حملة قراءة سورة البقره كل يوم

[احلى شرقااويه]

الصراحه انا قريتها من ثلاث شهور بس شهر وتركتها بس انشالله راح ابدا اقراها من اليوم

بس لاحظت اني كل ماقراها بعد صلاة الفجر واناام احلم بزوجي احلاام حلووه <<< لاني هالفتره انا وياه متبعادين عن بعض

بس اليوم اللي ماقراها فيه مايطلع لي بالحلم ::: ليه ماادري ؟؟

اذا في وحده عارفه شالسبب ياليت تقولي

 

[[ . . Jee Jee . . ]]

وعليكم السلام حبيبتي قلبج مارشميللو ابييييييييااااض :* شلونج حبيبتي؟ شمسويه ؟

أحلى شرقاوية .. فسري الحلم ..
انا قريت بالجريدة تفسير حلم وحدة تحلم انه زوجها وجهه ابيض بالحلم ويغازلها.. فسرلها الحلم..
قالها الشيخ انه هذا قرين زوجها يجيها بالحلم لانه بعيد عنها ( وسألها اذا زوجها بعيد عنها هالايام او مسافر )...


انتي فسري الحلم أحسن ..
على فكرة اختي... الحلم الحلو تقولينه بس للناس اللي قريبين حيل مثلا خواتج..
اما الحلم البايخ ماتقولينه ابدا لأي احد بالدنيا ولا تفسرينه بس تقومين منه تنفثين عن يسارج ثلاث مرات وتعوذين من بليس وماتضرج ابد ...

ادري طولت السالفه بس انا لو مكانج راح احب احد يعلمني ويقولي ويوصيني ..

 

[Om-Bashaar]

السلام عليكم ورحمة الله وبركاته
حبيباتي بس بغيت اسال سورة البقره لازم اقراها كامله متواصل والا عادي اجزءها على طوول اليوم ؟

 

[[ . . Jee Jee . . ]]

وعليكم السلام ام بشار والله فرحت لما شفت نكج حياج الله بين خواتج حبيبتي

الافضل انج تقرينها كامله احسن.. معه الوقت تصير قصيرة عندج تبطل طويله معه الوقت وتحفظين من آياتها شوي شوي ....

 

[Om-Bashaar]

وعليكم السلام ام بشار والله فرحت لما شفت نكج حياج الله بين خواتج حبيبتي

الافضل انج تقرينها كامله احسن.. معه الوقت تصير قصيرة عندج تبطل طويله معه الوقت وتحفظين من آياتها شوي شوي ....

مشكوره ياعمري ويزاج الله الف خير ويجعله في ميزان حسناتج ان شاالله ادعيلي عسى الله يقدرني ويثبتني حبيبتي

 

[مناير خزنة التاير]

صباح الورد منور... ياعلها تسأل عنج العافيه ولا تنساج ابد

اي اشوفج تسألين كنت بنسخلج الكلام.. يختج كبرتي ماقمتي تشوفين لول

انا مثلج ترى صارلي 3 ايام ماقريت..

شوفي ا>ا بتقرين وام عباس مسيرة عليج.. اقري من كتاب التفسير ...
او من التلفون او من المصحف بس لبسي قفازات ..



عن أحوالي... الحمدلله انا حيل تمام والله صرت حيل احسن من قبل الف الحمدلله والله كنت ابجي شبة يوميا.. الحين ورب الكعبه والله شاهد علي صرت مرتاحة متطمنة وقلبي مرتاح الف الحمدلله ..

انتي شخبارج حبيبتي ؟

الكبر شين :dddds:

يلا الحمدالله عساج على هالحالة و احسن

:tek:

انا بخير الحمدالله بس اللي مضايقني هالعفسة اللي صايره لا قيام ليل مثل الناس ولا قرايه مثل الناس
و الصلاة اصلا متعفسه
بس الحمدالله

ربي يتقبل انشالله

 

[رذاذ المطر]

السلام عليكم ورحمة الله وبركاته
اني احبكم في الله
بالنسبة للي تسأل عن رقم للحجامه هذا رقم مركز دلة للحجامه 2627731-3911951-3727077
هذا انا ما جربته بس حطيته للي تبي
انا جربت من فترة طويلة حنان الليثي9325837-6063406-7206598
انا كتبته للأستفادة للجميع
ولا تنسوني من صالح دعائكم

يعطيج العافية ع الرد السريع يارب ينولج اللي في بالج ويحقق امانيج

انا كتبت الارقام وان شاء الله باذن الله بعد مااسوي اقولكم تجربتي عشان الكل يستفيد

 

[رذاذ المطر]

الله يوفق رفيجتج ويرزقها الزوج الصالح والله يشفيج اختنا سحائب الخير والله ما أعرف حجامة وأالا كان من عيوني

ولايهمك ياقلبي كافى الدعوه الحلوه والله افرح كثير لما اشوفكم تدعون حق بعد .. عن موضوع رفيجتي

ماصار شي مسكينه هالبنت

الله يوفقها يارب

 

[رذاذ المطر]

بعطيج العافية يا جي جي علي كل شي سويتيه معاي ومع اي وحده بالمنتدى جد ماتقصرين بشي

تجاوبين علي كل اسألت البنات وتساعدينهم وتنصحينهم وتسألين عنهم

والله تحسسيني كأنك اختي الخامسه اللي ماجابتها امي .. الله يوفقج يارب

والله خجلتيني لما شفت رسالتج علي طول حطيته بالتوقيع احلى توقيع وربي تسلم ايدج تعبتج معاي

ياعل عيني ماتبجيج ...

بالنسبة لجهازي الشاشة خربانه عندي لاب توب شاشتة انكسرت بس ماصلحته والحين الجهاز شاشته خربة ماتشتغل احترقت و فخذيت جهازي الوالد الله يحفظه والله خايفة يحترق والا يصير فيه شي لووووول قاعدة احافظ عليه كثر ماقدر بس والله مادري ليش يختربون ماسوي فيهم شي

 

[[ . . Jee Jee . . ]]

انا بخير الحمدالله بس اللي مضايقني هالعفسة اللي صايره لا قيام ليل مثل الناس ولا قرايه مثل الناس
و الصلاة اصلا متعفسه
بس الحمدالله
ربي يتقبل انشالله

آمييين يااارب.. ماعليج هالايام نرد مثل قبل واحسن..

مشكوره ياعمري ويزاج الله الف خير ويجعله في ميزان حسناتج ان شاالله ادعيلي عسى الله يقدرني ويثبتني حبيبتي

ان شاءالله ام بشار ... انتي لا تشيلين هم .. بس على طول مري على هالموضوع وراح تقوى عزيمتج معانا

بعطيج العافية يا جي جي علي كل شي سويتيه معاي ومع اي وحده بالمنتدى جد ماتقصرين بشي
تجاوبين علي كل اسألت البنات وتساعدينهم وتنصحينهم وتسألين عنهم
والله تحسسيني كأنك اختي الخامسه اللي ماجابتها امي .. الله يوفقج يارب
والله خجلتيني لما شفت رسالتج علي طول حطيته بالتوقيع احلى توقيع وربي تسلم ايدج تعبتج معاي
ياعل عيني ماتبجيج ...
بالنسبة لجهازي الشاشة خربانه عندي لاب توب شاشتة انكسرت بس ماصلحته والحين الجهاز شاشته خربة ماتشتغل احترقت و فخذيت جهازي الوالد الله يحفظه والله خايفة يحترق والا يصير فيه شي لووووول قاعدة احافظ عليه كثر ماقدر بس والله مادري ليش يختربون ماسوي فيهم شي

ياااااااعل عمرج طويييل ياربي وانتي صاجه انا اختج وانتي اختي ونفقدج والله..
تستاهلين أحلى من هالتوقيع والله وانتي تدرين
انا ادري فيج ماتقدرين ادشين الا بين وبين ومع>ورة .. بس ابي اشوفج ادشين مو ضروري تكتبين ونتطمن عليج واعرف انج ماشية معانا مثل الكادي وام منصور وتشيري وباجي البنات


على سالفه الاجهزة معاج لووووووول ياااااااااااعلج تضحكين بالجنة

انتي جنج اختي كل ماجاتست كمبيوتر خرب حرام مايحبونكم الكمبيوترات

يمكن لانكم ماتدلعونهم وتسوون لهم ابديت وسكان برنامج الحماية ومثقلين عليهم بالبرامج والملفات

سحوب.. ليش احترت الشاشه؟ شلون كنت مشغلته؟

اعرف بنيه تحط اللاب توب على سريرها وفتحات التهوية من تحت يصيرون .. احتر الجهاز واحترقت شاشته..

لا تخلين جهازج يحتر علي وحطيه على طاولة .. واحسن شي المروحة اليو اس بي...

الحين انا عندي وحدة مركبتها بلاب توب واحطه بأي مكان على فراشي على القنفة عادي

اشتريها زينة لا يقصون عليج الهنود.. :*



فلورز وين .. واميرة

 

[قلبي ابيض]

السلام عليكم بنات

 

[Om-Bashaar]

الحمدلله اليوم اول يوم لي اختم فيه البقره كامله مره وحده وعسى الله يثبتني واداوم علييها قولوه آمين

 

[Om-Bashaar]

وعليكم السلام ورحمة الله وبركاته

 

[قلبي ابيض]

الحمدلله اليوم اول يوم لي اختم فيه البقره كامله مره وحده وعسى الله يثبتني واداوم علييها قولوه آمين

ماشا الله استمري وانا ان شا الله كل يوم بدش اشجعج وتشجعيني om bashaar امع الاستمرار بتحسين ان سورة البقرة ماشا الله سهلة القراءة ومريحة للنفس

 

[احلى شرقااويه]

يعطيج العاافيه جي جي

لا شدعووه ماطولتي لو مكمله بعد ازين :d

 

[Om-Bashaar]

السلام عليكم ورحمة الله وبركاته
اشلونج اختي (قلبي ابيض) عساج بخير ؟
ها بشري عسى اليوم بعد قريتيها ؟
انا اليوم ما اقدر امسك المصحف بقراها من مصحف الالكتروني
عسى الله يثبتنا ان شاالله على قراءة القران كل يوم

 

[قلبي ابيض]

السلام عليكم ورحمة الله وبركاته احلى شرقاوية

 

[أم منصور]

احم احم


من ينادي ام منصوووووووور


من يقول وينها


من يسال عنها


يعل ربي دوم راضي عنه والجنه مسكنه وبين خير الصالحين في الدنيا موطنه :tek:


والسامع يقول أمين :ggdw:


اهلا بخواتي الي لم آراهم لكن احببتهم في الله جميعا ،،،،،،،،


كلنا تمر علينا ظروف لكن المؤمن يحمد الله ويشكره وكل ما مر بالانسان ضيق فليثق بانه اختيبار من الرحمن


العزيز -- يجب شكره على والصبر لمعرفه قوة ايماننا هل نجزع ونياس ام هناك في الافق نورا يسطع برحمة


الله -- امل ورحمة وفرج ينتظر كل من صبر يبتغي الاجر في الدنيا ام في الاخره والخيرة في من لم يستعجل


رزقه فالخير فقط يعلمه الله .


كم تمنينا اشياءا في الدنيا ولم تحدث وكلمات تذكرنا حزننا ساعتها ضحكنا وعرفنا نعمة الله علينا كم من


حزن تحول الى فرحه كم من الم تحول الى راحة والفضل لله الخير والبركه بيد الله فلا تستعجلون بالامور فقد


يكون ما تتمنوه عكس ما تتوقعون .


صحيح طال فترة انقطاعي بالمنتدى صحيح انني قبل دخولي المنتدى كنت احافظ على صلاتي وخصوصا


صلاة الفجر ويوميا اقيم الليل حتى لو بركعتين وقراءة القران لا اهجره ابدا وكان المصحف الصغير في حقيبتي


اليوميه احرص على قرائة المصحف في اي مكان تسمح الظروف لي ان اقرا القرآن فهو جزأ مني .


لكن والله يشهد على كلامي ما كنت اقرا سورة البقرة يوميا انا والحمدلله لا اطلب الزواج مثل بعض الاخوات


متزوجه ولدي اولاد وربي يخلي لي منصور واخوانه لكن كانت قرائتها للحفظ والالتزام اكثر وفعلا انا عبرت عن


راي بهذا الامر من قبل واقولها ثانيه لكل اخت جديده شاركت لم اتعرف عليها لا نقطاعي عن المنتدى


بان كثير من الامور تغيرت لدي وللأفضل وان بركه قراءة سورة البقرة عمت علي وعلى اولادي وبيتي .


والحمدلله على فضله ورحمته وقدرته بان جعل في هذا القرآن شفاءا ورحمة للقلوب -- فلا تستعجلون ولا


تتكاسلون فنحن فقط نحتاج تنظيم الوقت .


اتمنى حبايبي ماطولت عليكم بالكلام فانا مشتاقة لكم جميعا وحتى لما كنت مسافرة الحمدلله كنت اصحي


الجميع لصلاة الفجر ولم اقطع قراءة سورة البقرة كل ثلاث ايام وليس يوميا وجزاكم الله خير على تثبيت


الموضوع فهو يستحق ان يثبت ففيه الفائده والخير ,


واخيرا مشتاقة لكم جميعا والحبايب على قلبي لهم مني الف تحيه ومليون سلام ومشكورة جيجي على رسالتج الحلوة مثلج ،،،


احبكم في الله :eh_s(8):


أم منصووووووووووور

 

[[ . . Jee Jee . . ]]

حياتي يام منصور .. بجيتيني

الله يتمم عليج حبيبتي ولا يحرمنا منج

 

[أم منصور]

هلا حبيبتي جيجي وفرحانه لج وايد لانج صرتي قويه و لا تجزعين والله يتمم عليج ويثبتج ويمسح على قلبج بالراحة والسرورة وانشالله تكونين بخير وصحة دايما

مشكورة حبيبتي وربي ما يحرمني منكم اجمعين


أم منصوووووووووور