراها بصوت عالي قلت ما عليه اخلصها يعني اخلصا
و الحمدالله قريتها كامله

 

[alfa2002]

q8tya 3asaal
كل مرة تقرينها تكون اسهل من اللي قبلها

 

[el3aNoOoNa]

مادري يمدي ادش معاكم ولا لا

بس انا قررت اني ابدي من اليوم
وفعلا توني مخخلصه منها قريتها كككككككلها
طبعا طاح حيلها وعيني راحت فيها وكل اشوي اتثاوب اعوذ بالله
بس انشالله انشالله بأذن الله يارب اني مكمله معاكم انشالله

 

[alfa2002]

حياتي ودنيتي
الله يحييك بينا

 

[::blackrose::]

حياتي ودنيتي يمدي عادي<<<<<<<خخخخخخخ انا داشه متأخر بالحمله عادي عادي


ابيييييييييييييييييييه امس ما قدرت اقراها حسيت بصداع وبسخوووونه وتلوع جبدي شوي واستفرغ تكرمون بس ضغطت على نفسي ليما قريتها كامله


يعطييييكم العافيه يا بنات الحمله

 

[مناير خزنة التاير]

مادري يمدي ادش معاكم ولا لا

بس انا قررت اني ابدي من اليوم
وفعلا توني مخخلصه منها قريتها كككككككلها
طبعا طاح حيلها وعيني راحت فيها وكل اشوي اتثاوب اعوذ بالله
بس انشالله انشالله بأذن الله يارب اني مكمله معاكم انشالله

أكـــيد يمدي حياج الله معانا

 

[أم منصور]

حياكم الله بنات ومستعدين لاستفساراتكم

واي ما تقدر تقراها كاملة تجزئها لكن سهل تقرينها كاملة بس ضغطي على نفسج اكثر

شلونج منورة

فلور خليده قلبي ابيض اميرة الورد وباجي البنات عذروني مو ناسية الاسامي لكنه بعمم اسلم عالجميع بدون زعل الي ما ذكرت اسمه

 

[el3aNoOoNa]

الحمدالله قريتها امس واليوم توني خلصت منها
كل مااقراها احس بدووخه واحس اني بنااام وجبدي تلوع استغفر الله بس معانده انشالله ومستمره بأذن الله

اي ونسيت اقولكم ان امس كان او يوم
وحلمت بياثوووووم استغفر الله
الله يعين بس

 

[flowers_q8]

هلا بالغاليه ام منصور انا الحمد لله بخير ومستمره للي بديناه باذن الرحمن بس قاعده اقرا من التفسير لان الدورة علي

انتو شخباركم بنات كلكم

 

[أميرة الورد]

بنات شلونكم شخباركم ؟؟؟ ولهت عليكم

قطعت فترة بس رادة بقوة باذن الله تعالى

 

[flowers_q8]

حياج الله اميرة الورد شخبارج؟ ولهنا عليج

 

[مناير خزنة التاير]

حياكم الله بنات ومستعدين لاستفساراتكم

واي ما تقدر تقراها كاملة تجزئها لكن سهل تقرينها كاملة بس ضغطي على نفسج اكثر

شلونج منورة

فلور خليده قلبي ابيض اميرة الورد وباجي البنات عذروني مو ناسية الاسامي لكنه بعمم اسلم عالجميع بدون زعل الي ما ذكرت اسمه

هلا و غلا ، بخير الله يسلمج
بشري عنج ؟؟ وشلون مع القرايه مستمرة ولا ؟؟

 

[أم منصور]

امس قريتها من فلاش المصحف الالكتروني واليوم بقراها بعد تدرين بعد الفكرة هذي حلوة للظروف هذي