حملة قراءة سورة البقره كل يوم

[kuwaitya_zoGaa]

يابنات انا حاليا تكرمون على اللى ماتتسماش وصار لى مده طويله قاطعه سورة البقرة
علمونى والله العظيم صايره ما استوعب مرات احس روحي متسبهه مادرى اشفينى
ابى احد يعلمنى شنو اسوى الحين اقرالرقيه ؟؟؟ اتسبح بماي مقري ؟؟ والا البقره ابى احد يحط لى برنامج

 

[[ . . Jee Jee . . ]]

تخيلي لما تزوجت اختي دز مسج لأمي يبارك لها وقالها الله يوفقها بس بنتج اللي عندج الحين عساها ماتتزوج خليه شويه بعد تو الناس عليها يقصدني انا طبعا

امي ماردت عليه سكتت

وكل ماحد يخطبني ارفض وتصير فيني مثل الضيقه

حسبي الله ونعم الوكيل !!! والله كلامج شي فضيع انتي لاااااااااازم تكملين معانا ضروري وترقين نفسج ضروووري ... ولا تقولين شكرا انا ماسويت شي وانتي لو اختي جان طقيتج والله وصج صج ترى لازم تكملين ضروري والله.. خاصة حلمج .. لازم تكملين..

السلام عليكم
شخباركم بنات
بالنسبة لخلطة الرومي انا سمعت شريط للشيخ الرومي نفسه ذكر فيها اخلطة وحذر ان المرة الحامل واللي فيه جروح ما يستخدمها وحبيطت انصحكم عشان ما تصير النتيجة عكسية
واولا واخيرا أستخيروا يا بنات قبل استخدام الخلطة وقبل اي شي بتسونه بحياتكم حتى لو كان بسيط

جزاج الله خير على التنبيه.. وصح كلامج ومايصير تدش بالعين او الاذن لانها خطيرة وتسبب جفاف.. نسيت انقل هالكلام من جديد.. هو بالردود السابقه بس نويت ارجع انسخه ونسيت كلام الشيخ اللي بهالمعنى الله يذكرج بالشهادة

يابنات انا حاليا تكرمون على اللى ماتتسماش وصار لى مده طويله قاطعه سورة البقرة
علمونى والله العظيم صايره ما استوعب مرات احس روحي متسبهه مادرى اشفينى
ابى احد يعلمنى شنو اسوى الحين اقرالرقيه ؟؟؟ اتسبح بماي مقري ؟؟ والا البقره ابى احد يحط لى برنامج

زوغه شلونج حبيبتي؟ انا يوم شرفتني وقفت كل شي الا الاذكار.. استغفر الله...
وكنت ادورها بغسل فيها واهي علي بس مالقيتها.. انتي الحين كملي قراءة واذكار ضرووووووووووري ترى الحائض الي ماتحصن نفسها يتحرونها الشسمهم سملله عليج الرحمن الرحيم وعلينا وبنياتنا ف ديري بالج انا قلت جذي من قبل لا تخلين الاذكار ابد ابد ... واقري :eh_s(14): لا توقفين...

عن الخلطة علما الكادي تكتب من وين لانه انا وصيت اختي عليها ومالقتها بالحواج... فـ ناطرتها تعلمني من وين .. ليما شسمه بتكونين مخلصة من ام عباس ونبلش معه بعض..




فلورز .. شرايج ابيج معانا لما نغسل بالخلطة ..
ألفا.. غسلتي فيها؟ خلصتي 7 ايام؟

انا كنت ناطرة أكوا وباجي البنات اللي غسلوا فيها قبل لا ابدي فيها ..

 

[[ . . Jee Jee . . ]]

لقيته أخيرا بصفحه 158..

العلاج بالشبة والسدر والملح
الحمد لله والصلاة والسلام على رسول الله وبعد :

أقوى علاج وجدته مضاداً للعين ويهلكها بإذن الله تعالى هذه الوصفة وهي تُسمى ( بوصفة الرومي الذهبية ) تباع محل العطارة ومعروفة ومشهورة وهي عبارة عن سدر وملح وشبة مقسمة على عدد ( 7 ) أكياس كل يوم يستخدم فيها المريض كيس واحد

وطريقة استخدامها كالتالي "

1- أحضر سطل ماء صغير مثل براميل البوية
2- أحضر كيس واحد من هذه الوصفة وأفرغه فيه
3- أحضر ماء مقروء عليه الرقية الشرعية وضعه في السطل بمقدار كاسة
4- أملأ السطل ماء عادي
5- قلب السطل تقليب جيد حتى تمتزج الخطلة بالماء تماماً
6- استحم عادي جداً
7- احذر الا يدخل فمك ولا في انفك ولا أذنك منه فإن الشبة قوية وتسبب التهابات وتجفف المكان فقد تصل لدرجة الموت
8- بعد الانتهاء من السطل تماماً استحماماً استحم عادي بالشامبو والصابون


سيبقى لك سؤال وهو : كيف استعمل كوب ماء مقروء عليه وانا استحم بدورات المياة
فالإجابة : سئل سماحة الشيخ عبدالعزيز بن عبدالله بن باز السؤال التالي : هل يجوز الاغتسال بالماء المقروء في أماكن الخلاء ؟؟؟
فأجاب – رحمه الله – : ( نعم ، الاغتسال بالماء المقروء في الحمام ليس فيه بأس ) ( فتح الحث المبين في أحكام رقى الصرع والسحر والعين ) 0 ( فتوى منقولة )

 

[alfa2002]

بنات فيني ضيقة صدر مايعلم بها الاربي وجايني شعور ان لازم اوقف القراية خايف استسلم لهذا الشعور

ادعو لي بالفرج

 

[[ . . Jee Jee . . ]]

ألفا.. موجودة الحين؟

 

[[ . . Jee Jee . . ]]

اذا موجودة دخلي مسنجرج ... نقرا معه بعض لاني ماقريت ليلحين... واذن الاول عندنا بالكويت وانا بعدني مبققه عيوني على ولا شي.. والله كاهو المصحف جدام عيني مافجيته.. بنطرج

 

[الكادي-83]

بنااااااااااااات اللي يبون يبدون في خلطة الرومي

يوم السبت اول يوم وتكون لمدة 7 أيام

موجوده في اي عطار مقسمه على 7 أكياس وهي عباره (( سدر - شبه - ملح ))

ومو شرط تستخدمين ماء مقروء فيه

يعني عادي تستخدمين ماء عادي

يعني إذا بتستخدمين ماء مقري فيه لازم تتروشين في غرفتج تحطين سطل كبير وتقعدين فيه وتصبين عليج الماء المخلوط فيه خلطة الرومي وتقعدين فيه ربع ساعه

وبعدها تتخلصين من الماء المقروء فيه برا البيت مو تصبينه بالحمام

وإذا كان بماء عادي تقعدين في الحمام بسطل او تستدين البانيو عشان تنقعين في الخلطه لمدة ربع الساعه

وقت التروش بالخلطه يكون قبل المغرب بساعه او نص ساعه

 

[kuwaitya_zoGaa]

يابنات انا جربة خلطة الرومي من قبل وشريتها من حواى

 

[عنقود الامل]

هلا فيج قلبي انتي شلونج؟ انا بخير دام ادش واقرالكم هالردود الحلوة
ماشاءالله عليج عنقود الامل.. الله يتمم عليج..
بسألج جم عمرج؟ وشلون لبستيها اول مرة؟.. الوالدة وخواتج يلبسونها بعد؟
اذا الاسئله خاصة شوي راسليني بالخاص واعذريني والله للاسئلتي سبب .. واجوبتها تشجعني



..

هلا ياقلبوووووو انا بخير الحمد لله الله يسلمك ويخليك

ولا تعتذرين يالغاليه اي سؤال انا حاضره

انا عمري 27 لبستها من صغري من ايام ابتدائي وقبل سن البلوغ بعد

وطبعا الاهل كلهم يلبسون وجيرانا والربع كل السعوديه يعني هههههههههههههه

البنت لما تبلغ عندنااا وااااااااجب وضروري تلبس عبايه وتتحجب

موفقه عيوني :tek:

 

[عنقود الامل]

بنات فيني ضيقة صدر مايعلم بها الاربي وجايني شعور ان لازم اوقف القراية خايف استسلم لهذا الشعور

ادعو لي بالفرج

سلامتك ياقلبوووو ماعليك شررر لا توقفييييينه ترا الشيطان يخرب عليييك


تحملي وضغطي على روحك اشوي



الله يفرج همك يارب


طمنينا عليك

 

[عنقود الامل]

بنات الي تجرب الخلطه تقولنا على نتايجهاا


الله يوفقكم ياارب

 

[أم منصور]

جي جي


الي ما فيها شي تقدر تستخدم خلطة الرومي


الحمدلله انا بخير ومو حاة فيني اعراض شي ولكن كلامكم عن الخلطة خلاني اسال هالسؤال لها فايده اذا ماكنت اعاني من اي شي .

ومشكورة جي جي

 

[زنكونة]

مشكوره اختي

وجعلها الله في موزاين حسناتك

 

[بدويه بنت الخليج]

بنااااااااااااات اللي يبون يبدون في خلطة الرومي

يوم السبت اول يوم وتكون لمدة 7 أيام

موجوده في اي عطار مقسمه على 7 أكياس وهي عباره (( سدر - شبه - ملح ))

ومو شرط تستخدمين ماء مقروء فيه

يعني عادي تستخدمين ماء عادي

يعني إذا بتستخدمين ماء مقري فيه لازم تتروشين في غرفتج تحطين سطل كبير وتقعدين فيه وتصبين عليج الماء المخلوط فيه خلطة الرومي وتقعدين فيه ربع ساعه

وبعدها تتخلصين من الماء المقروء فيه برا البيت مو تصبينه بالحمام

وإذا كان بماء عادي تقعدين في الحمام بسطل او تستدين البانيو عشان تنقعين في الخلطه لمدة ربع الساعه

وقت التروش بالخلطه يكون قبل المغرب بساعه او نص ساعه

الكادي83

يقولون عادي نتسبح بالماي المقري بالحمام مافيها شي
وبعدين عني سؤال يعني لازم اتنقع بالخلطه مايصير اتسبح فيها من غير ماتنقع ؟

ومشكوره

 

[بدويه بنت الخليج]

اختي الفا2002

الله يفرج لج همج ويفك ضيقتج
اذا تحسين بضيقه وانتي تقرين فمعناتها انتي ابتديتي تتشافين بأذن الله

نصيحه من اختج بدويه لاتتركين القراه استمري واذا موقادره تقرينها مره وحده جزئيها باليوم ثلاث اجزاء

مشكوره

 

[بدويه بنت الخليج]

حبيبتي ام منصور

مافيها شي لو استخدمتي الخلطه زيادة الخير خيرين والوقايه خير من العلاج

اعذريني على لقافتي رديت عليج مع انج موجه السؤال حق الاخت جي جي

بس حبيت افيدج وان شالله الاخت جي جي تفيدج اكثر

مشكوره

 

[حـــــلا]

الله يشافيكم

 

[بدويه بنت الخليج]

بنات بقولكم شي سمعته من الشيخ ثامر العامر .. الله يجزاه خير ..

سألته مره ضروري اقرا سورة البقره 40 يوم ؟

قال : ان ماثبت عن الرسول عليه السلام ان لازم نقرا البقره 40 يوم بس قال مانتركها يعني بين فتره وفتره نقراها واهي فوائدها عظيمه بس مب شرط اربعين يوم متواصله عرفتوا..

يعني فيه بنات يتعاجزون يقرونها اربعين يوم ولو نظرنا لوضعنا احنا البنات لاتنسون ان العاده الشهريه وانتوا بكرامه ماراح تخلينا نكملها وانا سمعت اكثر من شيخ يقول مايجوز الحائض تلامس المصحف

ولو تسألون بهالشي يكون افضل عشان تعم الفائده على الجميع

ومشكورين

 

[kuwaitya_zoGaa]

انا جربه خلطة الرومي وماشفت لها نتايج

 

[alfa2002]

بنات انا اليوم قريت الرقية في كاس ماء يوم شربته ورشيت على نفسي منه جتني بعدها بخمس دقايق ضيقة كل شيئ شين في حياتي جاء في وجهي وكل الفال الشين جبتة بغيت اصيح بصراخ من ضيقة الصدر اختي تقول هذي حالة نفسية والله محتارة في احد صار معه نفس الشيئ انا اجلس افكر افكر واحس بنفجر حتى احس ودي اركض واركض واطلع من البيت يعني قمة الهروب من كل شيئ

بعدها سمعت للرقية من النت صار انقباضات في ركبتي اليسار مثل الشد وراء بعض كل دقيقة مرة ورجولي ثلجت بردت مرة
تعبت تعبت تعبت
ومخي يشتغل هواجيس وافكار شينة يااااااااااااارب فرج لي