السلام عليكم
الحياة تجارب وعلينا ان نستفيد من تجاربنا ،كلنا وما استثني اي وحده انصدمت لما درت ان عندها حاله تحتاج رعايه خاصه،
حبيبي يويو اسم الله عليه كان اخف ولاده وأجمل واحد في عيالي الله يخليهم ويصلحهم،كان اكثر شي افكر فيه ان يقعد على التلفزيون والبلاي ستيشن 7ساعات ما يقوم من مكانه،ومايتجاوب مع اخوانه باي لعب حتى الكره اللي يحبونها الصبيان ولا الدراجه ابد وما ياكل الا البيض وما يتكلم الا تيتي يعني بيبسي لان مغرم فيه يدورحوالين نفسه وايد وما كان يحب يتسكر باب عليه ابدا
طبعا ولنقص التوعيه بالنسبه لي فما كنت اعرف شنو فيه بس كان يحب يلمني ويدور علي
لما داوم بالروضه كان مايتكلم معاهم وكان ينام فيها مع اني كنت انومه مبكر وكان يبكي ويحب ايدي الصبح عشان ما اوديه
بس عمره ما تصرف بعدوانيه ضد اي طفل
الزبده رحت الروضه ولا الحبيبه الاخصائيه تقولي تونا نبي اندق عليج قلت لها عشان ولدي ان في وفي ...........
قالت زين يعني انا ما راح اتعب معاك لان ولدك ماينفع انه يداوم عندنا قلت لها الحمدلله على كل حال
حسيت الدنيا تلف فيني وين اودي ولدي وشلون اسئلة كل ام تائه
وبدت الرحله بخطوه وقررت ان وليدي له الله اولا واخيرا وما راح ايضيعه
ومن بعد مراجعة التطوري اللي كل ام ذاقتها
دخل يوسف المركز ومن اول يوم حسيت ان الولد هذا مكانه ثابرت وستذبحت على ان ولدي ممكن له العيش بحياة كريمه تحسن النطق وتكلم ويلعب وبدا مع اخوانه ولا انسى الدعاء في هذه الايام
الحين يوسف هو المثابر وهو اللي يبي مدرسه غير مدرسته يبي يتعلم ويطالبني بشهاده ان ما فيني شي واستحق طبعا بلغة طفل
وابي اروح مدرست اخواني وكتب الله ليوسف ان دكتوره يطلب تغييراوراقه لبطء تعلم وحامل لبعض الصفات التوحدويطالب لدخوله المدرسه:ggdw::ggdw::ggdw:ليوسف حبيب قلبي الحنون
ويستمر الدعاء لله ويستمر النضال والمثابره الى ان يأخذ الله امانته
