حملة قراءة سورة البقره كل يوم

[***الزين***]

انا صارلي 23 يوم ادعولي الله يثبتني

 

[اهات الشوق]

السلام عليكم ورحمة الله وبركاته
شلونكم بنات ان شاءالله بخير
و هلا ومرحبا في بنات الجدد في الحمله
عنى انا صارلي مده ماقريت سورة البقره
بس الحمدالله توني رده وان شاءالله استمر

 

[اهات الشوق]

السلام عليكم
شلونكم يابنات الحملة الصراحة انا فرحت انه عندنا بنات عزيمتهم ماشاء الله قوية والحمدالله الدنيا مازالت بخير
الصراحة لفت انتباهي فضل سورة البقرة ماكنت متوقعة ان لها فضل كبير ,
-----------------------
سؤال حيل محيرني حتى اني موقادرةاسال فيه احد . ودي أسألكم وانشاء الله تفيدوني.
المشكلة اني تعديت الثلاثين ولم يطرق بابي احد اخواتي اللي اصغر مني اللي تزوجت واللي انخطبت . في بداية الامر كنت اعتقد انه نصيب واللي يجيها نصيبها نزوجها والله يرزقها ويثبتها عند زوجها .
بس الموضوع طول والله العظيم مافي احد طق الباب يطلبني هذا اللي يحير ليش .
ومن قريت اسباب العين والسحر وهذا غير الاحلام الصراحة شكيت بعمري والحمدالله ايماني قوي واعلم ان الله تعالى سوف يرزقني وانشاءالله يعوضني عن سنين الحرمان .
والله يابنات اني لما اكون بالدوام واشوف البنات اللي بعمري وهم متزوجين وعندهم عيال احس بالم في قلبي بس اراجع نفسي على طول واقول انشاءالله ربي راح يعوضني .
فانا ودي اسوي رقية بس موعارفة يعني اروح لشيخ يقرا او انا اقرا على نفسي وشنو الايات اللي تنقرا في الرقية , بس اعرف نفسي اذا انا برقي نفسي ماراح اكمل فودي اروح لشيخ علشان هو يعرف في امور الرقية . شرايكم اروح ولالا لا؟
____________________________________________
والله العظيم ان هذه المرة الاولى اللي افضفض فيها لاحد وان شاء الله تكونون خواتي الكبار وانا اعلم انكم اصغر مني بس ودي يكون عندي خواتي كبار .
​

حبيبتي اول شي هلا وغلا فيج وعتبريني اخت لج في منتدى

اذا انت شاكه ان فيج شي روحي عند الشيخ ثقه وشوفي عن نفسج ترا عادي ماراح يضرج بشي
رفيجتي كانت شاكه ان فيها شي خاصه بعد مامسكتها وحده تبيع عطور في معرض روضان وقالت لها انت مسحوره وعلمتها عن اشياء عن حياته خاصه (شكل حرمه تعامل مع جن )
ورفيجتي شكت قالت ليكون فيني شي
نصحتها تروح عند ابو حاتم
ماكذبت خبر وراحت رفيجتي وقالت حق شيخ سالفه وقرا عليها وقال لها وسألها كذا سوال عن شنو حست فيه وهو يقرا عليه وجوبت رفيجتي عليه وقال لها انت مافيج شي وكلام الحرمه كله غلط
حبيبتي روحي عند شيخ وقطعي شك بالقين
وترا ماراح يضرج شي بس اذا رحتي لا تعلمين احد الا امج وخواتج (يعني اقضي حواجكم بكتمان )

وانا شاءالله ماتخلص سنه هذي الا انت وانا عرايس

 

[اهات الشوق]

بنات انا توني كلمت الشيخ احمد القطان وسألته عن أدعية الزواج وهل في قراءة معينة للقرآن ؟
اتعرفون شنو رد علي ؟
قالي شوفي يا بنتي قراءة سورة البقرة 40 يوم هاذي لا أصل لها لا بكتاب الله ولا بسنة نبيه عليه الصلاة والسلام
وقراءة أي سورة بنية للزواج أو طلب معين بعد لا أصل له
قلت طيب يا شيخ شنو المطلوب منا
قال شوفي يا بنتي موسى عليه السلام رفع ايديه واهو متيقن بإجابة رب العالمين له وقال
( ربي اني لما انزلت الي من خير فقير )
وبعدها تزوج والقصة طويلة وانتوا عارفينها
يقول قولي هالدعاء
قلت طيب يا شيخ انا اصلي قيام الليل قبل الفجر بساعة واقرا سورة البقرة قال بارك الله فيج بس شوفي لا اتحددين لسورة البقرة
نية اقريها لوجه الله بس
بعد الصلاة مو تدعين بس بالزواج لا ادعي باليقين والجنة وخير الدنيا والآخرة والصلاح والثبات على الدين وادعي بالزواج وادعي للوالدين والاهل والمسلمين جميعا
واستغفري واذكري الله في كل حين وادعي بكل وقت وحين والله يرزقج وقراءة القرآن كلها خير بدون تحديد سور معينة
سورة البقرة حفظ من الشيطان وبركة للبيت والاهل اقرئيها بشكل عام لوجه الله بدون نية معينة
يا بنات انا قلت خل اقول لخواتي .. ذكر فإن الذكرى تنفع المؤمنين
الله يجعلنا ممن يستمعون القول فيتبعون احسنه
انشروها يا بنات ولكم الأجر

حبيبتي مشكوره

ولازم انت تقرين سورة البقره تقرين معه جزمن القران الكريم يعني اقري كل يوم سورة البقره وخصصي جزء معين من القران علشان الختمه واستغفري وتصدقي ودعاء

 

[اهات الشوق]

حبيبتي الكادي شلونجان شاء الله بخير
بشريني عن اختج

 

[*لؤلؤة نادرة*]

السلام عليكم
وينكم بنات
انا قريتها يومين و بعدين قطعتها
اللهم يا مقلب القلوب ثبت قلبي على دينك

 

[FROLA]

السلام عليكم اناقبل كم شهر قريت البقرة 50مرة وتكاسلت ووقفت والحين بديت من جديد ل10مرات وهم وقفت شلون استمر بدون توقف والاستغفار شكثر اقطع هالشي يحبطني

 

[FROLA]

خواتي احنا نقراها لله ثم باجرها يرزقنا اللة ويبارك لنا بها

 

[FROLA]

قولو ماشاء الله
بقلكم تجربتي مع سورة البقرة للفائدة والتشجيع انا ماكن احد يتقدملي وكل البنات حولي تزوجو الا انا هالامرحز بخاطري وقلت لازم اسوي شي فقمت بحملة رقية شرعية لنفسي وهي
1)قراءة سورة البقرة يوميا
2)الدعاء باوقات الاجابة
3)عمل ماء مقري علية الرقية الشرعية واتسبح فية كل يوم
بعدذلك اثناء الرقية صرت اشوف رؤى كثيرة من تفسيرها ان هناك ما كان يمنع زواجي اما حسد او نفس لا اعلم استمريت عالرقية هذي
لمدة40 يوم بعدها والله يابنات كل اسبوع في شخص يتقدملي واستخير فيه وتفشل ثم ياتي بعده شخص اخر وهكذا يمكن 6 اشخاص وبعدها زوجي تقدملي وتزوجت بشهرين قولو ما شاء اللة

 

[بنت الأصايل]

الله يجزيكم كل خير يارب

بارك الله فيكم

 

[q6aiwa]

الله يجزاكم خير

الله يجزاكم خير

الله يجزاكم خير يابنات

والله هالمنتدى فير خير وبركه

 

[حـــــلا]

استغفر الله العظيم التواب الرحيم واتوب اليه لذنبي ووالدي وللمؤمنين والمؤمنات والمسلمين والمسلمات الاحياء منهم والأموات

 

[الشقردية المزيونة]

الله يثبتنا ان شاء الله

انا بديت فيها امس

صليتها بالثلث الاخير 6 ركعات

بنات بغيت اسال عن شيخ راقي ثقة

الله يجزاكم خييييييييير ساعدوني

 

[bint_q8]

الله يجزاج خير علي هالموضوع

ان شاءالله مفكره ابلش معاكم بس خل اخلص دوره واسجل معاكم بالجدول

موفقه ياقلبي

 

[بنت اوسكو]

ربي ايوفقج ويعطيج اللي اتمنينه ييياااااااااااااااااااااااااااااااااااارب
ببدا من اليوم
انا اقراها دايم ولله الحمد بس ما اكمل 40 يوم هالمره بإذن الله بكمل وبستمر عليها
نبي الدعااااااااااااء

 

[همي ديني]

بارك الله فيكم


سورة البقرة بركة وتركها حسرة


انا مجربتها اذا قرأتها اشعر براحة فضيعة وكان هناك حمل على صدري يذهب سبحان الله بقراءتها

...................فضلا عن القرآن كله نفس الشيء .........فكيف لا وهو كلام مالك الملك جل جلاله

 

[واثقه خطاي]

انا صارلي 23 يوم ادعولي الله يثبتني

الله يثبتك وينبت كل البنات .............. بس السور الثانيه لازم نقراها

 

[ShoSho_4]

قوه بنات شلونكم حبايبي ان شاء الله بخير ؟
بنات انا احابه انضم معاكم بقراءة صورة البقره وببدي فيها لما اخلص من الدوره ان شاء الله بس حبيت اعرف متى احسن وقت اقراها ؟
وشلون طريقتكم يعني كل ما اقراها ادش اقولكم قريتها وخلصت لانه ابي احد معاي عشان اتشجع اكثر

 

[* قطر الندى *]

الحمدله الليلة 14 يارب ثبتني على طاعتك يااااااارب

 

[أم منصور]

ما شالله تبارك الرحمن مستمرين الطيبين

عليكم بالعافيه انشالله تتهنون يارب