حملة قراءة سورة البقره كل يوم

[اشكثراعاني]

مشكوووووورة ياقلبي على هذي النصيحة بس بعرف جم يوم اتصلين

 

[Cherrrry]

جيري حبيبتي والله يزاج الله ألف خير على الي قاعده اسوينه
إنشاء الله تلقينه بميان أعمالج قاعد اشجعينا على القرايه
أنا إنشاء الله قبل لا أنام بقرها

سوري أذيتج معاي حبيبتي بس أنا كنت مو واضحه بصيغة سؤالي
سؤالي ماكان عن مدة القرايه
قصدي إنا إن اللي أنا سامعته إنا لا يتي تقرين البقره لا تردين على أحد و لا تشيلين التليفون يعني يفضل إنج تقرينها سنه وحده ( يعني أقصد بهالجمله بدون مقاطعه من أحد )
وشاكرتلج سعة صدرج و ردودج علينا
وعسى الله يثبتنا و نكمل قرايتها

امبييييييه شفيني ما افهم لووول عبالي تقولين سنه كامله = 12 شهر :krkrkr:



اي انا بعد سمعت هالشي انه لازم تقرينها كااامله بدون مقاطعه عشان جذي بعض البنات اللي يسألوني عادي نقسمها او لأ كنت اقولهم يفضل انها تكون كامله ..

يعني قعده وحده تخلصينها و هذا اللي سمعته من اللي ينصحون في قرايتها حق علاج الامراض


و سوووري مافهمت قصدج لول

 

[Cherrrry]

يااااااااااااااااااااااااااااابنات

أكثر المشايخ ينصحون بقراءة سورة البقره في ركعتي قيام الليل يعني تقسمينها على ركعتين 24 صفحه في ركعه الأولى 24 صفحه في الركعه الثاني

أنا صارلي يومين ماشيه عليها والحمدلله صح ان فيه تعب بس اللي يبي الخير يتحمل

وهذي الطريقه أكثر شي ينصحون فيها مرضى المس والعين والسحر وأثرها عجييييييييييييييييييييييب

والله من محبتي لكم حبيت أنقل لكم هذي المعلومه لأن شيخ نصحني فيها لأني اعاني من عين تمنعني من الزواج والله اشفت الجن تصارعني لما قريت سورة البقره والشيخ قالي استمري على هذي الطريقه وتشوفين أثرها سريييييييع

وبأذن الله ابشركم قريب عن كل خير قريب قريب قريب قولو آآآآآآمين

الله يشافيج يا رب و يبعد عنج العين و يكافيج شرها


ان شاء الله راح نجربها و اكيد اللي يبي الاجر ما يهمه التعب المهم بالاخير نرتاح من اللي احنا فيه

تسلميين حبيبتي على اهتمامج ماتقصريين والله

 

[Cherrrry]

جزاج الله خير شيري والله نصايحج آخذها بعين الاعتبار الله لايحرمنا منج

بعد عمري مشكوره و لا يحرمني منكم كلكم خواتي و تستاهلون الخير

 

[Cherrrry]

مشكوووووورة ياقلبي على هذي النصيحة بس بعرف جم يوم اتصلين

العفووو ..


بس مو عارفه تقصدين منو بالسؤال انا او اختي الكادي ؟


بس اذا قصدج عن قيام الليل ..

انتي كل وقت تحسين قادره تصلين صلي ومنتي خسرانه شي و بتلاقين التوفيق في حياتج من الله ان شاء الله

 

[New Mum]

مشكوره حبيبتي
أنا قميضه أمس نسيت أقراها أو بالأحرى لهيت كل ساع بعد شوي
بس الحمد لله اليوم قريتها

 

[ملح وقبله]

جزاكم الله خير تجاربكم روعه
الله لا يحرمكم الأجر
أنا ان شاء الله بديت اقراها وان شاء الله بداوم عليها
بس بسألكم
إذا قريتيوها تدعون بعدها ؟؟ يعني بدون صلاة ؟
ولا لازم تصلون بالليل وانتم تقرونها ؟؟

 

[flowers_q8]

الكادي بسألج اذا قريت البقرة نفس طريقتج 24 صفحة بالركعة عادي ادعي بالسجود باللي ابي؟ وبعدين عادي اصلي واقراها وانا واقفة واذا تعبت اقعد؟

 

[الكادي83]

هذا جدولي يتكلم عن نفسه

http://www.raffe3.com/download.php?filename=8a28c1842c.doc

 

[flowers_q8]

خواتي شدوا الحيل بقراءة البقرة والقرآن عموما واللي ربي فرجها هما تقول لنا تشجعنا ربي لايضيق لكم صدر
انا اليوم ضاق صدري شوي ربي قادر يفرج همي وييسر مرادي ادعو لي

 

[الكادي83]

الكادي بسألج اذا قريت البقرة نفس طريقتج 24 صفحة بالركعة عادي ادعي بالسجود باللي ابي؟ وبعدين عادي اصلي واقراها وانا واقفة واذا تعبت اقعد؟

بالسجود ادعي باللي تبينه وحطي عندج كرسي وإذا تعبتي اقعدي عادي بس صراحه انا أفضل اني أكمل وانا واقفه الرسول صلى الله عليه وسلم كانت تتفطر قدماه من الوقوف وحنا مو احسن منه انا لما اتعب اتذكر هذا الشي ويزيد حماسي واتلذذ بالتعب

 

[عالي مستواها]

انا ولا مرة قريت البقرة كلها دفعة وحدة بقعده وحده لازم اجزئها مع اني اقرا قرآن باليوم كثير

جربت مرات خذيت ساعة كاملة للحزب والجزء فيه حزبين يعني البقرة فيها خمس احزاب او يزيد

انتوا شلون تقرون ؟ انا لما اقرا لازم جهري وبتلاوة عشان جذي اطول بس مرتاحه احس بخشوع اكثر احسن من اني اقراها جني اقرا جريدة

حتى لما اقوم الليل اقرا جهري .. سألت وقالوا لي يجوز خاصة اني بالغالب اسمع من حفظي وماعرف إلا جهري لازم اقرا بصوت وترتيل

انتوا تقرون مثل ما تقرون كتاب عادي يعني صح ؟ عشان جذي تقدرون تخلصونها بوقت قصير

ودي اقراها بقعدة وحدة بس صعبة علي تصير اكثر من اربع ساعات

ان شالله اجرب الليلة بحاااول

 

[flowers_q8]

انا ولا مرة قريت البقرة كلها دفعة وحدة بقعده وحده لازم اجزئها مع اني اقرا قرآن باليوم كثير

جربت مرات خذيت ساعة كاملة للحزب والجزء فيه حزبين يعني البقرة فيها خمس احزاب او يزيد

انتوا شلون تقرون ؟ انا لما اقرا لازم جهري وبتلاوة عشان جذي اطول بس مرتاحه احس بخشوع اكثر احسن من اني اقراها جني اقرا جريدة

حتى لما اقوم الليل اقرا جهري .. سألت وقالوا لي يجوز خاصة اني بالغالب اسمع من حفظي وماعرف إلا جهري لازم اقرا بصوت وترتيل

انتوا تقرون مثل ما تقرون كتاب عادي يعني صح ؟ عشان جذي تقدرون تخلصونها بوقت قصير

ودي اقراها بقعدة وحدة بس صعبة علي تصير اكثر من اربع ساعات

ان شالله اجرب الليلة بحاااول

ماشاء الله تبارك الرحمن الله يتمم عليج يارب ويحفظج من كل شر

 

[Cherrrry]

السلام عليييييكم

ادري طولت عليكم بس والله كان عندي امتحاااان واليوم خلصت و افتكيييت الحمدلله ..



ماقدمت زيييييييين


يعني نص و نص .. كان في اسئله صعبه وايد و مادري يايبينها من المريخ ولا ويين ..


احس اللي حاط الامتحان يبي يسقطنا بس مو عارف شلون


الله يستر ..


قاعده ادعي الله يعميهم عن الاغلاط ( كنايه يعني مايشوفون الغلط ما اقصد يعمي بصرهم لول)



يالله بعد انا سويت اللي علي و الباجي على الله ان شاء الله ايب درجه زينه تسوه التعب اللي تعبته ..

 

[Cherrrry]

جزاكم الله خير تجاربكم روعه
الله لا يحرمكم الأجر
أنا ان شاء الله بديت اقراها وان شاء الله بداوم عليها
بس بسألكم
إذا قريتيوها تدعون بعدها ؟؟ يعني بدون صلاة ؟
ولا لازم تصلون بالليل وانتم تقرونها ؟؟

الدعاء يكون في اي وقت حبيبتي ..

مو شرط بس مع الصلاة..


لكن ان قدرتي تصلين ركعتين و بعدها تدعين هم شي حلو..


بس عادي بعد ماتقرين سورة البقره تدعين اللي خاطرج فيه ..

و بأي وقت ادعي..



انا في اغلب الوقت اقراها و بعدين اقوم الليل و بعدها اقعد ادعي و استغفر لين يأذن الفير

و اصلي و هم بعدها ادعي ..


و ساعات لو كنت سهرانه و مو يايني نوم .. بعد ما اصلي الفير و اقعد ادعي اذا طلعت الشمس اصلي ركعتين .. و انام

لانه سمعت انه هالشغله زينه انه الواحد يصلي ركعتين بوقت الشروق


و بقولج الاوقات المستجابه للدعاء عشان الله يحب اللي يتحرى اوقات الاستجابه للدعاء و يحرص على الدعاء فيها..



1- بعد كل صلاة

2- عند السجود بالصلاة

3- دعاء المظلوم (في كل وقت)

4- اخر ساعه من يوم الجمعه (قبل اذان المغرب بساعه)

5- في الثلث الاخير من الليل تقريبا لو حسبناها تطلع بعد الساعه 12 بالليل

6- في وقت نزول المطر

 

[Cherrrry]

هذا جدولي يتكلم عن نفسه

http://www.raffe3.com/download.php?filename=8a28c1842c.doc

مشكووره بس الموقع في صيانه و مو طالع اللينك مال التحمييل

 

[Cherrrry]

مشكوره حبيبتي
أنا قميضه أمس نسيت أقراها أو بالأحرى لهيت كل ساع بعد شوي
بس الحمد لله اليوم قريتها

اي سبحان الله يصير ساعات الواحد يلهى بدون قصد بس ان شاء الله ماتطوفين ولا يوووم

 

[Cherrrry]

خواتي شدوا الحيل بقراءة البقرة والقرآن عموما واللي ربي فرجها هما تقول لنا تشجعنا ربي لايضيق لكم صدر
انا اليوم ضاق صدري شوي ربي قادر يفرج همي وييسر مرادي ادعو لي

الله يفرج همج يا رب ..


عادي حبيبتي قولي الحمد لله على كل حال ..

وايد تصير شغلات حق الانسان يتعب فيها بس يلاقي الفرج من الله قريب ..


ادعي الله و ان شاء الله مايرد دعائج ..

 

[Cherrrry]

انا ولا مرة قريت البقرة كلها دفعة وحدة بقعده وحده لازم اجزئها مع اني اقرا قرآن باليوم كثير

جربت مرات خذيت ساعة كاملة للحزب والجزء فيه حزبين يعني البقرة فيها خمس احزاب او يزيد

انتوا شلون تقرون ؟ انا لما اقرا لازم جهري وبتلاوة عشان جذي اطول بس مرتاحه احس بخشوع اكثر احسن من اني اقراها جني اقرا جريدة

حتى لما اقوم الليل اقرا جهري .. سألت وقالوا لي يجوز خاصة اني بالغالب اسمع من حفظي وماعرف إلا جهري لازم اقرا بصوت وترتيل

انتوا تقرون مثل ما تقرون كتاب عادي يعني صح ؟ عشان جذي تقدرون تخلصونها بوقت قصير

ودي اقراها بقعدة وحدة بس صعبة علي تصير اكثر من اربع ساعات

ان شالله اجرب الليلة بحاااول

ما شاء الله الله يتمم عليج ..


لا انا وايد بطيئه في القرايه لانه عندي مشكله في العربي :eh_s(6):

بس الحين وايد احسن اقرا ..


و اخلص في اقل من ساعه .. مو نفس الجريده .. يعني احافظ على القرايه الصحيحه ..


حاولي تقرينها كل يوم والله لها اثر عظيم


و موفقه حبيبتي

 

[batlah]

الله يفرج كرب كل مهموم

انا مازلت اقرأ البقره ومثل ما قلت لكم الله اعاني في ما اصابني والحمدلله

اما الحين امر بضيق شديد وطعا بسبب وتقريا مرتط بالمشكله السابقه اللي الله كشفها لي وانا مازلت متوكله على الله ومسلمه امري بين يديه وصرت اقرأ البقره اليوم مرتين الى 3 مرات وهذا الشي إللي مصبرني