حملة: نبيها إرادة مع إعاقة

[huda85]

huda

وماعندي اعاقه ولا متزوجه )

اهم شي اكون معاكم ولا نرد حبيبتي الصابره

 

[الصابرة المحتسبة]

جزاج الله خير ياهدى

 

[الصابرة المحتسبة]

رفع

 

[الصابرة المحتسبة]

على الأم أن لا تيأس سواء بالعلاج أو انتظار النتائج وعليج يا لأم بالبحث والسؤال عن كل شي جديد في حالة ولدج أو بنتج من تطور الطب أو اختراع أجهزة تعويضية ولا تعتمدين اعتماد كلي على كلام الأطباء في حالة المعاق الموقف يختلف لأن ربج مغير من حال لحال والأم اهي الطبيب الأول للحاله مثال: تعرف مسببات التشنج يا من أكل أو تعب بعد طبعا الفحوصات لمعرفة نسبة الدواء اللي ياخذه المعاق ها يفي بالغرض والعلاج الطبيعي مع استمراريته يبدي مفعوله باذن الله فاحرصي على الإهتمام بالحالة

 

[مشاعل الشمري]

(يكون الفرح بالحمل والولاده احساس لا يستثنى ان كان الطفل الاول اوالثاني اوالأخير فسبحانه هو الذي يهب الجنس الذي يحمله الرحم،سليم او مريض والحمدلله على النعمه يجب علينا كامهات الا نجزع من رحمة الله ولا نعترض على حكمه ونثابر من اجلهم من كل ناحيه سواء بطبيب اوجهاز ولا تدعي كلمة معاق كانها عقوبه لا رحمه من ربك وشدي من عزم ولييدج او بنتج لاي مجهود يبذل منه.الاراده عنوان السعادة فان اردنا سعادتنا لا بد من الأيمان بالقضاء والقدر:nbvppw:
احبكم في الله

 

[الصابرة المحتسبة]

يلا الهمة
عساكم على القوة

 

[HearT ChocolaTe]

السلام عليكم ورحمة الله وبركاته

شاكرين لكل عضواتنا الغالين اللي شاركونا هالحمله وأتمنى من الجميع المشاركة ولو بالقليل

أحب أتكلم عن موضوع ألتمسه بمعظم الأمهات .. وأعتقد أن ما في أحد بينكر لحظات معينه من حياته يقول فيها :
تعبت من اللي أنا فيه .. مليت من الروتين .. كرهت عمري .. ليش أنا ..؟؟
بقولج يا حياتي أنتي .. ؟؟ أي أنتي اللي ربي يبيج بأحسن مكان عنده .. وإلا بتقولين ما أبي هذا المكان يا ربي ؟؟
هذاك المكان اللي قاعد يتزين لج بأعمالج مع طفلج .. شلي وحطي وروحي وتعالي لأجل عينه وبتلقينه

إذا ما أخذتيه بهالدنيا بتلقينه بأحسن أحواله بالآخرة .. قاعد ينطرج عند باب جناته جنات النعيم
حتى ينفتح ذاك المكان اللي بيمسك ايدج ويدخلج فيه

لا تيأسين يا الغاليه .. يا أعز وأحن وأغلى أم بالدنيا .. ياللي ( طفلج / وطفلتج ) ما تطالع بالدنيا غيرج
ولا تحب وتحس إلا فيج أنتي .. وحطي في بالج كلمات تعطيج دافع للحياه وأمل بالله قوي
مهما تعرضتي لأوجاع وآلالام تلقين اللي يصدج ويوخرج عنها وتذكري دايما ان
الإبتلاء (( ليجزيكم أيكم أحسن عملا )) الصحابه كانو يتمنون المصيبه تنزل عليهم من ربنا وحنا لما ربنا عطانا نبي نجزع
والصبر (( ان الله مع الصابرين )) فيا حبيبتي كوني قدها لأجل جنه عرضها السموات والأرض

 

[C'est La Vie]

قوة بنات شلونكم شخباركم شلون عيالكم؟
انشالله كلكم بخير
صارلي يومين احوس بقسمكم وصراحة حسيت فيكم وباهتمامكم بعيالكم وهالشي حيل اثر فيني
وعساه بميزان حسناتكم انشالله وتفرحون فيهم انشالله
حتى قعدت افكر ودي اتطوع بمكان اقدر افيد فيه
قالولي عن مكان اسمه مركز عبدالله مادري عبير؟
وقالولي عن مكان حق التوحد
لا تحسبوني اني خريجة علم نفس ولا شي جذي لا ماعندي خبرة كلش
بس انا حابة التطوع واني اساعد
وابي رايكم تفيدوني عشان عقب ما اتخرج اتطوع
اسوي شي يفيد نفسي والناس احسن من قعدتي بالبيت
ناطرة ردكم حبايبي

 

[HearT ChocolaTe]

عسى الله يكثر من أمثالج حبيبتي وحياج الله بينا
هو مركز عبير بس ما أدري إذا يستقبلون متطوعات وإلا لأ
فديتج بميزان حسناتج ان شاء الله زين ما تسوين

 

[Emanova]

السلام عليكم ورحمة الله وبركاته

شاكرين لكل عضواتنا الغالين اللي شاركونا هالحمله وأتمنى من الجميع المشاركة ولو بالقليل

أحب أتكلم عن موضوع ألتمسه بمعظم الأمهات .. وأعتقد أن ما في أحد بينكر لحظات معينه من حياته يقول فيها :
تعبت من اللي أنا فيه .. مليت من الروتين .. كرهت عمري .. ليش أنا ..؟؟
بقولج يا حياتي أنتي .. ؟؟ أي أنتي اللي ربي يبيج بأحسن مكان عنده .. وإلا بتقولين ما أبي هذا المكان يا ربي ؟؟
هذاك المكان اللي قاعد يتزين لج بأعمالج مع طفلج .. شلي وحطي وروحي وتعالي لأجل عينه وبتلقينه

إذا ما أخذتيه بهالدنيا بتلقينه بأحسن أحواله بالآخرة .. قاعد ينطرج عند باب جناته جنات النعيم
حتى ينفتح ذاك المكان اللي بيمسك ايدج ويدخلج فيه

لا تيأسين يا الغاليه .. يا أعز وأحن وأغلى أم بالدنيا .. ياللي ( طفلج / وطفلتج ) ما تطالع بالدنيا غيرج
ولا تحب وتحس إلا فيج أنتي .. وحطي في بالج كلمات تعطيج دافع للحياه وأمل بالله قوي
مهما تعرضتي لأوجاع وآلالام تلقين اللي يصدج ويوخرج عنها وتذكري دايما ان
الإبتلاء (( ليجزيكم أيكم أحسن عملا )) الصحابه كانو يتمنون المصيبه تنزل عليهم من ربنا وحنا لما ربنا عطانا نبي نجزع
والصبر (( ان الله مع الصابرين )) فيا حبيبتي كوني قدها لأجل جنه عرضها السموات والأرض

انا معاج كلامج صح 100%

انا انقهر من الامهات اللي تقولي ما ابي اطلع ولدي ؟؟؟ او خاشه الياهل في البيت ... او ما تقول ان ولدها فيه شيء

او اللي تهتم باخوانه اكثر منه ...

والله انا اقول ان هاليهال بركه في البيت كل ما تعبنا فيهم كل ما الله فتحها علينا من ناحيه ثانيه و لا ياب لنا باب رزق او فتح

لنا باب كان مسكر

 

[الصابرة المحتسبة]

قوة بنات شلونكم شخباركم شلون عيالكم؟
انشالله كلكم بخير
صارلي يومين احوس بقسمكم وصراحة حسيت فيكم وباهتمامكم بعيالكم وهالشي حيل اثر فيني
وعساه بميزان حسناتكم انشالله وتفرحون فيهم انشالله
حتى قعدت افكر ودي اتطوع بمكان اقدر افيد فيه
قالولي عن مكان اسمه مركز عبدالله مادري عبير؟
وقالولي عن مكان حق التوحد
لا تحسبوني اني خريجة علم نفس ولا شي جذي لا ماعندي خبرة كلش
بس انا حابة التطوع واني اساعد
وابي رايكم تفيدوني عشان عقب ما اتخرج اتطوع
اسوي شي يفيد نفسي والناس احسن من قعدتي بالبيت
ناطرة ردكم حبايبي

الله يكثر من أمثالج
وانتي سألي عن المراكز الإثنين
وحياج الله بينا عزيزة وغالية

 

[الصابرة المحتسبة]

(يكون الفرح بالحمل والولاده احساس لا يستثنى ان كان الطفل الاول اوالثاني اوالأخير فسبحانه هو الذي يهب الجنس الذي يحمله الرحم،سليم او مريض والحمدلله على النعمه يجب علينا كامهات الا نجزع من رحمة الله ولا نعترض على حكمه ونثابر من اجلهم من كل ناحيه سواء بطبيب اوجهاز ولا تدعي كلمة معاق كانها عقوبه لا رحمه من ربك وشدي من عزم ولييدج او بنتج لاي مجهود يبذل منه.الاراده عنوان السعادة فان اردنا سعادتنا لا بد من الأيمان بالقضاء والقدر:nbvppw:
احبكم في الله

الله على هالكلام الحلو الطيب وأحبكي الله فيما أحببتينا فيه

 

[مشاعل الشمري]

لايحق لي ان ارفض الواقع الذي اعيشه وهو ان لدي طفل احتياجات خاصه (معاق)بل على العكس يزيدني اصرارا وتحدي

على ان اضمن له حقوقه في المجالات اللتي تتلاءم مع حالته.


البحث عن الحلول ولو بضوء أمل استنير به ليضيء له حياته ولو بفكره طرحت على النت،كان وما زال لغز التوحد غامض بالنسبة لي ولكن عندما وطنت نفسي ان هذا قدري وقدر طفلي وعاملته على هذا الاساس كانت النتيجه ايجابيه ولله الحمد ،قبل 6سنوات كان التشخيص على طول يأتيك على انه توحد كامل ولا يمكن الشفاء منه،
الآن اصبح فيه صفات توحد،كلاسيكي اي نوع

الشاهد ان لا يمكن الجزم بان هذا المرض او العله لا يمكن الشفاء منه بحسب كلام طبيب اوحتى عالم
الله وحده عالم وهوسبحانه الطبيب
الدعاءكان ولا زال السبب الرئيسي في تعدل اوضاع وليييدي
المثابره والحرصعلى عدم اليأس
اسفه على الاطاله ولكنه شيء كان يجول بخاطري

 

[الصابرة المحتسبة]

أختي مشاعل جزاج الله خير
ولا إطالة ولا شي الأهم نفيد ونستفيد

 

[حبيبة أهلها]

السلام عليكم ورحمة الله وبركاتة :

احنا معاكم قلبا وقالبا حبيبات قلبي

واي شئ تبووووونة احنا حاضرررررين

 

[الصابرة المحتسبة]

جزاج الله خير

 

[الرهيييفه]

كالعادة
متأخره في كل مره

العضوة : الرهيييفه

بنتي حبيبتي " اعاقة مزدوجه "

معاكم في هذي الحملة الرائعة
الللي ترفع من المعنويات

 

[الصابرة المحتسبة]

حياج الله بينا ياعمري

 

[jolie_q8]

السلام عليكم اشلونكم خواتي ..

والله يعينكم ويعطيك القوة والصبر علشان تقدرون تكملون هالمسيرة

حبيت أشارك معاكم بهالرد .. وان شاءالله يكون مفيد وبصالح أطفالكم وراح اتكلم عن الاهتمام الزائد عن الحد / وعن التواصل

بصراحة ما عندي فكرة عامة عن جميع الإعاقات طبعا ..

بس أشوف انه التواصل مع الناس جدا مهم .. لأنه في وايد أمهات يخجلون من طفلهم ويعزلونه بالبيت عن الناس

أو انها تزيد بالاهتمام لدرجه تخلي بقية الأطفال يكرهونه لأنه مدلل وياخذ الكثير من اهتمام الأم

طبعا الأطفال يحبون الاندماج مع البقية ويحبون التواصل مع الغير

فلازم الطفل يطلع ويشوف الناس ويتواصل معاهم .. سواء عن طريق التجمعات العائلية أو أماكن الترفيه

أو المشاركة بالمسابقات .. مثلا اذا فيه مسابقة رسم أو حفظ (طبعا للقادرين منهم).. خليه يشارك فيها حتى لو ماراح يفوز

خل يجرب ويحس نفسه مثل الباجي

اتوقع وايد راح يفرق بنفسية الطفل .. ولا تحسسونه انه غير سواء بالاهتمام الزائد او التجاهل. يعني اذا سوى شي غلط

المفروض يعاقب (بس العقاب يكون خفيف طبعا بس علشان يفهم انه اللي سواه غلط) كنوع من التأديب وعلشان يعرف انه ما يختلف

عن بقيه الاطفال سواء بالثواب او العقاب


وهذا اللي في بالي الحين

 

[مرمر]

السؤال اللي يطرح نفسة
ليش الغرب يتعاملون مع الاعاقات مهما كانت بطريقة واسلوب افضل بكثير منا احنا العرب المسلمون المؤمنون بالله وعارفين انهم عطية واختبار ليش الاكثرية يسقطون بهالاختبار وينكرون الواقع والمصيبة لما ينسون او يتناسون ان عندهم طفل او طفلة معاقة محتاجة للاهتمام والحنان وتعامل ممكن بقدرة القادر يوصل للطبيعي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تدرون ليش لان اهل المعاقين هم سجانهم الناس ماتشوفهم وتتفاعل معاهم ويكبرون معاهم ويتعودون عليهم
سبب نظرة الناس وتعامل الطفل السوي مع المعاق لنكران اهله ا>ا الاهل مايتعاملون معاه صح شلون اطلب من المجتمع يحسن تعامله

الحل
ولله الحمد هالشي وايد لاحظته وايد من الاهالي قاموا يطلعون مع اطفالهم المعاقين ويلاعبونهم ومؤمنين بالله تعالي ومقتنعين بقسمة ربهم وتقبلوا بسرعة
لازم المجتمع يتعود انهم جزء مهم وكبيرمنه لهم احتياجات وحقوق
يالله ياامهات ابي اشوف عيالكم بكل مكان اولا واخيرا هو طفل يبي يحس باللي حوله ويتفاعل فيه
والله سبحانه عطاكم اياهم اختبار وثوابكم الجنة انشاءالله
في وحدة منكم ترفض هالثوابولا كلنا نركض نبيه

طولت عليكم