حملة قراءة سورة البقره كل يوم

[روزيتا]

السلام عليكم بنات


قرات الردود السابقه وخلطه الرومى شنو فايدتها ؟ شنو اتسوى ؟ ومتى استخدمها؟

والقراءه ان شاء الرحمن مستمره والله يعينى ويساعدنى

ادعولى بنات بارك الله فيكم وعسى ربى يحقق للكل اللى يتمناه

 

[أم منصور]

حبيبتي ام منصور

مافيها شي لو استخدمتي الخلطه زيادة الخير خيرين والوقايه خير من العلاج

اعذريني على لقافتي رديت عليج مع انج موجه السؤال حق الاخت جي جي

بس حبيت افيدج وان شالله الاخت جي جي تفيدج اكثر

مشكوره

هههههههه :تمونين والله ولا تقولين لقافه بالعكس انا مستانسة انج بينا وفعلا ناوية ارسل لج رسالة لكن انشغلت بالردود بالمنتدى واليوم صايمة الايام البيض فدايخة لاني تفطرت الساعة 8 ونص .

شوفي انا ما راح استخدم الخلطة لسبب اني طالما الحمدلله بخير فاكتفي بقراءة البقرة والالتزام بالاوراد والأذكار وقراءة القرآن .

مشكورة على الرد الكافي الوافي وحياج الله بينا مو بس اليوم انشالله دوم .

 

[أم منصور]

جي جي شلونج انشالله بخير ودي اعزمك على طلعة شلون تطلعين وياي ابي اطلعج من البيت لانج كل ما قعدتي تفكرين والتفكير مو زين . شرايج بالعزومة والله صاجة ومستعده


فلورز ما كو شي للحين نبي البشارة منج نفرح معاج يارب حقق لفلورز الي تبيه وتتمناه .


بنات ابشركم صديقتي ملجت والفضل لله والدعاء وكان بينهم عقبات كبيرة وبفضل قرائتها لسورة البقرة ذابت وانتهت العقبات الفال لكم يابنات .

بناتي حبيباتي شلونك طمنينا عنج

الكادي انشالله بخير ويارب يسهل امرج .

وكل البنات حياكم الله وهلا هلا في بدوية بنت الخليج تما تراها توصية من ام منصوووووووووور ديرو بالكم عليها لحد يقصر معاها بشي .

 

[[ . . Jee Jee . . ]]

هلا ياقلبوووووو انا بخير الحمد لله الله يسلمك ويخليك
ولا تعتذرين يالغاليه اي سؤال انا حاضره
انا عمري 27 لبستها من صغري من ايام ابتدائي وقبل سن البلوغ بعد
وطبعا الاهل كلهم يلبسون وجيرانا والربع كل السعوديه يعني هههههههههههههه
البنت لما تبلغ عندنااا وااااااااجب وضروري تلبس عبايه وتتحجب
موفقه عيوني :tek:

ماشاءالله عليكم تبارك الرحمن.. الله يحفظج لاهلج ويوفقج ويشافيج حبيبتي ...
فديت السعوديه واهلها اللي مثلج ياعنقود الامل..
ومثل ألفا بعد مانساها .. فديتكم والله...

جي جي
الي ما فيها شي تقدر تستخدم خلطة الرومي
الحمدلله انا بخير ومو حاة فيني اعراض شي ولكن كلامكم عن الخلطة خلاني اسال هالسؤال لها فايده اذا ماكنت اعاني من اي شي .
ومشكورة جي جي

مابينا شكر يام منصور ... يالغاليه اهو اللي يحسون فيهم شي معاهم عارض او يشكون يغسلون فيها.. السدر عموما زين حق الشعر .. والخلطة ماتضر اذا مانفعت او اذا نفعت.. كلها اشياء طبيعية ...
ام رفيجتي قالت لي عنها اليوم.. تقول غسلي فيها وانتي اخلطيها بنفسج وهذا اللي بسويه...

حبيبتي ام منصور
مافيها شي لو استخدمتي الخلطه زيادة الخير خيرين والوقايه خير من العلاج
اعذريني على لقافتي رديت عليج مع انج موجه السؤال حق الاخت جي جي
بس حبيت افيدج وان شالله الاخت جي جي تفيدج اكثر
مشكوره

حبيبتي انتي يابدوية ماكو فرق بيني وبينج وكلنا خوات .. شي حلو اللي تعرف تجاوب وانا اللي اشكرج ماقصرتي ..

بنات بقولكم شي سمعته من الشيخ ثامر العامر .. الله يجزاه خير ..
سألته مره ضروري اقرا سورة البقره 40 يوم ؟
قال : ان ماثبت عن الرسول عليه السلام ان لازم نقرا البقره 40 يوم بس قال مانتركها يعني بين فتره وفتره نقراها واهي فوائدها عظيمه بس مب شرط اربعين يوم متواصله عرفتوا..
يعني فيه بنات يتعاجزون يقرونها اربعين يوم ولو نظرنا لوضعنا احنا البنات لاتنسون ان العاده الشهريه وانتوا بكرامه ماراح تخلينا نكملها وانا سمعت اكثر من شيخ يقول مايجوز الحائض تلامس المصحف
ولو تسألون بهالشي يكون افضل عشان تعم الفائده على الجميع
ومشكورين

بدوية انا اول مابديت جذي بليس وسوسلي وقعدت احوس.. اقول يمكن بدعه .. بس ثبت لي انه مو خطأ...
وعرفت انه الشيوخ والرقاة يقولون اقريها 40 يوم .. لان اللي فيها شي ماتقدر تكملها 40 يوم ورا بعض..

وثاني شي يالغاليه البنات هني يبدون اول شي باربعين.. بعدين يكملون .. الحمدلله انا طفت الاربعين..
وقسماً بالله انه حياتي تغيرت منها.. وزدت التزام وصرت غيرعن قبل الله يجزاها خير تشيري شجعتني وبتم ذاكرتلها هالشي يوم الحساب... والبنات ماقصروا خاصة ألفا وام منصور وفلورز...


اما عن الحائض.. انا لما تشرفني ام عباس اقرا من موقع القرآن.. تلقينه بتوقيعي..
واذا ماقعدت هالجهاز وانا بقرا اقرا من التفسير ...
تقدرين تقرين من القرآن اذا تبين بس لبسي قفازات... والله يوفقج..

انا جربه خلطة الرومي وماشفت لها نتايج

زوغة ... جربتيها نفس ماهو مكتوب؟ قريتي على الماي؟ نيتج كانت صادقه انه بإذن الله راح يكون منها شفائج بإذن الله؟ اذا كل هذا "اي".. قوليلي منين شريتيها او اذا خلطتيها بنفسج..
وقوليلي عن الي تحسينه عارض واذا ترقين نفسج او لأ...
راح اقدر اساعدج لو جاوبتيني ان شاءالله.

بنات انا اليوم قريت الرقية في كاس ماء يوم شربته ورشيت على نفسي منه جتني بعدها بخمس دقايق ضيقة كل شيئ شين في حياتي جاء في وجهي وكل الفال الشين جبتة بغيت اصيح بصراخ من ضيقة الصدر اختي تقول هذي حالة نفسية والله محتارة في احد صار معه نفس الشيئ انا اجلس افكر افكر واحس بنفجر حتى احس ودي اركض واركض واطلع من البيت يعني قمة الهروب من كل شيئ
بعدها سمعت للرقية من النت صار انقباضات في ركبتي اليسار مثل الشد وراء بعض كل دقيقة مرة ورجولي ثلجت بردت مرة
تعبت تعبت تعبت
ومخي يشتغل هواجيس وافكار شينة يااااااااااااارب فرج لي

ألفا.. ماشاءالله تأثرتي بالرقيه.. الرقيه مو شرط تأثر فيني وتأثر فيج.. كل انسان يختلف عن غيره وانتي أثرت فيج وحلفتج بالله تواضبين عليها اكثر التزام من اليوم وامس بإيمان صادق انه الله بيشفيج بآياته الكريمة بإذن الله...
اذا محتاجه تتكلمين انا موجودة على المسنجر اوف لاين بأي وقت حاجيني ...
لا تنامين الا على وضوء..

والاذكار عشان تحصنين نفسج.. حبيبتي فرحت لج... لا تستغربين مني.. ترى هالشي زين مو شين

السلام عليكم بنات
قرات الردود السابقه وخلطه الرومى شنو فايدتها ؟ شنو اتسوى ؟ ومتى استخدمها؟
والقراءه ان شاء الرحمن مستمره والله يعينى ويساعدنى
ادعولى بنات بارك الله فيكم وعسى ربى يحقق للكل اللى يتمناه

وعليكم السلام ورحمة الله... الخلطة هذي تساعدج على الشفاء لو في شي بتفيدج وماتضرج ابداً...
يقول الراقي انها شفت حالات عنده بإذن الله..
اهم شي الرقية ..

اذا كنتي توج بادية بقراءة البقرة.. كملي الاربعين.. واذا حسيتي باعراض مثل ضيقه البلعوم احلام مزعجة عن حيوانات تلحقج او ناس سود اعوذ بالله.. او كدمات على جسمج او خوف بدون سبب...
ابدي رقيه شرعيه لج..
لو كانت الاعراض بعد الرقيه كبيرة واضحة تغسلين فيها..
ماشوف في شي يمنعج تغسلين فيها قبل كل هذا...
بس انا اقول ارقي نفسج اول يمكن ماتحتاجينها ان شاءالله ...

وبسأل عن علاقه السدر والشب والملح بالرقيه والشفاء وبرد لكم خبر ..


آسفه على طول الرد.. حبيت ارد عليكم ياخواتي الغاليات بدون تقصير ...

بنات وين فلورز؟ .. يا أميرة وينج ؟...

 

[[ . . Jee Jee . . ]]

جي جي شلونج انشالله بخير ودي اعزمك على طلعة شلون تطلعين وياي ابي اطلعج من البيت لانج كل ما قعدتي تفكرين والتفكير مو زين . شرايج بالعزومة والله صاجة ومستعده

بنات ابشركم صديقتي ملجت والفضل لله والدعاء وكان بينهم عقبات كبيرة وبفضل قرائتها لسورة البقرة ذابت وانتهت العقبات الفال لكم يابنات .

والله يام منصور انه رفيجتي وامها زاروني اليوم والله لو اقولج عن شكلي وانا قاعده معاهم تقولين شفيها سهالبجامة شهالزند ليش لابسه حفر وو والله افششششششششل
بس خالتي يحليلها ماكانت تدري عن سوالفي وانا عبالي رفيجتي قالت لها يوم قعدت اسولف عيونها دمعت
وكل ماقلت شي قالت اي نفسي قبل وعذرتني على القطاعة وقالت لي امشي افر فيج الكويت واوديج مطوع هني كنا نروحله ومارحت .. وعدتني تمرني باجر قلت لها لأ والله اختي تقولي كل يوم طلعي معاي واقولها مالي خلق... واليوم تقولي امشي يلا وليلحين ماقلت لها شي .. والله يهبلون وانا مقصرة معاهم كلهم..

شي يقهر اني ابعد الناس اللي تحبني عني.. شي يقهرر اني اقدر اطلع واتمشى واستانس وانا ما ابي..
واكبر قهر لما اخاف ومادري من شنو خايفه؟!! وخوف خوووف مو عبط
رعب مو طبيعي.. اللي تقعدين بزاوية وتلحفين وعيونج ماتغمضينها .. اعوذ بالله من غضب الله..


يام منصور انتي من اللي يحبوني لله وانا واثقه وانا بعد والله وماحلف جذب والقلب شاهد... وادري اني جليله حيا وذوق لما اقولج والله ماودي.. مستثقله الطلعة حيل وماحس بشوق لها بالعكس مابي اطلع ..
قبل فترة بنيه عرفتها من منتدى .. بطلت ادش المنتدى من سنتين وبعدني اعرفها تميت اعرفها ويوم سألتني ليش قاطعة وقلت لها عرضت علي تمرني وانا عمري ماشفتها الا بالمسنجر ولا شافتني...
شي يعور القلب انكم خواتي تحبوني وتبونلي الخير.. ومو قادرة ارد لكم شي بالمقابل الحين..
بس على قد القهر على قد ماراح اذكر لج هالشي يام منصور.. وعساني ماردها لج بنفس الموقف ابد لا فيج ولا في كل من تحبين.. بردها لج بوقت تحتاجيني من غير شر يالغالية.

 

[ام الخير]

كيفكن صبايا

 

[الكادي-83]

انا جربه خلطة الرومي وماشفت لها نتايج

في أستخدام الخلطه او حتى ماء مقروء فيه او زيت أهم شيء النييه وهي

بأن الله هو الشافي المعافي مو الخلطه او الزيت والماء

وان بقدرت الله سيتم الشفاء

كذا قالي احد المشايخ ان أنوي ان الله هو من سيشفيني ومن يحميني من شرور خلقه

ويمكن الخلطه تخفف عنك بعض العارض مو كله

وفي ناس كانت هي بعد الله سبب في الشفاء

 

[الكادي-83]

الكادي83

يقولون عادي نتسبح بالماي المقري بالحمام مافيها شي
وبعدين عني سؤال يعني لازم اتنقع بالخلطه مايصير اتسبح فيها من غير ماتنقع ؟

ومشكوره

أعتقد ان الماء المقروء فيه مايجوز كته في الحمام تتسبحين عادي بس تتخلصين من الماء خارج الحمام

وأفضل شي تتنقعين فيها يعني لو حتى 10 دقايق

في راقي ممتاز من زمان عطاني خلطه وقالي تنقعي فيها نص ساعه وهذا دليل على فائدة الجلوس في الخلطه لمده معينه

وأسأل الله ان يشفي الجميع

 

[الكادي-83]

الكادي انشالله بخير ويارب يسهل امرج .
.

الله يجزاج خير مانستغني عن دعواتج الحلوه

ومبـــــــــــروك زواج صديقتج والله يتمم عليها فرحتها وعقبــــــالنا :0bee2e8d89: بأذن الله

 

[الزين 83]

السلاااااااااااااااااااام عليكم


انا بديت اقرا سورة البقرة قبل اسبوع يومياااااااا واليوووووووووووم شفت موضووع الحملة وحييييييل تشجعت واناااااا انشالله بكوووون معاااااااااااكم ولاتنسووووووووووووووووووون تدعون لي
بالزواااااااااااااااااااااااااااااااااااااااااااااااااااج قولوا اميييييييييييييييييييييييييييييين:dddds:

 

[أم منصور]

[QUOTE='[ . . Jee Jee . . ];3985156'

يام منصور انتي من اللي يحبوني لله وانا واثقه وانا بعد والله وماحلف جذب والقلب شاهد... وادري اني جليله حيا وذوق لما اقولج والله ماودي.. مستثقله الطلعة حيل وماحس بشوق لها بالعكس مابي اطلع ..
قبل فترة بنيه عرفتها من منتدى .. بطلت ادش المنتدى من سنتين وبعدني اعرفها تميت اعرفها ويوم سألتني ليش قاطعة وقلت لها عرضت علي تمرني وانا عمري ماشفتها الا بالمسنجر ولا شافتني...
شي يعور القلب انكم خواتي تحبوني وتبونلي الخير.. ومو قادرة ارد لكم شي بالمقابل الحين..
بس على قد القهر على قد ماراح اذكر لج هالشي يام منصور.. وعساني ماردها لج بنفس الموقف ابد لا فيج ولا في كل من تحبين.. بردها لج بوقت تحتاجيني من غير شر يالغالية.[/QUOTE]

جيجي تراج ضيقتي خلقي حيل والي تسوينه في نفسج ما يجوز --- انا قبلج ابتليت باكبر منج لكن الحلو فيني اني كنت اعيش حياتي ولا كنت اسمح لآحد ان يقضي على الفرحة الي ربي زرعها بقلبي وهذي نعمة من رب العالمين اطلع البس استانس ولا الي انا هذا فيني قويه بفضل الله .

لا تكونين ضعيفة ويتمكن الشيطان منج مفروض انج تقاومين وتكونين اقوى من جذي وتعيشين حياتج وتطلعين وتختلطين مع الناس لانج اذا استمريتي بهذا الوضع يصيبج اكتئاب وهذا مرض ما راح تتعالجين منه الا عن طريق دكتور نفسي وليش تدخلين نفسج بهذي المتاهات وليش تعطين اي احد فرصة يحطمج فكري في اي مشكلة تصيبج لا تحرين نفسج عليها لسبب ان المشكلة راح يجي يوم وتروح لكن الشي الي خلفته المشكلة من مرض واكتئاب ممكن يظل معاج طول العمر .

وانتو تدرون الحزن في القلب يورث امراض يصعب الطب حلها --- ارجوك رجاء اذا كنتي تحبين ام منصور صج انج تطلعين بهالغبار والجو العجيب ههههههههه :dddds: شرايج لا حشى طلعي زوري اهلج سوي شي يغير حياتج .

اتمنى انج ما تفشليني هالمرة :0bee2e8d89: وبالنسبة للطلعة انا عند كلمتي متى ما بغتي تتدللين يالغاليه


أم منصووووووووووور

 

[بدويه بنت الخليج]

ام منصور

مشكوره وايد على طيبتج معاي واهتمامج فيني وبالكل الله يعطيج كل ماتحلمين فيه وتتمنينه

ومشكوره واااااااااااايد على توصيتج علي كلج ذوق

 

[بدويه بنت الخليج]

اختي جي جي..

بقولج شي وابيج تفهميني ..

من رد ام منصور عليج حسيت انج تمرين بمشكله ( عسى الله يفرج همج)

سمعيني الحياة لحظات وكل لحظه من عمرج تمر ماترجع بعد حطي هالشي في بالج

انا ماراح اقولج الله يعينج وقلبي عندج بقولج شي واحد واعذريني على اسلوبي مع احترامي لج اسمحي لي اقولج انتي وحده تفكيرج على قدج

لاتزعلين بس هذا الصج الحين انتي قاطعه الناس وحارمه روحج من الوناسه عشان شنو عشان مشكله طيب ليش هالمشكله هذي تستاهل انج تعيشين نفسج بهم وضيقه ؟
اعذريني انا مادري شنو مشكلتج بالضبط بس مهما كانت المشكله ماسمح لها انها تهزمني

الحياة نعمه من ربنا ... المفروض نشكر ربنا عليها مش نجلس نبكي ونتألم ونحسس ربنا انه ظلمنا يوم وهبنا الحياة

انا اللي اتكلم معاج الحين مريت بمشكله الله يعلم شلون كانت حالتي كنت ماانام الا على حبوب مهدئه تعرفين اللي كرهت حياتي بس بعدها ربي هداني وعرفت ان اللي قاعده اسويه بنفسي غلط ومافيه شي يسوى ماحب اذكر مشكلتي لأني مابي اضحك على نفسي واتذكر شلون كنت حماره مش غبيه بس الا حماره وهبله (واعتقد ام منصور تتذكر مشكلتي لأنها من الناس اللي ردوا علي)

صدقيني ..

الحياة حلوه ( عيشها واتهنى خير ماتستنى)

واسفه اذا طولت عليج واسفه على اسلوبي اللي مادري شنو اسميه

تحياتي لج والله يسعدج ويوفقج

 

[دمثة]

مشكورة ويجزاك الف خير

 

[[ . . Jee Jee . . ]]

اتمنى انج ما تفشليني هالمرة :0bee2e8d89: وبالنسبة للطلعة انا عند كلمتي متى ما بغتي تتدللين يالغاليه

ماعاش من يفشلج يالغالية... انا والله مو متضايقه من قعدتي بالبيت.. مسوية جني معتكفه وقاعده اعوض السنين اللي طافت بدون ذكر والله يقدرني.. ام منصور بعد عمري والله انا مو متضايقه من قعدتي بالبيت..
كنت ابي دوامي قريب من بيتنا عشان اداوم في مكان قريب وادري انه راح احب الطلعة بعدين.. لانه انا جذي اقعد فترة بالبيت ولي طلعت اقول وناسة بطلع كل يوم... بعدين ارد اقعد ماطلع وجذي....

شوفي.. اول بادرة.. انا من امس افكر بكلامج وكلام رفيجتي وامها والبنات.. وخواتي قالولي قبل بعد.. الله لا يحرمني منكم... وقلت بجرب .. بطلع باجر الصبح معه اختي من زمان ماطلعت...

ام منصور انا ابيخ فيني اني ماستمر على الرقيه..
بس ماشاءالله انا مرتاحة اليوم الحمدلله ..
ام منصور انتي اكيد تقرين بس انا اذكرج .. لا تخلين الاذكار ترى اهي تحصين لج من كـــــــــــــل شي..
اقري اذكار بعد الصلاة.. سبحان الله راحة نفسية كبيرة.

وآخر شي بهالرد لج.. " الله لا يحرمني من تأثيرج الحلو بنفسي, والله لا يحوجج لأي أحد بالدنيا إلا لناس مثلج, وعساني أكون منهم ".

اختي جي جي..
بقولج شي وابيج تفهميني ..
من رد ام منصور عليج حسيت انج تمرين بمشكله ( عسى الله يفرج همج).............

حبيبتي اول شي مسموحة.. انتي اختي في الله الحين دامج معانا بالحملة..
ثاني شي والله ماعندي مشكلة .. الا الضيقه اللي تحوشني مرات وانه رزقي قليل..
ماحب الدنيا وماتوفقت بوظيفة ولا دراسة.. بس أملي في الله كبير... لو ماتوفقت قبل هذا من نفسي.. لأني كنت غير عن اللي انا عليه الحين...
أما الحين انا أملي كبيييييييير برب العالمين.. وصرت استاهل انه الله يرزقني.. لكن الصبر هذا امتحان.. والله كريم ...
انا فهمت قصدج انه "تفكيري محدود/ أتضايق واحبس نفسي في البيت"... انا صج قاعده بالبيت.. بس مو لأني متضايقة او حزينة وهذا شي طبيعي يصير بعض الأوقات الحين الحمدلله قلت الأوقات هذي لأني بطلت عداتي القديمة* الحمدلله ... انا من عمري ماحب اطلع.. بيتوتيه لأقوى درجة.. اطلع بالشهر مرة او مرتين.. وعمري ماقلت بطلع لما اتضايق انا راحتي بالبيت..

وادري انج تقولين جذي تحاولين تساعديني.. انا ماتضايقت من اي شي كتبتيه بس والله تضايقت من كلمة كتبتيها انتي محشومة عنها ومارضاها عليج.. عمرج ماكنتي ولا بتصيرين.. انا وياج وكل البنات مشكلنا تتشابه.. كنا كلنا بعيدات عن الله.. الحمدلله الي رجعنا له.. قولي آمين..

الله يثبتنا على جذي ومانتغير ابد..

 

[أم منصور]

ام منصور

مشكوره وايد على طيبتج معاي واهتمامج فيني وبالكل الله يعطيج كل ماتحلمين فيه وتتمنينه

ومشكوره واااااااااااايد على توصيتج علي كلج ذوق

بالعكس ما سويت شي يالغاليه


لكن ابي نتيتج وعزيمتج تكون قوية باذن الله وانج لا تياسين بسرعة وماشالله مبين عليج ان حبيتي توصلين

لشي باذن الله ستصلين له ونبي هذا العزيمة للوصول والقرب الى الله بكل ما تقدرين .


وابي اوضح للخوات اني والحمدلله كنت ملتزمه باداء الفرائض يوميا والعبادات الي تقربني لله


لكن لما بديت الحملة والتزمت بقراءة سورة البقرة يوميا لمدة شهرين وبعدها بديت اقراها كل 3 ايام مرة


حسيت بفرق كبير في صحتي وتغيرت للأفضل والي حابة تشوف الفرق في حياتها

تستمر الأربعين يوم متواصلة وبعد ذلك تقرر سشعر بصدق كلامنا .

وهذي كلمه لكل اخت تقول ان ما جاء على لسان احد ان نلتزم بقراءة سورة البقرة 40 يوم فعلا ما جاء

على لسان احد لكن هي تعين للي يعاني من اي مرض او اذى او ضيق او مشكلة او سحر او مس باذن الله

يشفى ويتعافى ويحس بالفرق الكبير واكرر هذه الجملة لان سورة البقرة تنو ر القلب ونور للبيت . :tek:

جي جي راجعة لج لحبيبتي ---- توني متفطره ودايخة اليوم :eh_s(8): احبج في الله

 

[[ . . Jee Jee . . ]]

بعد عمري والله اوخيتي... يامال العافية ريحي قلبي وانسدحي وشوفي نور معاي .. حياج تعشي معانا؟ << بذبحج لول

بالعااافيه فديتج :*

 

[أم منصور]

بعد عمري والله اوخيتي... يامال العافية ريحي قلبي وانسدحي وشوفي نور معاي .. حياج تعشي معانا؟ << بذبحج لول

بالعااافيه فديتج :*

عليج بالعافية

تدرين اني ما طالعت ولا حلقة من مسلسل نور اشوف تواقيع البنات حاطين صور ابطال المسلسل .


والله اني بنام والصداع ذابحني لكن قبل لا انام برد عيج


اوكي انا مثلج ما اطلع من البيت الا للضرورة لكن بنفس الوقت اقضي التزاماتي العائلية


وبخنصر الموضوع وبقولج شتسوين طالما قاعده بالبيت روحي اشتري سي دس للمسرحيات التاليه


عائلة قرقيعان ---- سوبر سطار --- شوفي باجر اخذهم كلهم من منصو ر واعلمج مسرحيات طارق

العلي كلها تضحك عندج مسرحيات كويتية مثل على هامان يافرعون باي باي لندن سيف العرب ومسرحيات

مصرية قديمة مثل شاهد ماشافش حاجة ومدرسة المشاغبين العيال كبرت والمتزوجون

يالله تصبحين على خير يالحلوة ولا تفوتين مسرحيات طارق العلي افطس عليهم ممن الضحك :dddds:

 

[Cheerful Spirit]

جزاج الله خير ياصاحبة الفكرة والله شجعتوني والله يقدرني على القراية كل يوم
وادعولي بنات بالذرية الصالحة

 

[عـــرووب نت]

جزاك الله الخير على الموضوع الطيب ويرزقج الله الجنه وترى اختي انظري للامور من جانب اخر يعني لمن تكونين مظلومه الحلو ان ما بين دعائج وبين الله حجاب الحمد لله مظلومه ولا ظالمه اسمعي من وحده جربت الظلم ان الله قريب مجيب
تحياتي
امة الله