حبيبتي انا صاير لي سنه و جم شهر متزوجه
صج اول الايام تتدودهت و ما كنت عارفه اتصرف عدل
خبرج البنت قبل الزواج غير عن بعد الزواج
بس شوي شوي ليما صرت اعرف اتحكم بشقتي
بقولج جدولي و ان شاء الله يعجبج و تستفيدين منه
طبعا انا معتمدته بشكل يومي و بالعكس مو حاسه بتعب
بتحسين ب حماس زياده و اليوم اللي ما اشتغل فيه احس مالي خلق ابدا
اقعد الصبح اسوي ريوق لزوجي على ما يتريق و يبدل يبيله تقريبا ساعه
يتسهل و يروح ل دوامه ابدا هني بحملة تنظيفيه شبه يوميه
اقط الملابس بالغساله و حلاتها اتوماتيك مساعدتني حيل
و اخليها و ابدا مساح الارضيات و الطاولات
و اسوي الغدا الساعه ١١ تقريبا ما يكون راد زوجي الا هو خالص
نتغدا بعد الغدا اغسل المواعين و ابخر البيت و نسوي جاي للتهضيم
ليما ياذن العصر نصلي و ننام ساعه نقعد يروح للديوانيه و الا لربعه
و انا مرات اروح لحمولتي ( ساكنه بشقه بروحي مو معاهم ) او اهلي
و مرات اقعد بشقتي اشوف التي في و اسوي عشا لزوجي و هو عموما ما يطول
قبل ال٨ او ال ٩ يكون بالبيت
هذا شغلي تقريبا كل يوم باستثناء الويكند
من يرد الخميس من الدوام يتغدا و اروح لاهلي
و ارد منهم السبت بالليل
و سلامتج
هذا جدولي ترا و الله بسيط و ما يبيله شي
اهم شي تحطين ببالج كل يوم اول ما تقعدين ان فيج حماس و طاقه
و ما شاء الله عندج خدامه علميها على شغلج بس خليج معاها عشان تشتغل بذمه ��
و الله يسهل امورج
