مرحباا بناات لي كم يوم اشوف حملتكم ودي ادش معاكم
ونا الصراحه لي كم يوم اقرا سوره البقره بس لي يومين ماقريتهاا
بناات بقولكم سالفتي تكفون ساعدوني انا ان خطبت وابوي واهلي وافقو عليه دقت امي على ام المعرس قالت خلاص بعد الايجازه بنجيكم تيخيلو الايجازه جات وراحت ومرت عليهاا شهر ولادقو ولاشي ونا واحد من جمعتنا يبيني بس امه تقول مو الحين بعد سنه او اكثر واخته تقولي هو كان حاط عينه عليج من يوم كنتي صغيره بنات انا خيفه انه يكون نفسه فيني وعلى كذاا ماتم الخطبه
وقبل كان يجوني ثير بس يا مطلقين او الله يستر عليهم بنات انا مو كبيره توني داشه 20 بس خايفه كثرت الخطاب بعدين ماشوف احد تهقون نفسه فيني على كذاا مايتم شي .<<<<معليه طولتهاا عليكم بس من حر مافيني
وان شالله معى حملتكم راح اتواصل في القرايه بناات اخر سؤال اذا جيتو تقرون القران تسرحون انا اذاجيت اقرا فجئه احس اني في الصفحه الثلاثه واقول متى خلص الصفحه الي قبل يعني ماحس اني اركز انتو زيي ولا لا وكيف اركز في القرائه واسفه على الايطاله
اول شي لا تقولين طولتيها علينا لانه كلنا خواتج و الي تقدر تساعد بشي ماراح تقصر ترا ساعات حتى الكلام يأثر والله ..
فإخذي راحتج
شوفي انا بقولج شي
اللي قلتيه ترا شي طبيعي .. واااايد ناس جذي صارلهم .. تلاقين فتره الخطاب ورا بعض وراها يخفون شوي وراها ايون مع بعض.. هذا شي نعمه من رب العالمين انه بوقت واحد يعطي الوحده اكثر من اختيار وتشوفين اكثر من نموذج من الخطاب :dddds:
لا تحطين في بالج سالفة النفس.. لانه ممكن الناس يصير عندهم ظروف وما يو .. او ممكن الريال مثلا حاب ينطر .. يعني كل شي له حكمه من رب العالمين ..
واذا كان نصيبج راح تتزوجينه .. واذا كان قريبكم من نصيبج راح تتزوجينه بعد .. فانتي شيلي من بالج سالفة النفس هذي لانه هذي الشغلات كلها نفسيه
دام ان بعدج صغيره .. والحياة جدامج وراح ايي اليوم اللي تتزوجين في ان شاء الله احسن واحد بالدنيا
بس شنو الانسان احسن شي انه يحصن نفسه عرفتي
عشان جذي مايضر لو تقرين سورة البقره كل يوم منها تزيدين البركه في حياتج ومنها اجر من رب العالمين ومنها تحصين من اي شر سواء عين مس سحر جن اي شي بالدنيا يحميج منه بإذن الله
و بالنسبه حق موضوع التركيز اكيد وايد تصيرلهم هذي الحاله لأسباب مختلفه:
1- ما تعوذتي من الشيطان و هذا احب وقت حقه عشان يلهيج عن القرايه.
2- السورة شوي طويله واللي مو متعوده عليها ممكن يحوشها نوع من التعب او الملل والانسان هذا طبعه في البدايه بس لما تشوفين الفرق بحياتج راح تعاندين نفسج و الشيطان و تستمرين على قرايتها على طووووول ان شاء الله
وفي وايد اسباب بس انتي ركزي بالقرايه وحاولي وانتي تقرين تفهمين المعاني عشان هذي الطريقه احسن طريقه انه تضمنين تركيزج في القرايه
وعشان ترتاحين بعد اكثر و ما يتشتت تفكيرج قبل لا تقرين سوي كلللللللللللللللللللللل شغلج اللي تبين تسوينه
عشان لما تقرين تكونين فاضيه ماتحاتين شي و يكون وقتج بس حق القرايه
وترا معالوقت و التعود والقرايه المعتدله راح تخلصينها في اقل من ساعه
وهذا وقت حيييييل بسيط مقارنه مع ال 24 ساعه اللي عندنا
