حملة قراءة سورة البقره كل يوم

[**تاجر الزين**]

استغفر الله واتوب إليه
استغفر الله واتوب إليه
استغفر الله واتوب إليه

 

[الدكتورة الريم]

@

سورة البقرة عجيبة من واقع تجربة شخصية

والقران كله شفاء

جزاك الله خير على هالموضوع

@​

 

[الـمـــــاااااس]

السلام عليكم بنات

اول مرة اقرا الموضوع وانا دايما ابدا واتكاسل ياليتني دريت عنه من زمان

بس كل تاخيرة فيها خيرة ان شاء الله

اوي شي بقولكم انا لقيت وحدة حاطة بتوقيعها والله ماذكر اسمها حملة قراءة سورة البقرة

ياليت اذا كان الشعار ينحط عشان احطة توقيع لي

لاني ولا مرة شاركت بحملة وودي اول حملة اشترك فيها بحياتي تكون قراة سورة البقرة كاملة كل ليلة


بس انا مشكلتي ماستمر مادري ليش

اتكاسل حيل

اشغل نفسي استغفر الله

وبعدين اقول خلاص بصلي ركعين قيام ليل واقراها باجر



ااااااااااااخ ياقلبي مادري شلون استمر ودي اكمل 40 يوم وانا حدي 3 ايام ولا 4

وبارك الله فيكم

 

[LUXURY]

السلام عليكم
اختي قبل جم يوم قالتلي عن حملتكم ونصحتني ادش اشارك ويزاها الله الف خير وانتو بعد الله يجزيكم كل خير حبيباتي
انا قريت توني نصها وباذن الله لاقمت من النوم اكمل النص الثاني
لان دخت مواصله مع بنتي ومابي اقرا غلط بدليات وتشكيل غلط حرام مايصير
فلما اصحصح وابقق عيوني اقراها
ادعولي التزم
يالله يا رب العفو والعافيه

 

[%دانة%]

رد : حملة قراءة سورة البقره كل يوم

وانا معاكم اللة يجزاكم خيير
اسال اللة ان يجمعنا في جنات الفردوس اميييين

 

[يالله طلبتك]

رد : حملة قراءة سورة البقره كل يوم

وانا بعد قريتها قبل فتره 40 يوم والحين ناويه اقراها على طول وامس بديت فيها بالتوفيق للجميع ..

 

[@الجود@]

اللهم يامقلب القلوب ثبت قلبي على دينك..


يارب تعيننا على قرائتها ...

والموداومه عليها..

 

[أهبل أجنن]

انا ابي اشترك وياكم

وحيل خايفه اخاف اني مااداوم عليها والله من زماااان ودي اقراها كل يوم
واحس اني اذا قريتها تجيني نومه ممو طبيعيه وانام عالطول حتى لو اني شبعانه نوم

مادري ليش والله ودي اقراها لاني محتاجه اقراها حيييل
ودي احفظها بعد ادعولي بنات الله ييسر لي اموري

والله يجزاج خير الي كاتبه الموضوع عسى ربي يوفقج وينصرج على من عاداج
ويوفقنا كلنا يارب ويرزقنا قرايتها كل يوم


ادعولي حبايب قلبي​

 

[جنى q8]

يزاج الله خير ياااقلبي

بس ودي اعرف اكثر شنو حكم قراءتها 40 يوم ؟؟؟؟

وبارك الله فيكم خواتي

 

[*أميرة الحب]

رد : حملة قراءة سورة البقره كل يوم

هذه الحملة لازم أدخل فيها من زمآآآآن الله يبآرك فيكم ويوفقكم ويحفظكم من العين والحسد والسحر والشياطبن ويشفيكم من كل مرض اللهم آمين

عندي مشكلة إني ماقدر أستمر على سورة البقرة أكثر من يومين أو ثلاث أتعب واتم أشهر بس أشغلها بالبيت وأتحسف وأرد أبي أقراها وأعوذ بالله من الششيطان يذكرني بأيام اصابتي بالعين وأتضايق فما أقراها ،،، والحين استغفرت ربي على تقصيريوتعوذت من الشيطان اللي مايبي الخير للانسان ،، يعني شلون ندعي كل يوم ووآآيد ونتصدق ونتكاسل في بعض الطاعات أويكون ما يكون في حسن ظن


يآآآرب نعدل حياتنا وأمورنا بسورة البقرة

وبدخل معاكم عشان أتشجع وتشجعوني وندعي لبعض بظهر الغيب مستجابة بإذن الله

أسأل الله العظيم رب العرش العظيم أن يشفيني ويشفي كل مريض ويعطي الكل ما سأل ويكرمه بالسعاده والرضا والتوفيق ويحظفه من كل شر اللهم آمين

 

[*أميرة الحب]

رد : حملة قراءة سورة البقره كل يوم

عشان نتشجع ونحسن الظن بالله أكثر

كتبوا تجاربكم مع سورة البقرة للشفاء أو النجاح أو الزواج ,,,, واشكثر لازم نقراها وهل لازم متواصل؟؟ ويصير نسمعها اذا كان عندنا عذر شرعي؟؟



بآآآآرب يعينا على قراءتها والله محتاجينها

 

[جنى q8]

الحمدلله قريتهاا <<<(1)

 

[**تاجر الزين**]

السلام عليكم

قبل سنتين كنت مستمره وما شاء الله

بس الحين يوم او ثلاث وما اكمل

ادعو لي

 

[زاد الحياة]

الله يجزاكم خير كلكم واخص بالشكر cherry الله يرضى عليها يارب ويوفقها وينصرها على من ظلمها امين يارب العالمين
بس كان عندي استفسار بخصوص قرأة سورة البقرة انا بدأت من 4 ايام واقراها كامله الحمدلله اجاهد نفسي واتغلب على الشيطان الرجيم بس سؤالي هنا اني وانا اقراها اقعد افكر يأشياء ثانيه وينشغل فكري غصبا عني وبعدين ادبر معاني وكلمات السورة وارجع افكر واضل على هذا الحال الين اخلصها فهل قراتي لها بهذه الطريقة تنفع ولا كيف والتفكير غصبا عني مااحس على نفسي
الله يجزاكم خير ردو علي لان الموضوع مسويلي قلق واخاف ماتزبط القرأة كذا

(ربي لا تذرني فردا وانت خير الوارثين)

 

[@الليدي لين@]

ياربي يوفقنا كلنا ويثبتنا ويهدينا يااااارب

ويرزق كل وحده باللي تبيه

 

[حبيبة قلبي]

انا معاكم ان شاءالله وشعاري اللهم اني اعوذ بك من النفاق والسمعه والشرك والرياء

 

[حبيبة قلبي]

الله يجزاكم خير كلكم واخص بالشكر cherry الله يرضى عليها يارب ويوفقها وينصرها على من ظلمها امين يارب العالمين
بس كان عندي استفسار بخصوص قرأة سورة البقرة انا بدأت من 4 ايام واقراها كامله الحمدلله اجاهد نفسي واتغلب على الشيطان الرجيم بس سؤالي هنا اني وانا اقراها اقعد افكر يأشياء ثانيه وينشغل فكري غصبا عني وبعدين ادبر معاني وكلمات السورة وارجع افكر واضل على هذا الحال الين اخلصها فهل قراتي لها بهذه الطريقة تنفع ولا كيف والتفكير غصبا عني مااحس على نفسي
الله يجزاكم خير ردو علي لان الموضوع مسويلي قلق واخاف ماتزبط القرأة كذا

(ربي لا تذرني فردا وانت خير الوارثين)

السلام عليكم حبيبتي قريت كلامج وحبيت اطمنج ان كل ما شط تفكيرج تعوذي من ابليس وكملي هذا يسمونه الجهاد تجاهدين نفسج وابليس وبمجرد انج بديتي بالقراءه قولي الحمدلله واستمري الله اختارج تكونين من هالحمله

وسلامي

 

[زاد الحياة]

شكرا اختي (حبيبة قلبي)الله يطمنك ويرزقك ويسهل امورك يارب
والله اني سعيدة جدا برفقة جميع اخواتي بالمنتدى الرائع
وانا احمد الله على طول لانه وفقني وجعلني مع افضل منتدى واحسن بنوتات
الله يوفقنا جميعا لما يحب ويرضاه
يارب تحقق كل امنياتنا ياعزيز فلا شيئ صعبا عليك يالله
وتجمعنا بالفردوس الاعلى يارب

 

[زاد الحياة]

اللهم اجعل الصلاة وقرأة سورة البقرة قرة عيني امين

 

[جنى q8]

الحمدلله قريتهاا <<<(2)


اب اب

شدوا الحيل بناااات