حملة للقراءة

[شيماء المطيري]

:eh_s(11):للأسف تم هجران الكتب لتندفن تحت الغبار أو لتكون جزء من ديكور منازلنا فأصبحنا نقضي الساعات أمام شاشات البلازما نتابع ما أنتجته السينما العربية والاوروبية0000عزيزاتي هده حملة للقراءة ولنفض الغبار عن الكنوز بين أرفف المكتبات اقتراحاتكم لتشجيع القراءة ونصايحكم لأفضل الكتب وأي الكتاب أو المؤلفين تتابعون----:eh_s(10):

 

[ليلو جبريت]

حياج قسم نادي الكتاب

 

[شيماء المطيري]

مشكورة على الدعوة ليلى المطوع000بس لازم نعالج قضية كره القراءة وفجة الكتاب لدرجة مرض الديسلكسيا زاد عند طلاب المدارس

 

[ليلو جبريت]

بالعكس في وايد ناس يحبون الكتب
صج الاطفال تعلموا على الكمبيوتر والالعاب الالكترونية لكن نقدر نشجعهم من طفولتهم وهالشي يعتمد على العائلة
في موضوع عن تشجيع الطفل على القراءة

 

[اوركيدا نجديه]

القراء مفيده للعقل بس الحياة الان مش مثل السابق الان مافيه حد يقرا كتاب
انا بقوول لكم كتاب يثقف ومرره حلوو واكثر الاعلاميين والمثقفين يقراؤنه هو كتاب الاصفهاني

 

[شيماء المطيري]

ليش لما نقعد ننتظر دورنا بعيادة أو صالون أو حتى بالمطار ونطلع كتاب الكل يطالعنا كأنا سوينا شي غلط بس عادي لما نبطل اللابتوب

 

[Eng_Roka]

ايي اذا رفيجاتي شافوني اقرا كتاب او اسولف عنه يقولون وااي فاضية

هذيلا للاغلبية بس في جم وحدة يعني شوي يبردون القلب

 

[وهج الحب]

السلام:

لازم الكتاب يكون صديق عن جدا مش مقولة ..مثل ما قالت الاخت شيماء المطيري ..يكون الكتاب معاج بكل مكان في الشنطة تطلعينه اذا رحتي تلعبين اليهال ..عند الطبيب في الكوفي شوب اذا كنتي بروحج ...
واذا كنا مبتدئين نحط لنا كتاب نقراه حتى لو نقعد شهر نقرا فيه نكمله نكمله لو كل يوم صفحتين ..الى ان نتعود على القراءة ..
واذا الانسان مقتدر او في مكان يتوفر فيه الكتب بكثرة يحاول يوصل الكتب للي ما يقدر يوصل لها مثل ..
انا كان هوايتي من مراهقتي الى سنوات المراسلة كان اي احد يريد كتب اوصلها له عن طريق البريد ..والى الان عندي اصدقاء من الجنسين من اليمن وعمان ارسل لهم اي كتاب يطلبونه لان لا تتوفر لهم الكتب واحدهم كان في بداية مراسلتي له عمره 11 سنه والان رجل والله الى الان يرسل لي يشكرني على اني نميت فيه هذه الموهبة ويقولي ان بعض المجلات التي كنت ارسلها والكتب عند اطفاله الان ..
والان بالنت ..اذا عندنا معرض وفي لي اصدقاء ما زالوا من المراسله او ناس ما اعرفهم بس بالمنتديات يريدون كتب ومتوفرة بالمعرض او بالمكتبات ارسلها لهم ..(( والله حتى من فترة تقولي موظفة البريد انتي تبعين الكتب قلت لها لا قالت ايش تستفيدين ..قلت لها استفيد اني اسعد سعادة لا توصف بان اللي ارسلت له الكتاب قالي الكتاب وصل بس احس بسعادة )).
وهكذا ساهمت من ناحيتي ان يصل الكتاب لاكثر ايدي ممكنة ..وساهمت بنشر حب هذه الهواية ..
ومن مساهماتي كنت اذا رحت مدرسة اعمل فيها اعطي قسم المكتبة بعض الكتب اللي عندي لقسم الهدايا ..منيه اخفف على خزانتي من انها ما تنفجر ومنية ابعدت عني انانية اني احتفظ بالكتب ..
واحيانا في معارض الكتاب اذا استمعت للاطفال خاصة انهم يريدون كتاب واشوفهم مترددين على انهم ما عندهم الثمن اشتريه واعطيهم اياه هدية او اغمز للبائع انه يعطيهم اياه كهدية وانا ادفع ثمنه ..
يعني الطرق كثيرة لنشر حب القراءة للناس وكل واحد يحاول بالطريقة اللي يقدرها ..

 

[Eng_Roka]

واي وناسة انتي عجيبة وهج

حلو جذي يعطيج العافيه عاللي تسوينه*

 

[شيماء المطيري]

وهج الحب00يعطيج العافية رااااااااااااااااااااااائعة طريقتج / حب القراءة لازم تكون نابعة من الام والابو لان الاطفال يقلدون والديهم هم المدرسة لازم يكون لها دور بأن تخصص حصة بالاسبوع للقراءة وعليها جوائز لللتشجيع

 

[C'est La Vie]

ليش لما نقعد ننتظر دورنا بعيادة أو صالون أو حتى بالمطار ونطلع كتاب الكل يطالعنا كأنا سوينا شي غلط بس عادي لما نبطل اللابتوب

تعرفين المثل اللي يقول شعلي انا من الناس وشعلى الناس مني؟
لانتي مسوية شي غلط ولا حرام فما عليج من احد
انا شخصيا يكبر بعيني الشخص اللي اشوف بإيده كتاب يقراه
مو احسن من الطقطقة بالآيفون والبلابيري؟
وسلامتكم :eh_s(7):

 

[فرباتشينو]

انا معاج لازم انسوي حمله قويه انشجع الناس للقراءه انا طالبة مدرسه وايد بنات بامدرسه عندي
مايقروو كتب كلش وماي يعرفون شنو الجديد بس فيعرفون شنو البست الفنانه الفلانيه ومن وين لبسهها
انا في المدرسه بس مره وحده رحنا فيها اللمكتبه وكان اساساا مافي كتب تشد الواحد واذا فيه حق اطفال
مو حقنا الثنويه وابلات المكتبه مو قاعد يسوون اي شي بس يتقهوون يعني مايحطون جوائز للاكثر وحده تقري
او مثلاا لرحلات او يملون المدرس لوحات تشجع الطلبه للقراءه تري المدرسه لها دور كبير لان الطالب يقعد فيها
اكثر مما يقعد بابيت ولازم علي الطالب انه يساهم ايضاا مثلااا انه يتبرع باكتب ولازم الطلبه يطلبون من المدرسين
انهم يودونهم للمكتبه ويطلبون من المدير تعديل المكتبه​

 

[فرباتشينو]

السلام:

لازم الكتاب يكون صديق عن جدا مش مقولة ..مثل ما قالت الاخت شيماء المطيري ..يكون الكتاب معاج بكل مكان في الشنطة تطلعينه اذا رحتي تلعبين اليهال ..عند الطبيب في الكوفي شوب اذا كنتي بروحج ...
واذا كنا مبتدئين نحط لنا كتاب نقراه حتى لو نقعد شهر نقرا فيه نكمله نكمله لو كل يوم صفحتين ..الى ان نتعود على القراءة ..
واذا الانسان مقتدر او في مكان يتوفر فيه الكتب بكثرة يحاول يوصل الكتب للي ما يقدر يوصل لها مثل ..
انا كان هوايتي من مراهقتي الى سنوات المراسلة كان اي احد يريد كتب اوصلها له عن طريق البريد ..والى الان عندي اصدقاء من الجنسين من اليمن وعمان ارسل لهم اي كتاب يطلبونه لان لا تتوفر لهم الكتب واحدهم كان في بداية مراسلتي له عمره 11 سنه والان رجل والله الى الان يرسل لي يشكرني على اني نميت فيه هذه الموهبة ويقولي ان بعض المجلات التي كنت ارسلها والكتب عند اطفاله الان ..
والان بالنت ..اذا عندنا معرض وفي لي اصدقاء ما زالوا من المراسله او ناس ما اعرفهم بس بالمنتديات يريدون كتب ومتوفرة بالمعرض او بالمكتبات ارسلها لهم ..(( والله حتى من فترة تقولي موظفة البريد انتي تبعين الكتب قلت لها لا قالت ايش تستفيدين ..قلت لها استفيد اني اسعد سعادة لا توصف بان اللي ارسلت له الكتاب قالي الكتاب وصل بس احس بسعادة )).
وهكذا ساهمت من ناحيتي ان يصل الكتاب لاكثر ايدي ممكنة ..وساهمت بنشر حب هذه الهواية ..
ومن مساهماتي كنت اذا رحت مدرسة اعمل فيها اعطي قسم المكتبة بعض الكتب اللي عندي لقسم الهدايا ..منيه اخفف على خزانتي من انها ما تنفجر ومنية ابعدت عني انانية اني احتفظ بالكتب ..
واحيانا في معارض الكتاب اذا استمعت للاطفال خاصة انهم يريدون كتاب واشوفهم مترددين على انهم ما عندهم الثمن اشتريه واعطيهم اياه هدية او اغمز للبائع انه يعطيهم اياه كهدية وانا ادفع ثمنه ..
يعني الطرق كثيرة لنشر حب القراءة للناس وكل واحد يحاول بالطريقة اللي يقدرها ..

صح كلامج لازم كل واحد فينا يبتكر طريقه لجعل الناس تنشد للقراءه
يعطيج العافيه الانج خليتيني اغير طريقة تفكير كنت دايم احط الوم علي المدرسه
بس الحين راح اتبرع بكتبي للمكتبة المدرسه الفقيره من لكتب المفيده:eh_s(7):

 

[شيماء المطيري]

خلنا نبدأ بأنفسنا وننشر الوعي للقراءة نقرأ في كل مكان وجدام الناس ومانستحي نطلع الكتاب من الجنطة ونخصص ساعة في اليوم لعيالنا نسميها ساعة القراءة العائلية الام تمسك كتاب والاب كتاب والعيال كل واحد كتاب حسب سنه انا بديت مع بنتي ثانية ابتدائي شريت لها مدكرة تكتب فيها وكتاب فيه قصص مكتوبة بلغة سلسة

 

[شيماء المطيري]

مشرفاتي العزيزات نقلوا الموضوع لقسم المناقشات لان أكثر البنات ما يحبون القراءة فما يدشون هالقسم واحنا نتناقش بقضية مهمة وهي هجران القراءة

 

[Tom ♥ Jerry]

.

السلام .، :eh_s(22):



المشكله انه حتى الدوله و الاعلام ما تشجع وايد ،
اوكي في معرض كتاب كل سنه مره ..
بس مو كافي صراحه /،

انشالله انا راح اخلي بنتي و عيالي كلهم يقرون ..
بس توصل بنتي للسن المناسب للقراءه راح اخليها على طول تقرا
للاسف بعض الناس يقرون كتابين او ثلاث باليوم
لكن ينسون كتاب الله ( القرآن الكريم ) الي اهوه اعظم كتاب ..
يعني تلاقينها تختم مليون روايه و كتاب بالسنه ..
لكن مع الاسف لو تقولين لها قريتي قرآن هالسنه تقولج " لا " :eh_s(2):

انا لما اشوف شخص بمكان عام يقرا ..
يكبر بعيني وايد و يعجبني ، انه ما خلا وقته يروح من غير هدف ؛*
القراءه هوايه و كنز جدآ جميل ,, ياليت الكل عنده هالهوايه

:eh_s(22):

 

[وسوممة]

ودي اسوي نفسكم احب القراءه اشترى الكتاب واقراء الصفحه الاولى بعدها اتركه معن عندي فراغ كبير

 

[عهود الحب]

عادي تقرا مجلة بس كتب لا موعادي
المجلات شنو فيها الا اخبار هالفنانين وخرابيطهم
وانا لما اطلع كتاب واقرا الكل يخزز فيج
بس اناعادي مايهموني
خل نشوف هالاجانب حتي بالباص يقعد يقرا
يستغلون الدقايق باثراء مخهم
انا بسيارتي كتاب وبجنطتي كتاب وايفوني فيه كتب
والمهم اني استمتع مولازم الناس يفهموني

 

[شيماء المطيري]

وسوممة----ابدي أول شي بكتاب أو قصة قصيرة صفحاتها ما تتعدى العشرين وشوي شوي ليما تتعودين على القراءة وتحبين الكتب لا تبتدين بالروايات الطويلة والكتب الكبيرة راح تملين من أول صفحة لانج مو متعودة ---بتشوفين مع الوقت أن خير جليس للانسان الكتاب

 

[وهج الحب]

السلام:
من كم يوم رحت المكتبة ولقيت هالكتب وجاتني فكرة اني اشتري مجموعة اوليه " عشان اشوف التقبل لها من الناس " لتوزيعها فاشتريت من كل كتاب 8 ..
وحطيتهم بكيسين وانا عندي سيارتين حطيت في كل كيس مجموعة وكل ما انزل مكان احط شوي منهم بشنطتي ..
ورحت الموول مع زوجي ولقيت بالكوفي شوب واحدة جالسه بروحها رحت لها قلت تحبين تقرين قالت لا قلت لها تسمحين تاخذين مني هالكتابين تقرينهم مساهمة مني لتشجيع القراءة ..واذا ما عجبوج خليهم على الطاولة ممكن احد غيرج يستفيد منهم ..بس ولله الحمد حطتهم بشنتطها ..
والله قعدت اشوفها تقراهم طوال ما احنا بالكوفي شوب ..
واليوم الصبح حطيت بعد مجموعة وزعتها في الصالون ووزعتها مكتب كنت رايحتله ..اذا واحدة بروحها اعطيها كتابين واذا مجموعة اعطيهم كل واحدة كتاب ..واردد كلمتي لهم تشجيعا مني للقراءة ..
والله واحدة اليوم خطر تنقز من مكتبها تبوسني قالت لي والله طاقه جبدي ومتملله ..قلت لها اقري وبيروح الملل..عاد هذي عطيتها كل المجموعة ..

انا اخترت هالكتب لاسباب ..
1- انهم صغار وللشنطة ..وان شاء الله باكبر الكتب بعد فترة ..لان فيه اكبر شوي ..
2- ان الناس تحب كتب التنمية ..
وبصراحة سعادتي اني شفت الجميع تقبل وكلهم حطوا الكتب بشناطهم ما خلوها مكانها ..
وهذه المجموعة اللي اشتريتها ..