حملة قراءة سورة البقره كل يوم

[::blackrose::]

هلااااااا ام فروحه

تصدقين انا ما اقدر اكتب حلمي بقسم تفسير الاحلام مادري ليش مانعيني

 

[فـرفـر]

هلافيج يااقلبوو

انتى تقصدين اى قسم للي بالمنتدي والا بمنتدي الخير للررقيه الشرعيه

اذا الثاانى لهم يوم مخصص حتى اختى عانت من هالمشكله اظن يوم اربعاا

بس والله ماقصروا بالاجابه لي


والله يعيناا


جد بناات انا ودى افضفض بمشكله خارج الموضووع


انا عندي بناات خاله الله يهديهم حيل حيل حيل حيل يأذوني بكلامهم وانا كله اسكت

بس الاسبوع للي طاف بالعربي خربتها معاهم لانه لي 6 سنين شايله بقلبي

مع انى ماحب انى احقد لانه هالشي حيل متعبني والحمد الله يوم قلت للي في قلبي قدامهم

مرات احس انى ظلمتهم ومرات لماا اتذكر الامور للي صارت اقول انى علي حق

حتى امى اليوم تقولي امشي نسير عند بيت خالتى ماقدر احس ماعرف انافق

ناس ماخذهم منهم موقف قوي ماعرف انافقهم

ادري المفروض اتساامح معااهم بس هذول ناس ماينفع لهم احد يسامحهم

يعني حتى الشرف يتكلمون فيه

شي يغث وانا مو عارفه اتصرف معااهم

شتنصحوني فيه بناات

ودى يكون بينا بس سلام ومايتعدون حدودهم وماعرف اتصرف بالعربي انا بسرعه ينقص علي مالى قلب وانا حيل ماخذه بخاطري منهم شسوي

 

[art abla]

السلام عليكم
بس بغيت اسال عادي مثلا اقراها على فترات.. يعني مثلا اقرا 10 صفحات لمن ارد من الدوام و10 على المغرب مثلا وجذي لمن اخلصها باليوم؟؟ يصير جذي ولا لا؟
ومشكورين ما قصرتوو

 

[::blackrose::]

اي يا روحي قصدي منتدى الخير ومادريت انه بس يوم الاربعا ابيه وانا دزيت رساله خاصه حق الادارة حادة شوي عبالي مانعيني من الكتابه ههههههههههههههههههههه


وعلى طاري بنات خالتج
شرايج تقولين حق امج عشان امج تقول حق خالتج عشان توقفهم عند حدهم
واذا رحتي لهم
سلمي وقعدي عند خالتج مو عند البنات
وان ضغطوج ضغطيهم واذا مالج خلق عوار راس قولي بوجهم حسبي الله ونعم الوكيل او استغفر الله او يمهل ولا يهمل
او ابدي انتي السوالف ولا تخليلهم مجال يسولفون سوالف بايخه

 

[YAREB]

art abL لازم تقريها قرايه وحده كامله ولوا قريتها فى صلاة الليل افضل

 

[فـرفـر]

8


اجل عصبتي عليهم :×

لا بالعكس خوش منتدي



المهم تدرين قبل اسبوع بنت خالتى صارت بيني وبينها مشكله وبسم الله ربع ساعه جايه بيتنا تتشكي عند امي !!


والله بغيت اذبحها امى تعرف سوالفهم بس مو معطتهم وجه تقول مهما كان هذول بنات خالتج

انغث منهم طبعهم ماحبه مع انى والله مارضي عليهم بس هم مو كفو دايم يذمون فيني وفيهم قوات عين ماتتخيلينهاا

جد انا اشوف بعاادي عنهم راحه واخاف هالشي حرام امى تقول حرام هذي صلة رحم مادري شسوي اشتري راحتى وابعد عنهم واالاا اصل رحمي واتحمل غثااهم

 

[::blackrose::]

والله يا ام فروحه
في حديث عن الرسول بما معناه انه لازم تحمل اهلك لو يرشونك برماد واحتسبي الاجر عند الله

 

[lolocati]

وانا بعد ويااكم....

الحمد الله بادية باكثر من اسبوع...والله يسرلي يااارب

 

[::blackrose::]

حياج الله لولو كاتي

 

[flowers_q8]

حياكم الله خواتي معانا ربي يحفظكم من كل شر
خواتي اشلونكم ان شاء الله مستمرين كلكم؟
انا معاكم
الكادي وينج؟

 

[الكادي-83]

حياكم الله خواتي معانا ربي يحفظكم من كل شر
خواتي اشلونكم ان شاء الله مستمرين كلكم؟
انا معاكم
الكادي وينج؟

هلا فلورز

بقولج اللي أقصده انا ولله الحمد وماشاء الله عشان ما أحسد نفسي ((وأما بنعمت ربك فحدث))

من يوم أستمريت على البقرة وقيام الليل والأستغفار والصدقه أشوف رؤى صادقه والمفسرين بشروني بخير راح يجيني

وعلى كثر الظروف اللي مريت فيها أحس ان ربي ريح قلبي بهذي الرؤى وانها خففت كثير من الحزن اللي كان على قلبي

والحمدلله اللحين حيل متفائله بهذي الرؤى ان الخير راح يجي بأذن الله وعن قريب

 

[YAREB]

مساء الخير للحلوين
تسجيل حضور

 

[البرنسييسه]

تكفون ريحوني احس مقدر اكمل قراية البقره

بنات ساعوني بديت اليوم أقرأ سورة البقره ولما خلصت حسيت بمغص فضيع في بطني مع حراره في بطني واسهال وأنتوا بكرامه ساعدوني شنو تعني هالأعراض أحس مقدر أكمل ريحوني تكفون​

 

[YAREB]

مرحبا
البرنسيسه يمكن تكون حاجه عارضه تابعى واكتب كل يوم واش يصرلك وانشاء الله البنات يفدوك واستمرى فى القرايه

 

[alfa2002]

البرنسيسة حاولي تضغطي على نفسك وكملي ومايكون الا الخير هذا شر خارج

 

[~NaZaKa~]

صباح الورد على اجمل اعضاااء

الجوهره حبيبتي احلامج تبشر بالخير

وربي يفك عنج السحر والحسد ويحميج من كل شر

البرنسيسه حبيبتي كملي قراااااءه وتحملي كل الي اييج

اكيد هذي فتره يوم ولا يومين وبعدها كل شي بيروح منج بإذن الله

اهم شي انج تواااصلين ولا تقطعييين قرايه

وبشرينا عنج ..

 

[أم منصور]

السلام عليكم جميعا

انا منزلة موضوع وهو عن تفسير القرآن الكريم

طالما انكم مستمرين باذن الله بالقراءة وخصوصا اني حاليا في سورة البقرة

وكل يوم بارادة الله انزل 5 آيات حتى تكون سهلة للمراجعه والحفظ

ياريت تتابعون معاي تفسير سورة البقرة وذلك لفهم معاني الايات عند قرائتها

ربي يثبتكم على طاعته ويزيدكم من نعيمه

وانشالله تتحسن جميع اموركم ونا اشعر بالبنات الي يمرون بظروف سحر واتحسب يارب على كل من اذى مسلم بالدنيا واستخدم السحر لايذاءه حسبي الله عليهم ونعم الوكيل وثقو خواتي بان الاجر لكم كبير عند الله وان الله يختبر صبركم وتحملكم
ويراقب حبكم للله كما هو يحبكم لان الله اذا احب مؤمنا يبتليه ليسمع صوته وهو يناجيه وانتو اكثرو من قيام الليل والي حاسة نفسها ما تقدر تقيم بسورة البقرة تقيم بجزا واحد فقط كل ركعه نص جزا فقط بتجد فائده كبير .


وبالنسبة للرؤى والاحلام انا تعرضت لاسحار كثيرة والحمدلله قدرت افكها بنفسي وفي مساعده شيخ بعض المرات

لكن بقولكم الرؤية الي شفتها ويمكن ما يفضل قولها بس ابي اثبتكم وازيدكم اصرار للاستمرار خصوصا الي تحس بسحر واذى تستمر ولا تتعب وتقول ليش ياربي انا شنو سويت في لحظة ضعف وخوف

اني حلمت وطبعا في احلام كثيرة اكتفي بالاثنين

ان شخص ناداني وقالي شوفي هذي وان الله يقول ان لفلانه عني مثل هذه في الجنة واكبر

وشفت ثريا كبيييييييييييييييييييييييييييييييييييييييييرة جدا مصنوعه من ذهب وزخاف اسلامية ومحفورة بايات قرآنيه


الرؤيا الثانية اني نمت وفي القبر وكان نومي حلو وكنت مرتاحه جدا وقلت ليش يقولون الناس ان عذاب القبر شديد ومفزع ومخيف واي ياحلو نومة القبر


وهالشيين اقولهم لكم لسبب ان الي قاعدين تتعرضون له ترا لها أجر كبير وعظيم والحمدلله ربي يرزقكم ما تتمنونه يارب ويغفر لكم ذنوبكم ويثبتكم على الدين والطاعه ولولا حبه لما ابتلاكم لانه خاش لكم الافضل في الاخرة والدنيا فانيه



لا تنسون متابعه تفسير سورة البقرة :e3:

 

[مناير خزنة التاير]

جد بناات انا ودى افضفض بمشكله خارج الموضووع


انا عندي بناات خاله الله يهديهم حيل حيل حيل حيل يأذوني بكلامهم وانا كله اسكت

بس الاسبوع للي طاف بالعربي خربتها معاهم لانه لي 6 سنين شايله بقلبي

مع انى ماحب انى احقد لانه هالشي حيل متعبني والحمد الله يوم قلت للي في قلبي قدامهم

مرات احس انى ظلمتهم ومرات لماا اتذكر الامور للي صارت اقول انى علي حق

حتى امى اليوم تقولي امشي نسير عند بيت خالتى ماقدر احس ماعرف انافق

ناس ماخذهم منهم موقف قوي ماعرف انافقهم

ادري المفروض اتساامح معااهم بس هذول ناس ماينفع لهم احد يسامحهم

يعني حتى الشرف يتكلمون فيه

شي يغث وانا مو عارفه اتصرف معااهم

شتنصحوني فيه بناات

ودى يكون بينا بس سلام ومايتعدون حدودهم وماعرف اتصرف بالعربي انا بسرعه ينقص علي مالى قلب وانا حيل ماخذه بخاطري منهم شسوي

سبحان الله حالج من حالي :bbbiu:
طووول الليل وانا مغثووثه من نفس السالفه ، الشكوى لله
بس انا جان زين بس مع بنات خالتي لا المشكلة اكبر ان مع خالاتي بعد :bbbiu:
واكره ماعلي النفاق النفاق النفاق ما اعرف اجابلج بويه وانا داخلي شي ثاني
ومثل الحاله حجي و نميمه و غيبه و و استغفر الله ياربي
انا قطيت السالفه ورا ظهري و شريت راحتي :bbbiu:

 

[::blackrose::]

تسجيل دخووووووول

الجوهرة غايبه من امس عسى المانع خير

فلورز الله يهدي سركم

برنسيسه كملي ولا تحاتين

ام منصور الله يثبتج ومشكوره على موضوعج القيم

يارب حياج الله اختي<<<<< yareb يعني يارب بالعربي صح ؟؟؟

رينا وينج كويتيه عسوله
مدمنة كاكاو بنت مطيري
وكل البنات
مشتاقه اسمع اخباركم

 

[YAREB]

مرحبا
yareb بلعربى (يرب) ومعناها نوع من انواع الصدف