حملة قراءة سورة البقره كل يوم

[Cherrrry]

انا ان شاء الله معاكم

جزاكم الله كل خير

حياج الله حبيبتي


ونااطرين مشاركتج

 

[Cherrrry]

انا اقرا سورة البقره صار لي تقريبا 3 اسابيع مره باليوم وعلى طول استغفر
بقول لكم شنو صار معاي خلال هالفترة علشان تتعضون

كنت امر بظروف صعبه وكنت شاكه بشي وتقريبا على يقين منه وما كنت اقدر اواجه إللي جدامي بهالشي خايفه حجتي ضعيفه وكانت حالتي النفسيه جدا صعبه وما كانت اهدأ إلا بقراة البقره كامله ومرات أقرأها مرتين سبحان الله كان هالشيء يمسح على قلبي ويصبرني ويقويني طبعا مع كثرة الدعاء لحل مشكلتي وكثرة الاستغفار وقيام الليل وقبل يومين تعبت نفسيتي حييييل فقلت خلاص مايبيلها نطرة لازم اواجه الشخص إللي مأذيني وتمت المواجهه والله اني كنت انا منصدمه من هدوئي ما كنت اصرخ ولا كنت ابكي وكان الكلام يطلع من شفايفي بكل ترتيب كأن في احد يسندني واقف معاي والله العظيم ، وإللي جدامي على طول وبدون اي مشاكل اعترف بحجم الاذى إللي سببه لي وماكان عنده اي حجه مع العلم بأنه من الاشخاص إللي الواحد مايقد عليهم بسرعه يلفون ويدورون ويخلون إللي جدامهم اهوا الغلطان ، الحمدلله كنت اواجههم كأن معاي جنووووود ايه والله كنت فرحانه معنى الاعتراف من الطرف الثاني كان يجرح ومو اي جرح جرح قوي بس حسيت احساس حلو بان الله فعلا معاي وساندني وقواني ، كنت كل ما اسكت بيني وبين ربي احمد ربي على هالهدوء إللي آنه فيه وان بين لي الحقيقه وخلا إللي جدامي يعترف بكل سهوله ويقول لي انا غلطان واي شي تبينه أنا حاضر ّ!!!!!!!

وهذا كل بفضل رب العالمين وقراءة البقره والاسغفار
بنات ما اوصيكم لا تلجئون لأي احد في مشاكلكم إلا للحبيب بالدعاء وقراءة القرآن والاستغفار

ما شاء الله ما شاء الله ما شاء الله


الله يتمم عليج ثقتج بربج و فرحتج برضاه عليج و انه معاج

و الله يفرج همج و يسخرلج اللي قاعدين يأذونج و يهديهم يا رب


ويبعد عنج كل شر و هم و ضيقه قولي امين


والله وايد مستانسه باللي صارلج صج شي يونس ما شاء الله

و اهم شي انه حسيتي بتغير حتى بتصرفاتج و اعصابج ..


والله اي احد يلجأ حق الله ما يرده ابد لو مهما كان الله ارحم الراحمين و يعينا في كل شي لو لجأناله واحنا متيقنين انه راح يساعدنا


الله يوفقج حبيبتي و ناطرين مشاركتج معانا دايما لا تقاطعينا

 

[Cherrrry]

انشالله الله يثيتني واكون وياكم

مشكوره

العفو حبيبتي

و ناطرين مشاركتج معانا ..

والله يثبتج ان شاء الله

 

[Cherrrry]

والله يا بنات وايد شجعتوني على قراءة سورة البقرة و بحاول من باجر أسويلي جدول حق الأربعين يوم إنشالله.. بس يعني أربعين يوم متواصل؟؟
و إذا كان وقت الدورة؟؟

الحمدلله انج تشجعتي هذا اهم شي ..

و دام نويتي تقرينها .. خليها من اليوم احسن


و الجدول طبعي اللي انا سويته لكم زاهب وعلقي في مكان بغرفتج عشان وقت ما تقرين تعلمين على اليوم اللي قريتي


و احنا نبي نقراها كل يوم


و حطينه جدول مقسم الى 40 يوم عشان نتابع نفسنا و اذا كنا شطاار و نكمل 40 يوم بدون مقاطعه ولا يوم او لأ


و بعد ما يخلصون نرد نسوي 40 يوم ثانيين




و طبعا خلال هالفتره كل وحده تقول المشاكل اللي صارتلها و شلون نحلت ..

حتى لو ماكانت مشكله ممكن شغله بخاطرج و كان صعب تحصلينها بس الله سهلها عليج و حصلتيها


يعني اي مواقف تحسين انه صارتلج وانتي مو متوقعه و حسيتي انه تيسير من رب العالمين قوليها لنا

عشان نشجع بعض


مهما كانت تافه و بسيطه لانه بالاخير مافي شي تافه و كل شي في الدنيا يصير بسبب و حكمه من رب العالمين


و اكيد راح نستفيد من تجارب بعض و البنات يتشجعون انه يقرونها


خصوصوا لما يعرفون تجاربنا ..


غير انها تشفي من اعوذ بالله السحر و المس والجن و تبعد الشياطين عنه و تحفظ الانسان من الحسد

والقرآن فيه بركه للانسان نفسه و للبيت اللي ينقرأ فيه



بالنسبه حق سؤالج عادي حبيبتي تقرينها حتى لو وقت تكرمين الدوره ..

بس طبعا ما تمسكين القرآن


يعني تقرينها من برامج اللي تنزل على الكمبيوتر

او برنامج القرآن اللي في التلفون

انا حاطه روابط فيها البرنامج شوفي تلفونج شنو و نزلي البرنامج عليه


و بوقت اللي ماتقدرين تمسكين القرآن اقري منهم



و الله يوفقج حبيبتي و دام نويتي تسوين هالشي لا تتكيسلين و كلنا معاج

 

[اهات الشوق]

انا اقرا سورة البقره صار لي تقريبا 3 اسابيع مره باليوم وعلى طول استغفر
بقول لكم شنو صار معاي خلال هالفترة علشان تتعضون

كنت امر بظروف صعبه وكنت شاكه بشي وتقريبا على يقين منه وما كنت اقدر اواجه إللي جدامي بهالشي خايفه حجتي ضعيفه وكانت حالتي النفسيه جدا صعبه وما كانت اهدأ إلا بقراة البقره كامله ومرات أقرأها مرتين سبحان الله كان هالشيء يمسح على قلبي ويصبرني ويقويني طبعا مع كثرة الدعاء لحل مشكلتي وكثرة الاستغفار وقيام الليل وقبل يومين تعبت نفسيتي حييييل فقلت خلاص مايبيلها نطرة لازم اواجه الشخص إللي مأذيني وتمت المواجهه والله اني كنت انا منصدمه من هدوئي ما كنت اصرخ ولا كنت ابكي وكان الكلام يطلع من شفايفي بكل ترتيب كأن في احد يسندني واقف معاي والله العظيم ، وإللي جدامي على طول وبدون اي مشاكل اعترف بحجم الاذى إللي سببه لي وماكان عنده اي حجه مع العلم بأنه من الاشخاص إللي الواحد مايقد عليهم بسرعه يلفون ويدورون ويخلون إللي جدامهم اهوا الغلطان ، الحمدلله كنت اواجههم كأن معاي جنووووود ايه والله كنت فرحانه معنى الاعتراف من الطرف الثاني كان يجرح ومو اي جرح جرح قوي بس حسيت احساس حلو بان الله فعلا معاي وساندني وقواني ، كنت كل ما اسكت بيني وبين ربي احمد ربي على هالهدوء إللي آنه فيه وان بين لي الحقيقه وخلا إللي جدامي يعترف بكل سهوله ويقول لي انا غلطان واي شي تبينه أنا حاضر ّ!!!!!!!

وهذا كل بفضل رب العالمين وقراءة البقره والاسغفار
بنات ما اوصيكم لا تلجئون لأي احد في مشاكلكم إلا للحبيب بالدعاء وقراءة القرآن والاستغفار

مشكوره حبيبتي على تجربه
وان شاءالله دايم هاديه وفرحانه وتتغلبين على مشاكلج
بس ماوصيج استمري

 

[اهات الشوق]

انشالله الله يثيتني واكون وياكم

مشكوره

امين يارب العالمين
وحنا في نتظارك بس لا يطول الوقت

 

[New Mum]

مشكورين يزاكم الله خير
ودي أبدي معاكم من اليوم إذا ممكن

 

[اهات الشوق]

والله يا بنات وايد شجعتوني على قراءة سورة البقرة و بحاول من باجر أسويلي جدول حق الأربعين يوم إنشالله.. بس يعني أربعين يوم متواصل؟؟
و إذا كان وقت الدورة؟؟

حياك الله حنا في انتظارك
انا بنسبه حق وقت الدوره في كدا طريقه
1 -عن طريق برنامج تنزلينه في الكمبيوتر
2_ عن طريق برنامج تنزلينه في الجوال
3 - في جهاز اسمه القارى وحجمه حجم الجوال (الجهاز فضيع انا شريته وهو مو بس فيه القران مكتوب بل مسمع حق كدا شيخ وهم مشاري العفاسي - السديس - الشريم
وبعد فيه برصه وتفسير والادكار و موقيت الصلاه و الرياض الصالحين وفي صوت الادان

 

[صمت الهدوء]

والله يابنات عن تجربة توني ماره فيها بس الحمدالله ربي كتب لي الخير وكنت اقرأ سورة البقره كل يوم واقوم الليل واستغفر ربي واقرأ اذكار الصباح والمساء والحمدالله والشكر لله والله يابنات اللي بقت شي واسصعب عليها والله ما لها إلا ربها سبحانه والله يسهل للجميع ويكتب اللي فيه الخير ان شاء الله

 

[اهات الشوق]

الحمد الله حبيبتي الله يعطيج دايما اللي تتمنينه ان شاء الله

و قولي الحمد الله على هالشي


و ان شاء الله ربي يزيدج اكثر و اكثر


تستاهلين كل خير والله


و بخصوص قيام الليل اذا ساعات حسيتي انه ماتقدرين تتأخرين

ممكن تصلينها مباشره بعد صلاة العشا او قبل لا تنامين


عشان لا تضيعين الاجر وتطوفينها .. و مراعاتا لضروفج بالدوام


والله يسهل ان شاء الله

شلونج انت وشخبارج ان شاء الله بخير
ابي تجاربك

تسلمين حبيبتي والله حتى انت تستاهلين اكثر

والله توني ادري انه يصير قيام اليل بعد صلاة العشاء

 

[أمونه الأموره 2007]

بنااات انا شرفت علي اللي ماتتسمااش وقريت انه ماايصير تقريين القرآن اذا شرفت عليج وفي ناس ايقولون عادي تقرينها من التفسير شنووو الصح بليييييييز ردوا علي ضرووري

 

[Cherrrry]

بنااات انا شرفت علي اللي ماتتسمااش وقريت انه ماايصير تقريين القرآن اذا شرفت عليج وفي ناس ايقولون عادي تقرينها من التفسير شنووو الصح بليييييييز ردوا علي ضرووري

عادي حبيبتي .. القرآن مايصير تهجرينه 3 ايام


وتكرمين الدوره اكيد مو اقل من 5 ايام


فأكيد تقرين قرآن خلال هالفتره .. لكن ماتمسكين القرآن لانه لا يمسه الا المطهرون ..


ممكن تقرينه من برنامج تنزلينه عالكمبيوتر

او على التلفون


وانا حاطه بأول موضوعنا هذا روابط تنزلين فيها القرآن على الموبايل



او ممكن مثل ما اختي اهات الشوق قالت في الجهاز الصغير نفس اللي بالغانم يشغل القرآن و ممكن تقرينه بعد


يعني في اكثر من طريقه


والدليل انه تقدرين تقرين القرآن بوقت تكرمين الدوره انه الانسان قبل لا ينام لازم يقول الاذكار ..

والاذكار في قراءة المعوذات و اية الكرسي


يعني معناته انه مو حرام تقرين قرآن في هذا الوقت ..

الحرام بس انه تمسكينه بوقت انتي مو طاهره فيه


و لا تخلين شي يوقفج عن القراءه

الله يوفقج حبيبتي

 

[Cherrrry]

مشكورين يزاكم الله خير
ودي أبدي معاكم من اليوم إذا ممكن

العفو حبيبتي

و حياج الله معانا اكيد ممكن


و ناطرين مشاركتج

 

[Cherrrry]

والله يابنات عن تجربة توني ماره فيها بس الحمدالله ربي كتب لي الخير وكنت اقرأ سورة البقره كل يوم واقوم الليل واستغفر ربي واقرأ اذكار الصباح والمساء والحمدالله والشكر لله والله يابنات اللي بقت شي واسصعب عليها والله ما لها إلا ربها سبحانه والله يسهل للجميع ويكتب اللي فيه الخير ان شاء الله

ما شاء الله ..

الحمدلله على كل حال .. و صح كلامج اي واحد تواجهه اي مشكله لو لجأ حق الله بنيه مخلصه و يقين بقدرته راح يطلعه من كل مشكله


حمدي الله وايد على هالشي .. ترا هذي نعمه محد يحس فيها الا بعد ما تروح


و الله لا يحرمج من رضا الله ان شاء الله


مشكوره على تجربتج حبيبتي

 

[Cherrrry]

شلونج انت وشخبارج ان شاء الله بخير
ابي تجاربك

تسلمين حبيبتي والله حتى انت تستاهلين اكثر

والله توني ادري انه يصير قيام اليل بعد صلاة العشاء

تسلمييين حبيبتي ..

اي يصير تقومين الليل في اي وقت من بعد صلاة العشاء الى قبل اذان الفير


لكن يفضل في الثلث الاخير من الليل اللي لو حسبناه يطلع تقريب من بعد الساعه 12 بالليل


بس عادي تقدرين قبل ..


هذا مجرد وقت يستحب في لانه وقت استجابه ان شاء الله


و ان شاء الله بقولكم تجاربي

 

[Satanicly]

مشكورة وايد Cherrry عالكلام, و إنشالله باجر أنا رايحة العمرة و ببتدي من هناك في بيت الله, و إنشالله تكون فاتحة خير علي, خصوصا أنا إلي وايد عانيت من المس و الحسد, بس الحين الحمدالله كل شي قام يروح و يخف بالتدريج

 

[Cherrrry]

مشكورة وايد Cherrry عالكلام, و إنشالله باجر أنا رايحة العمرة و ببتدي من هناك في بيت الله, و إنشالله تكون فاتحة خير علي, خصوصا أنا إلي وايد عانيت من المس و الحسد, بس الحين الحمدالله كل شي قام يروح و يخف بالتدريج

العفو حبيبتي ..

و الله يشافيج يا رب و تكون فاتحة خير عليج ..



و لا تنسييينه بالدعاء


تروحين وتردين بالسلامه

 

[Satanicly]

من عيوني.. الله يسلمج sweetie

 

[الكادي83]

الحمدلله على هذي الحمله الحلوه والله يجزا اللي قامت فيها الخير ويجعلها في ميزان حسناتها

 

[مستقبلي احلى]

ماشالله تبارك الرحمن بادرة طيبه الله يثوبكم بالجنة و

وانا معاكم ان شالله